ಅಪ್ಪು ಸಿನಿಮಾ 'ಭಕ್ತ ಪ್ರಹ್ಲಾದ' ಹಾಗೂ 'ಲಕ್ಕಿ ಮ್ಯಾನ್‌' ರಿಲೀಸ್ ಡೇಟ್ ಒಂದೇ: ಯಾವುದದು?

ಲಕ್ಕಿ ಮ್ಯಾನ್ ಥಿಯೇಟರ್‌ ಎಂಟ್ರಿ ಯಾವಾಗ?

ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ಸಿನಿಮಾ ರಿಲೀಸ್ ಇನ್ನು ಐದು ದಿನ ಮಾತ್ರ ಬಾಕಿ ಉಳಿದಿದೆ. ಅಪ್ಪು ವಿಶೇಷ ಪಾತ್ರದಲ್ಲಿ ಅಭಿನಯಿಸಿರುವ ಕೊನೆಯ ಸಿನಿಮಾ ನೋಡುವುದಕ್ಕೆ ಅಭಿಮಾನಿಗಳು ಕೂಡ ಕಾದು ಕೂತಿದ್ದಾರೆ. 'ಲಕ್ಕಿ ಮ್ಯಾನ್' ಸಿನಿಮಾ ಇದೇ ಸೆಪ್ಟೆಂಬರ್ 9ರಂದು ರಾಜ್ಯದಾದ್ಯಂತ ಅದ್ಧೂರಿಯಾಗಿ ಬಿಡುಗಡೆಯಾಗುತ್ತಿದೆ. ಈ ಸಿನಿಮಾದ ಬಿಡುಗಡೆ ದಿನಕ್ಕೂ ಅಪ್ಪು ಬಾಲನಟನಾಗಿ ನಟಿಸಿದ 'ಭಕ್ತ ಪ್ರಹ್ಲಾದ' ಸಿನಿಮಾ ಬಿಡುಗಡೆಯಾದ ದಿನ ಹಾಗೂ ತಿಂಗಳು ಒಂದೇ.

'ಭಕ್ತ ಪ್ರಹ್ಲಾದ', 'ಲಕ್ಕಿ ಮ್ಯಾನ್' ನಂಟೇನು?

'ಲಕ್ಕಿ ಮ್ಯಾನ್' ಸಿನಿಮಾ ಇನ್ನು ಐದು ತಿಂಗಳಲ್ಲಿ ರಿಲೀಸ್ ಆಗುತ್ತಿದೆ. ಇನ್ನೊಂದು ಕಡೆ ಪುನೀತ್ ರಾಜ್‌ಕುಮಾರ್ ಬಾಲನಟನಾಗಿ ಅತೀ ಹೆಚ್ಚು ಜನಪ್ರಿಯತೆ ಗಳಿಸಿದ್ದ 'ಭಕ್ತ ಪ್ರಹಾದ' ಕೂಡ ಇದೇ ದಿನ ಹಾಗೂ ತಿಂಗಳಲ್ಲಿ ಬಿಡುಗಡೆಯಾಗಿತ್ತು. ಹೌದು, 'ಭಕ್ತ ಪ್ರಹ್ಲಾದ' 1983ರಲ್ಲಿ ಸೆಪ್ಟೆಂಬರ್ 9ರಂದು ರಾಜ್ಯಾದ್ಯಂತ ರಿಲೀಸ್ ಆಗಿತ್ತು. ಸುಮಾರು 39 ವರ್ಷಗಳ ಬಳಿಕ ಪುನೀತ್ ರಾಜ್‌ಕುಮಾರ್ ಅಭಿನಯ ಅದೇ ದಿನ ಹಾಗೂ ತಿಂಗಳಂದು ಬಿಡುಗಡೆಯಾಗುತ್ತಿದೆ. ಇದು ಅಭಿಮಾನಿಗಳನ್ನು ಭಾವುಕರನ್ನಾಗಿಸಿದೆ.

ಇದು ಕಾಕತಾಳೀಯವೇ?

ಪವರ್‌ಸ್ಟಾರ್ ಅಭಿನಯದ ಎರಡೂ ಸಿನಿಮಾಗಳು ವಿಚಿತ್ರ ನಂಟಿಗೆ ಅಭಿಮಾನಿಗಳೇ ಭಾವುಕರಾಗಿದ್ದಾರೆ. ಅವರೇ ಸೋಶಿಯಲ್ ಮೀಡಿಯಾಗಳಲ್ಲಿ ಈ ವಿಷಯವನ್ನು ವೈರಲ್ ಮಾಡುತ್ತಿದ್ದಾರೆ. ಆದರೆ, 'ಲಕ್ಕಿ ಮ್ಯಾನ್' ರಿಲೀಸ್ ಕಾಕತಾಳಿಯವೋ ಅಥವಾ ಇದೇ ದಿನ, ತಿಂಗಳು ರಿಲೀಸ್ ಮಾಡೋಕೆ ಮೊದಲೇ ನಿರ್ಧರಿಸಿದ್ದರೋ? ಅನ್ನೋದು ಮಾತ್ರ ಇನ್ನೂ ಮತ್ತಷ್ಟು ಕುತೂಹಲಕ್ಕೆ ಎಡೆ ಮಾಡಿಕೊಟ್ಟಿದೆ.

ಫ್ಯಾನ್ಸ್ ಪಾಲಿಗೆ ಅಪ್ಪು ದೇವರು

'ಲಕ್ಕಿಮ್ಯಾನ್' ಸಿನಿಮಾದಲ್ಲಿ ಪುನೀತ್​ ರಾಜ್​ಕುಮಾರ್​ ದೇವರ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗ ರಿಯಲ್‌ ಲೈಫ್‌ನಲ್ಲೂ ಪವರ್‌ಸ್ಟಾರ್ ಹಲವರ ಪಾಲಿಗೆ ದೇವರಾಗಿದ್ದಾರೆ. ನಟನೆಯಷ್ಟೇ ಅಲ್ಲ. ಯಾರಿಗೂ ಗೊತ್ತಿಲ್ಲದಂತೆಯೇ ಪುನೀತ್ ರಾಜ್‌ಕುಮಾರ್ ಅದೆಷ್ಟೋ ಮಂದಿ ಸಹಾಯಹಸ್ತ ಚಾಚಿದ್ದರು. ಅವರ ಅಭಿಮಾನಿಗಳಿಗಷ್ಟೇ ಅಲ್ಲ. ಎಲ್ಲರಿಗೂ ಮಾದರಿಯಾಗಿ ಹೊರಟು ಹೋಗಿದ್ದಾರೆ. ಈ ಕಾರಣಕ್ಕೆ ಪವರ್‌ಸ್ಟಾರ್ ಕೇವಲ ಸಿನಿಮಾದಲ್ಲಷ್ಟೇ ಅಲ್ಲ. ನಿಜ ಜೀವನದಲ್ಲೂ ಅದೆಷ್ಟೋ ಮಂದಿಗೆ ದೇವರೇ ಆಗಿದ್ದಾರೆ.