'ರಾಜಕುಮಾರ' ಚಿತ್ರತಂಡದ ಕಡೆಯಿಂದ ಬಂದ ಹಾಟ್ ನ್ಯೂಸ್

ಪುನೀತ್ ರಾಜ್ ಕುಮಾರ್ ಅಭಿನಯದ 'ರಾಜಕುಮಾರ' ಚಿತ್ರದ ಟೀಸರ್ ಹಲವು ಸರ್ಪ್ರೈಸ್ ನೀಡಿ, ಸಿನಿಮಾ ಬಗ್ಗೆ ಇರುವ ನಿರೀಕ್ಷೆಗೆ ಹೈವೋಲ್ಟೇಜ್ ನೀಡಿದೆ. ಇತ್ತೀಚೆಗೆ ತಾನೆ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ ಈಗೊಂದು ತಾಜಾ ಸುದ್ದಿ ನೀಡಿದೆ.[ಪುನೀತ್ 'ರಾಜಕುಮಾರ' ಟೀಸರ್ ನಲ್ಲಿವೆ ಹಲವು 'ಸರ್ಪ್ರೈಸ್'!]

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರ 'ರಾಜಕುಮಾರ' ಚಿತ್ರದ ಹಾಡು ಇದೇ ಫೆಬ್ರವರಿ 17 ರಂದು ಬಿಡುಗಡೆ ಆಗುತ್ತಿದೆ. ಚಿತ್ರತಂಡ 'ಯಾರಿವನು ಕನ್ನಡದವನು' ಎಂಬ ಪುನೀತ್ ಅವರ ಇಂಟ್ರಡಕ್ಷನ್ ಸಾಂಗ್ ಬಿಡುಗಡೆ ಮಾಡಲಿದ್ದು, ಇದು ಲಿರಿಕಲ್ ವಿಡಿಯೋ ಹಾಡಾಗಿದೆ.

ಈ ಹಿಂದೆ 'ಮಿಸ್ಟರ್ ಅಂಡ್ ಮಿಸೆಸ್ ರಾಮಾಚಾರಿ' ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದ ಸಂತೋಷ್ ಆನಂದ್ ರಾಮ್ ಅವರು 'ರಾಜಕುಮಾರ' ನಿರ್ದೇಶನ ಮಾಡಿದ್ದಾರೆ. ವಿಶೇಷ ಅಂದ್ರೆ 'ರಾಜಕುಮಾರ' ಚಿತ್ರದಲ್ಲಿರುವ ಪುನೀತ್ ಪರಿಚಯದ 'ಯಾರಿವನು ಕನ್ನಡದವನು' ಹಾಡನ್ನು ಸಂತೋಷ್ ಆನಂದ್ ರಾಮ್ ಅವರೇ ಬರೆದಿದ್ದಾರೆ. ಈ ಹಾಡನ್ನು ಟಾಲಿವುಡ್ ನ ಖ್ಯಾತ ಸಂಗೀತ ನಿರ್ದೇಶಕ ದೇವಿ ಶ್ರೀಪ್ರಸಾದ್ ಅವರು ಹಾಡಿದ್ದಾರೆ.[ಪುನೀತ್ 'ರಾಜಕುಮಾರ' ಹೈ ವೋಲ್ಟೇಜ್ ಟೀಸರ್ ಔಟ್]

'ರಾಜಕುಮಾರ' ಚಿತ್ರಕ್ಕೆ ವಿ.ಹರಿಕೃಷ್ಣ ಅವರು ಸಂಗೀತ ಸಂಯೋಜನೆ ಮಾಡಿದ್ದು, ಒಟ್ಟು 5 ಹಾಡುಗಳಿವೆ. ಬಹುದೊಡ್ಡ ತಾರಾಗಣ ಇರುವ 'ರಾಜಕುಮಾರ' ಸಿನಿಮಾ ವನ್ನು ಚಿತ್ರತಂಡ ಮಾರ್ಚ್ ಕೊನೆವಾರದಲ್ಲಿ ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿದೆ.