79ನೇ ಕಾನ್ಸ್ ಫಿಲ್ಮ್‌ಫೆಸ್ಟಿವಲ್‌ಗೆ ಪ್ರಿಯಾಂಕಾ ಉಪೇಂದ್ರ ಸಿನಿಮಾ ಆಯ್ಕೆ; ಸೆಪ್ಟೆಂಬರ್ 21ರ ವಿಶೇಷತೆಯೇನು?

ಭಾರತೀಯ ಚೊಚ್ಚಲ ಚಿತ್ರಗಳಿಗೆ ಇದು ಮೊದಲು, SEPTEMBER 21 ಥಿಯೇಟರ್ ಬಿಡುಗಡೆಗೂ ಮುನ್ನ 12 ನಗರಗಳಲ್ಲಿ ಪ್ರೀಮಿಯರ್ ಕಾಣಲಿದೆ. ಮುಂಬೈ ಪಶ್ಚಿಮ, ಮುಂಬೈ ಸೆಂಟ್ರಲ್, ಪುಣೆ, ಔರಂಗಾಬಾದ್, ಹೈದರಾಬಾದ್, ಬೆಂಗಳೂರು, ಮಂಗಳೂರು, ದೆಹಲಿ-ನೋಯ್ಡಾ, ಲಕ್ನೋ, ಕೋಲ್ಕತ್ತಾ, ದುಬೈ, ಮತ್ತು ನ್ಯೂಯಾರ್ಕ್ ಈ 12 ನಗರಗಳು

22 ವರ್ಷದ ಲೇಖಕಿ-ನಿರ್ದೇಶಕಿ ಕರೆನ್ ಕ್ಷಿತಿ ಸುವರ್ಣ ನಿರ್ದೇಶನದ ಚಿತ್ರಕ್ಕೆ ARDSI ಬೆಂಬಲವಿದೆ. "ಆಲ್ಝೈಮರ್ ರೋಗಿಗಳಿಗಿಂತ ಅವರನ್ನು ನೋಡಿಕೊಳ್ಳುವವರ ಸಂಕಷ್ಟ ಬಹಳ ದೊಡ್ಡದು. ಪ್ರೇಕ್ಷಕರಿಗೆ ಆ ಮೌನ ಮತ್ತು ಭಾವನಾತ್ಮಕ ಭಾರವನ್ನು ಅನುಭವಿಸುವಂತೆ ಮಾಡಬೇಕೆಂದುಕೊಂಡೆ," ಎನ್ನುತ್ತಾರೆ ಕರೆನ್.

ರಾಜಶೇಖರ್ ಬರೆದು ವಿನಯ್ ಚಂದ್ರಾ ಸಂಗೀತ ನೀಡಿರುವ ಚಿತ್ರವು, ಬುದ್ಧಿಮಾಂದ್ಯತೆಯಿಂದ ಬಳಲುವ ತಂದೆ ಮತ್ತು ಮಹತ್ವಾಕಾಂಕ್ಷೆ-ಕರ್ತವ್ಯದ ನಡುವೆ ಸಿಲುಕಿದ ಮಗನ ಕಥೆ ಹೇಳುತ್ತದೆ. ಹಮಾರಾಮೂವಿ, ಇಮ್ತಿಯಾಜ್ ಅಲಿ ಅವರ ಪತ್ನಿ ಪ್ರೀತಿ ಅಲಿ ಮತ್ತು ವಿನಯ್ ಮಿಶ್ರಾ ಪಾಲುದಾರಿಕೆಯ ಸಂಸ್ಥೆ, ಈ ಹಿಂದೆ Follower ಮತ್ತು Tortoise Under the Earth ನಂತಹ ಫೆಸ್ಟಿವಲ್ ಚಿತ್ರಗಳನ್ನು ಬೆಂಬಲಿಸಿದೆ. SEPTEMBER 21 ಕಾನ್ಸ್‌ನಲ್ಲಿ ಪಾದಾರ್ಪಣೆ ಮಾಡುತ್ತಿರುವ ಅತ್ಯಂತ ಕಿರಿಯ ಭಾರತೀಯ ನಿರ್ದೇಶನಗಳಲ್ಲಿ ಒಂದಾಗಿದೆ.