'777 ಚಾರ್ಲಿ' ಸಿನಿಮಾಗೆ ಶ್ವಾನ ಪಡೆದ ಸಂಭಾವನೆ ಯಾವ ಸ್ಟಾರ್ ನಟನಿಗೂ ಕಮ್ಮಿಯಿಲ್ಲ!

ಚಾರ್ಲಿ ಸಂಭಾವನೆ ಎಷ್ಟು?

ರಕ್ಷಿತ್ ಶೆಟ್ಟಿನೇ '777 ಚಾರ್ಲಿ' ಸಿನಿಮಾ ಹೀರೊ ಅನ್ನುವುದು ಎಲ್ಲರಿಗೂ ಗೊತ್ತಿದೆ.. ಆದರೆ, ರಕ್ಷಿತ್ ಮಾತ್ರ ಚಾರ್ಲಿನೇ ಈ ಸಿನಿಮಾದ ಹೀರೊ ಅಂತ ಹೇಳಿದ್ದಾಗಿದೆ. ಚಾರ್ಲಿ ಇಲ್ಲಾ ಅಂದರೆ ಧರ್ಮ ಇಲ್ಲ. ಧರ್ಮ ಇಲ್ಲ ಅಂದರೆ ಚಾರ್ಲಿ ಇಲ್ಲ. ಈ ಕಾರಣಕ್ಕೆ ಚಾರ್ಲಿನೇ ರಿಯಲ್ ಹೀರೊ ಅಂದ್ಮೇಲೆ ಅದಕ್ಕೆ ಕೊಟ್ಟಿರೋ ಸಂಭಾವನೆ ಎಷ್ಟಿರಬಹುದು? ಅನ್ನುವುದು ಕುತೂಹಲ ಕೂಡ ಇರುತ್ತೆ. ಅದಕ್ಕೆ ರಕ್ಷಿತ್ ಶೆಟ್ಟಿನೇ ಉತ್ತರ ಕೊಟ್ಟಿದ್ದಾರೆ. ಅನುಶ್ರೀ ಜೊತೆಗಿನ ಸಂದರ್ಶನದಲ್ಲಿ ರಕ್ಷಿತ್ ರಿವೀಲ್ ಮಾಡಿದ್ದಾರೆ. "ಚಾರ್ಲಿ ಸಂಭಾವನೆ ಒಂದಷ್ಟಾಗಿದೆ. ಅದು ಕೋಟಿ ಮೊತ್ತದಲ್ಲಿದೆ." ಎಂದು ಹೇಳಿದ್ದಾರೆ.

ಚಾರ್ಲಿ ಕೊನೆಯ ಸಿನಿಮಾ

'777 ಚಾರ್ಲಿ' ಸಿನಿಮಾ ನೋಡಿ ಶ್ವಾನ ಪ್ರಿಯರು ಮತ್ತಷ್ಟು ಪ್ರೀತಿ ಮಾಡುವುದಕ್ಕೆ ಶುರು ಮಾಡಿದ್ದಾರೆ. ಹಾಗೇ ಚಾರ್ಲಿಯನ್ನು ಇಷ್ಟಪಡುವುದಕ್ಕೆ ಶುರು ಮಾಡಿದ್ದಾರೆ. ಆದರೆ, ರಕ್ಷಿತ್ ಶೆಟ್ಟಿ ಮಾತ್ರ ಚಾರ್ಲಿ ಅಭಿಮಾನಿಗಳಿಗೆ ಬೇಸರ ಪಡಿಸಿದ್ದಾರೆ. ರಕ್ಷಿತ್ ಇದು ಚಾರ್ಲಿ ಮೊದಲ ಹಾಗೂ ಕೊನೆಯ ಸಿನಿಮಾ ಎಂದು ಹೇಳಿದ್ದಾರೆ. ಚಾರ್ಲಿ ರಿಟೈರ್ ಆಗಿದ್ದಾನೆ ಎಂದು ಹೇಳಿದ್ದಾರೆ. ಈ ಮೂಲಕ ಚಾರ್ಲಿ ಮುಂದೆ ಯಾವುದೇ ಸಿನಿಮಾಗಳಲ್ಲಿ ಕಾಣಿಸುವುದಿಲ್ಲ.

ಸಿನಿಮಾ ತಡವಾಗಿದ್ದೇಕೆ?

ರಕ್ಷಿತ್ ಶೆಟ್ಟಿಯ '777 ಚಾರ್ಲಿ' ಸಿನಿಮಾ ಮೇಕಿಂಗ್ ಮಾಡುವಾಗ ಸಾಕಷ್ಟು ಸಮಯ ಹಿಡಿದಿದೆ. ಹೆಚ್ಚು ಕಡಿಮೆ ಮೂರು ವರ್ಷ ಈ ಸಿನಿಮಾವನ್ನು ಮಾಡಲಾಗಿದೆ. ಕೊರೊನಾ, ಲಾಕ್‌ಡೌನ್ ಅಂತ ಶೂಟಿಂಗ್ ಸ್ಥಗಿತಗೊಂಡಿತ್ತು. ಇನ್ನೊಂದು ಕಡೆ ಶ್ವಾನದ ಮೂಡ್ ಕೂಡ ತುಂಬಾ ಮುಖ್ಯ ಆಗಿತ್ತು. ಈ ಕಾರಣಕ್ಕೆ ಸಿನಿಮಾ ಕೊಂಚ ತಡವಾಗಿತ್ತು. ಆದರೂ ಸಿನಿಮಾಗೆ ಉತ್ತಮ ರೆಸ್ಪಾನ್ಸ್ ಸಿಕ್ಕಿದೆ. ಬಾಕ್ಸಾಫೀಸ್‌ನಲ್ಲೂ ಉತ್ತಮ ಗಳಿಕೆ ಕಂಡಿದೆ.

ಬಾಕ್ಸಾಫೀಸ್ ಕಲೆಕ್ಷನ್ ಎಷ್ಟು?

'777 ಚಾರ್ಲಿ' ಸಿನಿಮಾ ಮೊದಲ ದಿನ ಗಳಿಕೆ ಕೊಂಚ ಕಡಿಮೆಯಾಗಿತ್ತು. ಆದರೆ ವೀಕೆಂಡ್‌ನಲ್ಲಿ ಸಿನಿಮಾ ಗಳಿಕೆ ಸಖತ್ ಆಗಿದೆ. ಮೂರು ದಿನಗಳಲ್ಲಿ ಸುಮಾರು 23.50 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಈಗಾಗಲೇ ಮೊದಲ ಮೂರು ದಿನಗಳ ಬಳಿಕವೂ ಕಲೆಕ್ಷನ್ ಜೋರಾಗಿಯೇ ಇದೆ. ಇನ್ನು ಮುಂದಿನ ದಿನಗಳಲ್ಲಿ ಈ ಸಿನಿಮಾ ಎಷ್ಟು ಕಲೆಕ್ಷನ್ ಮಾಡುತ್ತೆ ಎನ್ನುವುದು ಕುತೂಹಲ ಸ್ಯಾಂಡಲ್‌ವುಡ್‌ನಲ್ಲಿ ಹುಟ್ಟಿಕೊಂಡಿದೆ.