25 ದಿನಗಳನ್ನು ಪೂರೈಸಿದ '777 ಚಾರ್ಲಿ': ರಕ್ಷಿತ್ ಶೆಟ್ಟಿ ಸಿನಿಮಾ ಕಲೆಕ್ಷನ್ ಎಷ್ಟು?

'777 ಚಾರ್ಲಿ' ಕಲೆಕ್ಷನ್‌ನಲ್ಲಿ ಏರಿಕೆ

ರಕ್ಷಿತ್ ಶೆಟ್ಟಿ ಹಾಗೂ ಚಾರ್ಲಿ ಕಾಂಬಿನೇಷನ್ ವರ್ಕ್‌ಔಟ್ ಆಗಿದೆ. ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಗೆದ್ದಿದ್ದೂ ಆಗಿದೆ. ಇನ್ನೇನಿದ್ದರೂ ದಾಖಲೆಗಳನ್ನು ಬರೆಯುವುದಷ್ಟೇ ಬಾಕಿ. ಅವನೇ ಶ್ರೀಮನ್ನಾರಾಯಣ ಸಿನಿಮಾದ ಬಳಿಕ ರಕ್ಷಿತ್ ಶೆಟ್ಟಿ ಸಿನಿಮಾ ಮತ್ತೆ ಗೆಲುವಿನ ನಗೆ ಬೀರಿದೆ. 24ನೇ ದಿನ ಅಂದರೆ, ಭಾನುವಾರ (ಜುಲೈ 03) ಚಾರ್ಲಿ ಕಲೆಕ್ಷನ್‌ನಲ್ಲಿ ಏರಿಕೆಯಾಗಿದೆ ಎನ್ನಲಾಗಿದೆ. ಸುಮಾರು ಶೇ.42ರಷ್ಟು ಏರಿಕೆಯಾಗಿದೆ ಎನ್ನಲಾಗಿದೆ. 23ನೇ ದಿನ 1.26 ಕೋಟಿ ರೂ. ಗಳಿಸಿದ್ದರೆ, 24ನೇ ದಿನ ವಿಶ್ವದಾದ್ಯಂತ ಸುಮಾರು 1.80 ಕೋಟಿ ರೂ. ಕಲೆಕ್ಷನ್ ಮಾಡಿದೆ ಎನ್ನಲಾಗಿದೆ.

25ನೇ ದಿನದ ಕಲೆಕ್ಷನ್ ಲೆಕ್ಕಚಾರವೇನು?

'777 ಚಾರ್ಲಿ' ಎಷ್ಟು ಕಲೆಕ್ಷನ್ ಮಾಡುತ್ತೆ ಎನ್ನುವುದೇ ದೊಡ್ಡ ಕುತೂಹಲ. ನಾಲ್ಕನೇ ಶನಿವಾರ ಹಾಗೂ ಭಾನುವಾರ ಸಿನಿಮಾ ಕಲೆಕ್ಷನ್ ಲೆಕ್ಕಾಚಾರವನ್ನು ನೋಡಿದರೆ, ಚಾರ್ಲಿ 25ನೇ ದಿನ ಗಳಿಕೆಯಲ್ಲಿ ಏರಿಕೆಯಾಗಬಹುದು ಎಂದು ಅಂದಾಜಿಸಲಾಗಿದೆ. ಟ್ರೇಡ್ ಅನಲಿಸ್ಟ್‌ಗಳ ಪ್ರಕಾರ, ಈ ಸಿನಿಮಾ ಸೋಮವಾರ ( ಜುಲೈ 04) 25ನೇ ದಿನ ಸುಮಾರು 50 ಲಕ್ಷಕ್ಕಿಂತ ಅಧಿಕ ಗಳಿಕೆ ಕೇವಲ ಕರ್ನಾಟಕದಲ್ಲಿ ಗಳಿಸಬಹುದು ಎನ್ನಲಾಗಿದೆ.

ಭಾರತದ ಒಟ್ಟು ಗಳಿಕೆ ಎಷ್ಟು?

24 ದಿನಗಳಲ್ಲಿ '777 ಚಾರ್ಲಿ' ಕೇವಲ ಭಾರತದಲ್ಲಿ ಅತ್ಯುತ್ತಮ ಗಳಿಕೆ ಕಂಡಿದೆ. 24ನೇ ದಿನ ಗಳಿಸಿದ 1.80 ಕೋಟಿ ರೂ. ಸೇರಿ, ಒಟ್ಟು ಗಳಿಕೆ 80.10 ಕೋಟಿ ದಾಟಲಿದೆ ಎಂದು ಟ್ರೇಡ್ ಅನಲಿಸ್ಟ್‌ಗಳು ಹೇಳುತ್ತಿದ್ದಾರೆ. 15 ಕೋಟಿ ರೂ. ವೆಚ್ಚದ ಸಿನಿಮಾ ಡೊಮೆಸ್ಟಿಕ್‌ ಲೆವೆಲ್‌ನಲ್ಲಿ 80 ಕೋಟಿ ರೂ. ಗಳಿಸಿದ್ದು ಬ್ಲಾಕ್‌ಬಸ್ಟರ್‌ಗೆ ಸಮ ಎನ್ನಲಾಗಿದೆ.

ವಿಶ್ವದಾದ್ಯಂತ '777 ಚಾರ್ಲಿ' ಗಳಿಸಿದ್ದೆಷ್ಟು?

25ನೇ ದಿನದಲ್ಲೂ '777 ಚಾರ್ಲಿ' 100 ಕೋಟಿ ಗಳಿಕೆ ಮಾಡಲು ಸೋತಿದೆ. 25ನೇ ದಿನಕ್ಕೆ 100 ಕೋಟಿ ಕ್ಲಬ್ ಸೇರಬಹುದು ಎಂದು ನಿರೀಕ್ಷೆ ಮಾಡಲಾಗಿತ್ತು. ಟ್ರೇಡ್ ಅನಲಿಸ್ಟ್‌ಗಳ ಪ್ರಕಾರ ಈ ಸಿನಿಮಾ ಕೇವಲ 97.50 ಕೋಟಿ ರೂ. ಗಳಿಸಲಷ್ಟೇ ಸಾಧ್ಯವಾಗಿದೆ ಎಂದು ಹೇಳಲಾಗಿದೆ.