ಜೂನ್ ತಿಂಗಳ ಅತೀ ಜನಪ್ರಿಯ ನಟ ದಳಪತಿ ವಿಜಯ್: ಯಶ್‌ಗೆ ಎಷ್ಟನೇ ಸ್ಥಾನ?

ದಳಪತಿ ವಿಜಯ್ ನಂ 1

ಒರ್ಮಾಕ್ಸ್ ಮೀಡಿಯಾ ಜೂನ್ ತಿಂಗಳಲ್ಲಿ ಟಾಪ್‌ನಲ್ಲಿರುವ ಸೂಪರ್‌ಸ್ಟಾರ್ ಪಟ್ಟಿಯನ್ನು ರಿಲೀಸ್ ಮಾಡಿದೆ. ಇದರಲ್ಲಿ ಮತ್ತೆ ತಮಿಳು ನಟ ದಳಪತಿ ವಿಜಯ್ ಮೊದಲ ಸ್ಥಾನದಲ್ಲಿದ್ದಾರೆ. ವಿಜಯ್ ಅಭಿನಯದ 'ಬೀಸ್ಟ್' ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಸೋತಿದ್ದರೂ, ಜನಪ್ರಿಯತೆ ಮಾತ್ರ ಕಡಿಮೆಯಾಗಿಲ್ಲ. ಇದಕ್ಕೆ ಕಾರಣ ದಳಪತಿ ವಿಜಯ್ ಅಭಿನಯದ 66ನೇ ಸಿನಿಮಾ. ನಿರ್ದೇಶಕ ವಂಶಿ ಪೈಡಿಪಲ್ಲಿ ಜೊತೆ ಕೈ ಜೋಡಿಸಿದ್ದಾರೆ. ಈಗಾಗಲೇ 'ವರಿಸು' ಅನ್ನೋ ಟೈಟಲ್ ಕೂಡ ಫಿಕ್ಸ್ ಆಗಿದೆ. ಈ ಸಿನಿಮಾ ಪೋಸ್ಟರ್ ಈಗಾಗಲೇ ಸಂಚಲನ ಸೃಷ್ಟಿಸಿದೆ.

ದಾಖಲೆ ಬರೆದ 'ಕೆಜಿಎಫ್ 2' ಸಿನಿಮಾ ಫೈನಲ್ ಬಾಕ್ಸಾಫೀಸ್‌ ಕಲೆಕ್ಷನ್ ರಿಪೋರ್ಟ್ ಎಷ್ಟು?

ಡಾರ್ಲಿಂಗ್ ಪ್ರಭಾಸ್ ನಂ 2

ಡಾರ್ಲಿಂಗ್ ಪ್ರಭಾಸ್ ಎರಡನೇ ಸ್ಥಾನದಲ್ಲಿದ್ದಾರೆ. 'ಸಾಹೋ' ಹಾಗೂ 'ರಾಧೆ ಶ್ಯಾಮ್' ಸಿನಿಮಾದ ಸೋಲಿನ ಬಳಿಕವೂ ಸಿನಿಮಾ ಪ್ರಭಾಸ್ ಕ್ರೇಜ್ ಕಮ್ಮಿಯಾಗಿಲ್ಲ. ಇದಕ್ಕೆ ಕಾರಣ ಡಾರ್ಲಿಂಗ್ ಪ್ರಭಾಸ್ ಮುಂದಿನ ಎರಡು ಸಿನಿಮಾ. ಪ್ರಶಾಂತ್ ನೀಲ್ ಅಭಿನಯದ 'ಸಲಾರ್' ಹಾಗೂ 'ಆದಿಪುರುಷ್' ಸಿನಿಮಾ ಚರ್ಚೆಯಲ್ಲಿತ್ತು. ಈ ಕಾರಣಕ್ಕೆ ಪ್ರಭಾಸ್ ಎರಡನೇ ಸ್ಥಾನದಲ್ಲಿರಬಹುದು ಎಂದು ಅಂದಾಜಿಸಲಾಗಿದೆ.

ರಾಕಿ ಭಾಯ್‌ಗೆ ಯಾವ ಸ್ಥಾನ?

'ಕೆಜಿಎಫ್ 2' ಸಿನಿಮಾ ಬಿಡುಗಡೆಯಾಗಿ ಹೆಚ್ಚು ಕಡಿಮೆ ಮೂರು ತಿಂಗಳಾಗುತ್ತಿದೆ. ಹೀಗಿದ್ದರೂ, ಯಶ್ ಹಾಗೂ 'ಕೆಜಿಎಫ್ 2' ಮೇಲಿನ ಕ್ರೇಜ್ ಮಾತ್ರ ಕಮ್ಮಿಯಾಗಿಲ್ಲ. ಅಲ್ಲದೆ ಯಶ್ ಮುಂದಿನ ಸಿನಿಮಾದ ಬಗ್ಗೆನೂ ಚರ್ಚೆಯಾಗುತ್ತಿರುವುದರಿಂದ ಯಶ್ ಮೂರನೇ ಸ್ಥಾನದಲ್ಲಿದ್ದಾರೆ. ಮೇ ತಿಂಗಳಲ್ಲಿ ಯಶ್ ಏಳನೇ ಸ್ಥಾನದಲ್ಲಿದ್ದರು. ವಿಶೇಷ ಅಂದರೆ, ಟಾಪ್ 3 ಯಲ್ಲಿ ದಕ್ಷಿಣ ಭಾರತದ ನಟರೇ ಇದ್ದು, ಮೂರನೇ ಸ್ಥಾನದಲ್ಲಿ ಯಶ್ ಇದ್ದಾರೆ.

ಟಾಪ್ 10 ಪಟ್ಟಿ ಹೀಗಿದೆ

ಜೂನ್ ತಿಂಗಳಲ್ಲೂ ಅಕ್ಷಯ್ ಕುಮಾರ್ ಬಿಟ್ಟರೆ ಬೇರೆ ಯಾವುದೇ ನಟ ಕೂಡ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿಲ್ಲ. ಟಾಪ್ 10 ಪಟ್ಟಿಯಲ್ಲಿರುವ ನಟರೆಲ್ಲರೂ ದಕ್ಷಿಣ ಭಾರತದವರೇ. ಈ ಪಟ್ಟಿಯಲ್ಲಿ ಬಾಲಿವುಡ್‌ ಸೂಪರ್‌ಸ್ಟಾರ್‌ಗಳು ಇಲ್ಲವೇ ಇಲ್ಲ.

ದಳಪತಿ ವಿಜಯ್ ನಂ 1
ಪ್ರಭಾಸ್ ನಂ 2
ಯಶ್ ನಂ 3
ಅಜಿತ್ ಕುಮಾರ್ ನಂ 4
ಅಕ್ಷಯ್ ಕುಮಾರ್ ನಂ 5
ಅಲ್ಲು ಅರ್ಜುನ್ ನಂ 6
ಜೂ.ಎನ್‌ಟಿಆರ್ ನಂ 7
ಮಹೇಶ್ ಬಾಬು ನಂ 8
ರಾಮ್ ಚರಣ್ ನಂ 9
ಸೂರ್ಯ ನಂ 10