Rashmika on KGF 2 Trailer : ಅಂದು ಶೋ ಆಫ್ ಎಂದಿದ್ದ ರಶ್ಮಿಕಾ 'KGF 2' ಟ್ರೈಲರ್ ನೋಡಿ ಮೆಚ್ಚಿದ್ದೇಕೆ?

'KGF 2' ಟ್ರೈಲರ್‌ಗೆ ರಶ್ಮಿಕಾ ಹೇಳಿದ್ದೇನು?

'ಕೆಜಿಎಫ್ 2'ಗಾಗಿ ಇಡೀ ವಿಶ್ವವೇ ಕಾದು ಕೂತಿರುವುದು ಅಕ್ಷರಶ: ಸತ್ಯ. ಇಷ್ಟು ದಿನ ಕಾದಿದ್ದಕ್ಕೂ ಅದ್ಧೂರಿಯಾಗಿ ಟ್ರೈಲರ್ ರಿಲೀಸ್ ಆಗಿದೆ. ಈ ಟ್ರೈಲರ್ ನೋಡಿ ರಶ್ಮಿಕಾ ಮಂದಣ್ಣ ಪ್ರತಿಕ್ರಿಯೆ ನೀಡಿದ್ದಾರೆ. ರಶ್ಮಿಕಾ ಮಂದಣ್ಣಗೆ ಟ್ರೈಲರ್ ತುಂಬಾನೇ ಇಷ್ಟ ಆಗಿದೆ. ಅದಕ್ಕೆ ಟ್ವಿಟರ್ ಮೂಲಕ ಟ್ರೈಲರ್‌ಗೆ ಮೆಚ್ಚುಗೆ ಸೂಚಿದ್ದಾರೆ. ಈ ಸಿನಿಮಾದ ಟ್ರೈಲರ್‌ ಕರುನಾಡ ಕ್ರಶ್‌ಗೆ ತುಂಬಾನೇ ಇಷ್ಟ ಆಗಿದ್ದು, " ನೋಡಿದವರಿಗೆ ಈ ಟ್ರೈಲರ್ ಹುಚ್ಚು ಹಿಡಿಸುತ್ತೆ. ಟ್ರೈಲರ್ ಇಷ್ಟ ಆಗಿದೆ." ಎಂದು ಟ್ವೀಟ್ ಮೂಲಕ ಹೇಳಿದ್ದಾರೆ.

ಯಶ್ ಫ್ಯಾನ್ಸ್ ಹೇಳಿದ್ದೇನು?

ರಶ್ಮಿಕಾ ಮಂದಣ್ಣ 'ಕೆಜಿಎಫ್ 2' ಟ್ರೈಲರ್ ಬಗ್ಗೆ ಟ್ವೀಟ್ ಮಾಡುತ್ತಿದ್ದಂತೆ ಅಭಿಮಾನಿಗಳು ಟ್ವಿಟರ್‌ನಲ್ಲೇ ಪ್ರತಿಕ್ರಿಯೆ ನೀಡಿದ್ದಾರೆ. ಒಬ್ಬರು ತೆಲುಗು ಅಭಿಮಾನಿ "ಕನ್ನಡ ಸಿನಿಮಾ ಅಲ್ವಾ.. ಅದಕ್ಕೆ ಪಾಪಾ ಹಾಕಿಕೊಳ್ಳಲಿ. ಇಲ್ಲಾ ಅಂದರೆ, ಕನ್ನಡದವರು ರೋಧನೆ ಕೊಡುತ್ತಾರೆ." ಎಂದಿದ್ದಾರೆ. ಇನ್ನೊಬ್ಬ ತಮಿಳು ಅಭಿಮಾನಿ ಕೆಜಿಎಫ್ 2 ಟ್ರೈಲರ್‌ನ ಡೈಲಾಗ್ ರಿಪೀಟ್ ಮಾಡಿದ್ದಾರೆ. " ರಶ್ಮಿಕಾ.. ರಶ್ಮಿಕಾ.. ರಶ್ಮಿಕಾ.. ಐ ಡೋಂಟ್ ಲೈಕ್.. ಈ ಅವಾಯ್ಡ್.. ಬಟ್.. ರಶ್ಮಿಕಾ ಲೈಕ್ಸ್ ಮಿ.. ಐ ಕಾಂಟ್ ಅವಾಯ್ಡ್.." ಎಂದು ಟ್ವೀಟ್ ಮಾಡಿದ್ದಾರೆ.

ಶೋ ಆಫ್ ಎಂದಿದ್ದ ರಶ್ಮಿಕಾ

ಕಿರಿಕ್ ಪಾರ್ಟಿ ಬಳಿಕ ರಶ್ಮಿಕಾ ಮಂದಣ್ಣ ಹಾಗೂ ರಕ್ಷಿತ್ ಶೆಟ್ಟಿ ಸಂದರ್ಶನವೊಂದರಲ್ಲಿ ಭಾಗವಹಿಸಿದ್ದರು. ಆ ವೇಳೆ ನಿರೂಪಕ ಕೆಲವು ಪ್ರಶ್ನೆಗಳನ್ನು ಕೇಳಿದ್ದರು. ಯಾರು ಶೋ ಆಫ್ ಮಾಡುತ್ತಾರೆ ಎಂದು ಪ್ರಶ್ನೆ ಮಾಡಿದ್ದರು. ಆಗ ರಶ್ಮಿಕಾ ಮಂದಣ್ಣ ಯಶ್ ಹೆಸರು ತೆಗೆದಿದ್ದರು. ಇದು ಯಶ್ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿತ್ತು. ಅಭಿಮಾನಿಗಳು ಕಿಡಿ ಕಾರುತ್ತಿದ್ದಂತೆ ತಮ್ಮ ಹೇಳಿಕೆಗೆ ರಶ್ಮಿಕಾ ಮಂದಣ್ಣ ಕ್ಷಮೆ ಕೇಳಿದ್ದರು. ಅಂದಿನಿಂದ ಯಶ್ ಬಗ್ಗೆ ಮಾತಾಡುವಾಗ ಜಾಗರೂಕರಾಗಿಯೇ ಮಾತಾಡುತ್ತಾರೆ.

ಯಶ್-ರಶ್ಮಿಕಾ ಒಟ್ಟಿಗೆ ನಟಿಸೋದಿಲ್ವಾ?

ಯಶ್ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಹೊರಹೊಮ್ಮಿದ್ದಾರೆ. ಇನ್ನೊಂದು ಕಡೆ ರಶ್ಮಿಕಾ ಮಂದಣ್ಣ ಬಹುಭಾಷಾ ನಟಿ. ಯಶ್ ಮುಂದಿನ ಸಿನಿಮಾಗೆ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ಆಯ್ಕೆ ಆದರೆ, ಎಲ್ಲಾ ಭಾಷೆಯಲ್ಲೂ ಪರಿಚಯವಿರುವ ಫೇಸ್ ಸಿಗಲಿದೆ. ಆದರೆ, ಇಬ್ಬರೂ ಒಟ್ಟಿಗೆ ನಟಿಸಲು ಇಷ್ಟ ಪಡುತ್ತಾರಾ? ಎನ್ನುವುದು ಇನ್ನೂ ನಿಗೂಢ. ಆದರೆ, 'ಕೆಜಿಎಫ್ 2' ಟ್ರೈಲರ್‌ಗೆ ಪ್ರತಿಕ್ರಿಯೆ ನೀಡಿದ್ದು, ಆಶಾಭಾವ ಮೂಡಿಸಿದೆ.