ಗೋಲ್ಡನ್ ಸ್ಟಾರ್ ಗಣೇಶ್ ಹುಟ್ಟುಹಬ್ಬಕ್ಕೆ 'ಆರೆಂಜ್' ಗಿಫ್ಟ್

ನಟ ಗೋಲ್ಡನ್ ಸ್ಟಾರ್ ಗಣೇಶ್ ಹುಟ್ಟುಹಬ್ಬಕ್ಕೆ ಕೆಲವೇ ದಿನಗಳ ಬಾಕಿ ಇದೆ. ಜುಲೈ 2 ರಂದು ನಡೆಯಲಿರುವ ಗಣೇಶ್ ಬರ್ತಡೇ ಗೆ ಈಗಾಗಲೇ ಸಾಕಷ್ಟು ಕಾರ್ಯಕ್ರಮಗಳು ನಿಗದಿಯಾಗಿವೆ. ಇದರ ಜೊತೆಗೆ ಈಗ 'ಆರೆಂಜ್' ಚಿತ್ರತಂಡ ಕೂಡ ಗಣೇಶ್ ಹುಟ್ಟುಹಬ್ಬವನ್ನು ಸ್ಪೆಷಲ್ ಆಗಿ ಆಚರಿಸುವುದಕ್ಕೆ ನಿರ್ಧಾರ ಮಾಡಿದೆ.

ಗಣೇಶ್ ನಟನೆಯ 'ಆರೆಂಜ್' ಚಿತ್ರದ ಮುಹೂರ್ತ ಈ ಹಿಂದೆ ಆಗಿತ್ತು. ಆದರೆ ಈಗ ಚಿತ್ರದ ಟೈಟಲ್ ಲಾಂಚ್ ಕಾರ್ಯಕ್ರಮವನ್ನು ಅದ್ದೂರಿಯಾಗಿ ಮಾಡಲು ತಯಾರಿ ಚಿತ್ರತಂಡ ತಯಾರಿ ನಡೆಸಿದೆ. ಗಣೇಶ್ ಜೊತೆ 'ಜೂಮ್' ಸಿನಿಮಾ ಮಾಡಿದ್ದ ಪ್ರಶಾಂತ್ ರಾಜ್ ಈಗ 'ಆರೆಂಜ್' ಚಿತ್ರಕ್ಕೂ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ಈ ಬಾರಿಯ ಗಣೇಶ್ ಹುಟ್ಟುಹಬ್ಬಕ್ಕೆ ಅನೇಕ ಕಾರ್ಯಕ್ರಮಗಳು ಅಭಿಮಾನಿಗಳಿಗಾಗಿ ಕಾಯುತ್ತಿದೆ. 'ವೀಕೆಂಡ್ ವಿತ್ ರಮೇಶ್', 'ಮುಗುಳು ನಗೆ' ಚಿತ್ರದ ಆಡಿಯೋ, 'ಆರೆಂಜ್' ಚಿತ್ರದ ಟೈಟಲ್ ಲಾಂಚ್ ಸೇರಿದಂತೆ ಸಾಕಷ್ಟು ಕಾರ್ಯಕ್ರಮಗಳು ಅಂದೇ ನಡೆಯಲಿದೆ.