ನೊಂದ ಮನಗಳಿಗೆ ಮದ್ದಾದ ಜಗ್ಗೇಶ್ ಟಾಪ್ 9ಚಿತ್ರಗಳು

ಎದ್ದೇಳು ಮಂಜುನಾಥ

2009ರಲ್ಲಿ ಬಿಡುಗಡೆಯಾದ ಜಗ್ಗೇಶ್, ಗುರುಪ್ರಸಾದ್ ಕಾಂಬಿನೇಶನಿನ ಮತ್ತೊಂದು ಚಿತ್ರ. ಸನತ್ ಕುಮಾರ್ ನಿರ್ಮಿಸಿದ್ದ ಈ ಚಿತ್ರದಲ್ಲಿ ಯಜ್ಞಾ ಶೆಟ್ಟಿ, ತಬಲಾ ನಾಣಿ, ಎ ಎಸ್ ಮೂರ್ತಿ ಮತ್ತು ಒನ್ ಇಂಡಿಯಾ ಎಡಿಟರ್ ಶ್ಯಾಮ್ ಸುಂದರ್ ಉಳಿದ ತಾರಾಗಣದಲ್ಲಿದ್ದರು.

ಮಠ

2006ರಲ್ಲಿ ಗುರುಪ್ರಸಾದ್ ನಿರ್ದೇಶನದ ಚಿತ್ರ. ಈ ಚಿತ್ರ ನಿರ್ದೇಶಕರಿಗೆ ಯಾವ ಮಟ್ಟಿಗೆ ಹೆಸರು ತಂದು ಕೊಟ್ತಿತ್ತಂದರೆ ಚಿತ್ರ ಬಿಡುಗಡೆಯ ನಂತರ 'ಮಠ ಗುರುಪ್ರಸಾದ್' ಎಂದೇ ಜನಪ್ರಿಯರಾದರು. ಜಗ್ಗೇಶ್, ಸುದರ್ಶನ್, ವೈಜಯಂತ್ ಬಿರಾದರ್, ತಬಲಾ ನಾಣಿ, ಮಂಡ್ಯ ರಮೇಶ್ ಪ್ರಮುಖ ಭೂಮಿಕೆಯಲ್ಲಿರುವ ಈ ಚಿತ್ರಕ್ಕೆ ವಿ ಮನೋಹರ್ ಸಂಗೀತ ನೀಡಿದ್ದರು. ಜಗ್ಗೇಶ್ ಅವರ 100ನೇ ,ಮತ್ತು ವೈಜಯಂತ್ ಬಿರಾದರ್ ಅವರ 200ನೇ ಚಿತ್ರವಿದು.

ಕುಬೇರ

1999ರಲ್ಲಿ ಬಿಡುಗಡೆಯಾದ ಮತ್ತೊಂದು ಹಾಸ್ಯಪ್ರಧಾನ ಚಿತ್ರ. ಶಿವಮಣಿ ನಿರ್ಮಿಸಿ, ನಿರ್ದೇಶಿಸಿದ್ದ ಈ ಚಿತ್ರಕ್ಕೆ ರಾಜೇಶ್ ರಾಮನಾಥನ್ ಸಂಗೀತ ನೀಡಿದ್ದರು. ಜಗ್ಗೇಶ್, ದೊಡ್ಡಣ್ಣ, ನಗ್ಮಾ, ಉಮೇಶ್ ಪ್ರಮುಖ ತಾರಾಗಣದಲ್ಲಿದ್ದಾರೆ.

ಇಂದ್ರನ ಗೆದ್ದ ನರೇಂದ್ರ

1994ರಲ್ಲಿ ಶ್ರೀದೇವಿ ಪಿಚ್ಚರ್ಸ್ ಬ್ಯಾನರಿನಲ್ಲಿ ಮೂಡಿ ಬಂಡ ಚಿತ್ರ. ಓಂ ಸಾಯಿ ಪ್ರಕಾಶ್ ನಿರ್ದೇಶಿಸಿದ್ದ ಈ ಚಿತ್ರದ ಪ್ರಮುಖ ತಾರಾಗಣದಲ್ಲಿ ಜಗ್ಗೇಶ್, ಶ್ರೀನಾಥ್, ದೊಡ್ಡಣ್ಣ, ಉಮಾಶ್ರೀ ರಮೇಶ್ ಭಟ್, ಪ್ರಮೀಳಾ ಜೋಷಾಯಿ ಮುಂತಾದ ಕಲಾವಿದರ ದಂಡೇ ಇದೆ.

ಸೂಪರ್ ನನ್ ಮಗ

ಜಗ್ಗೇಶ್, ಬ್ಯಾಂಕ್ ಜನಾರ್ಧನ್ ಪ್ರಮುಖ ಪಾತ್ರದಲ್ಲಿರುವ ಚಿತ್ರ. ಜಗ್ಗೇಶ್ ಹೆಡ್ ಪೋಲೀಸ್ ಕಾನ್ಸ್ಟೇಬಲ್ ಮಗನ ಪಾತ್ರದಲ್ಲಿ ಈ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. 1993ರಲ್ಲಿ ಈ ಚಿತ್ರ ಬಿಡುಗಡೆಯಾಗಿತ್ತು.

ಸರ್ವರ್ ಸೋಮಣ್ಣ

1993ರಲ್ಲಿ ಬಿಡುಗಡೆಯಾದ ಈ ಚಿತ್ರದ ನಿರ್ದೇಶಕರು ಕೆ ವಾಸು. ಹರಿಪ್ರಸಾದ್ ನಿರ್ಮಿಸಿದ್ದ ಈ ಚಿತ್ರಕ್ಕೆ ರಾಜ್ - ಕೋಟಿ ಸಂಗೀತ ನೀಡಿದ್ದರು. ಜಗ್ಗೇಶ್, ರಂಭಾ, ಶಿವರಾಂ, ಅಭಿಜಿತ್ ಚಿತ್ರದ ಪ್ರಮುಖ ಪಾತ್ರದಲ್ಲಿದ್ದಾರೆ.

ತರ್ಲೆ ನನ್ ಮಗ

1992ರಲ್ಲಿ ಬಿಡುಗಡೆಯಾದ ಉಪೇಂದ ನಿರ್ದೇಶನದ ಚಿತ್ರ. ವಿ ಮನೋಹರ್ ಸಂಗೀತ ನೀಡಿದ್ದ ಚಿತ್ರಕ್ಕೆ ಅಂಜಲಿ ಸುಧಾಕರ್ ನಾಯಕಿಯಾಗಿದ್ದರು. ಬ್ಯಾಂಕ್ ಜನಾರ್ಧನ್, ಸತ್ಯಭಾಮ, ಟೆನಿಸ್ ಕೃಷ್ಣ ಪ್ರಮುಖ ಭೂಮಿಕೆಯಲ್ಲಿರುವ ಈ ಚಿತ್ರ ಜಗ್ಗೇಶ್ ವೃತ್ತಿ ಜೀವನದ ಸೂಪರ್ ಹಿಟ್ ಚಿತ್ರಗಳಲ್ಲೊಂದು.

ಭಂಡ ನನ್ನ ಗಂಡ

1992ರಲ್ಲಿ ಬಿಡುಗಡೆಯಾದ ಚಿತ್ರ. ಜಗ್ಗೇಶ್, ಅಂಬರೀಶ್, ಆಶಾಲತಾ ಪ್ರಮುಖ ಭೂಮಿಕೆಯಲ್ಲಿರುವ ಈ ಚಿತ್ರದಲ್ಲಿ ಜಗ್ಗೇಶ್ ಅಂಬರೀಶ್ ಪಕ್ಕ ಅಭಿಮಾನಿ. 1992ರಲ್ಲಿ ಯಶಸ್ಸು ಕಂಡ ಚಿತ್ರಗಳಲ್ಲಿ ಈ ಚಿತ್ರವೂ ಒಂದು.

ಮನ್ಮಥರಾಜ

ಕಾಶೀನಾಥ್ ನಿರ್ದೇಶನದ ಈ ಚಿತ್ರ 1989ರಲ್ಲಿ ಬಿಡುಗಡೆಯಾಗಿತ್ತು. ಕಾಶೀನಾಥ್ ಚಿತ್ರದ ಪ್ರಮುಖ ತಾರಾಗಣದಲ್ಲಿದ್ದರು. ಬಾಕ್ಸ್ ಆಫೀಸ್ ನಲ್ಲಿ ಈ ಚಿತ್ರ ಕೂಡಾ ಉತ್ತಮ ಗಳಿಕೆ ಕಂಡಿತ್ತು.