ಕೆಸರು ಗದ್ದೆಯಲ್ಲಷ್ಟೇ ಅಲ್ಲ.. ಬಾಕ್ಸಾಫೀಸ್‌ನಲ್ಲೂ ಭರ್ಜರಿ ಓಟ: 4 ಭಾಷೆಯಿಂದ 'ಕಾಂತಾರ' ಗಳಿಸಿದ್ದೆಷ್ಟು?

3ನೇ ಶನಿವಾರ ಎರಡಂಕಿ ದಾಟಿದ ಬಾಕ್ಸಾಫೀಸ್

'ಕಾಂತಾರ' ಮೂರನೇ ಶನಿವಾರ ಬಾಕ್ಸಾಫೀಸ್‌ನಲ್ಲಿ ಬಂಪರ್ ಕಲೆಕ್ಷನ್ ಮಾಡಿದೆ. ಇದೇ ಮೊದಲ ಬಾರಿಗೆ ಎರಡಂಕಿ ದಾಟಿದೆ. ಕನ್ನಡ, ತೆಲುಗು, ತಮಿಳು ಹಾಗೂ ಹಿಂದಿ ಭಾಷೆಯಲ್ಲಿ 'ಕಾಂತಾರ' ರಿಲೀಸ್ ಆಗಿದ್ದು, ಎಲ್ಲಾ ಕಡೆಯಿಂದಲೂ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ಕಿದೆ. ಮೂರನೇ ವೀಕೆಂಡ್ ಆರಂಭದಲ್ಲಿ ಬಿಡುಗಡೆಯಾದ ಎಲ್ಲಾ ಭಾಷೆಯಿಂದಲೂ ಬಾಕ್ಸಾಫೀಸ್ ಕಲೆಕ್ಷನ್ ಸುಮಾರು 12.50 ಕೋಟಿ ರೂಪಾಯಿ ದಾಟಿದೆ ಎಂದು ವರದಿಯಾಗಿದೆ.

ಮೂರು ವಾರದ ಒಟ್ಟು ಗಳಿಕೆ ಎಷ್ಟು?

'ಕಾಂತಾರ' ಬಾಕ್ಸಾಫೀಸ್‌ನಲ್ಲಿ ಇದೂವರೆಗೂ ಹಿಂದೆ ಬಿದ್ದೇ ಇಲ್ಲ. 'ಕೆಜಿಎಫ್ 2'ನಷ್ಟೇ ಹವಾ ಸೃಷ್ಟಿಸುತ್ತಿರುವ 'ಕಾಂತಾರ' ಈ ವೀಕೆಂಡ್‌ನಲ್ಲಿ ಸುಮಾರು 32 ರಿಂದ 33 ಕೋಟಿ ರೂ.ಯನ್ನು ಕಲೆಹಾಕಬಹುದು ಎನ್ನಲಾಗುತ್ತಿದೆ. ಇನ್ನೊಂದು ಕಡೆ ನಿನ್ನೆವೆರೆಗೆ ( ಅಕ್ಟೋಬರ್ 15) ಈ ಸಿನಿಮಾದ ಗಳಿಕೆ ಸುಮಾರು 81 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಹೀಗಾಗಿ ಭಾನುವಾರದ (ಅಕ್ಟೋಬರ್ 16) ಗಳಿಕೆಯನ್ನೂ ಸೇರಿಸಿ ಸಿನಿಮಾದ ಕಲೆಕ್ಷನ್ 95 ರಿಂದ 96 ಕೋಟಿ ರೂ.ದಾಟಬಹುದು. ಇಲ್ಲಾ 100 ಕೋಟಿ ಕ್ಲಬ್ ಸೇರಬಹುದು ಅನ್ನೋದು ಟ್ರೇಡ್ ಅನಲಿಸ್ಟ್‌ಗಳ ಲೆಕ್ಕಾಚಾರ.

ತೆಲುಗು 'ಕಾಂತಾರ' ಕಲೆಕ್ಷನ್ ಎಷ್ಟು?

'ಕೆಜಿಎಫ್ 2' ಹಾಗೂ 'ವಿಕ್ರಾಂತ್ ರೋಣ'ಗೆ ರೆಸ್ಪಾನ್ಸ್ ಸಿಕ್ಕಂತೆ 'ಕಾಂತಾರ'ಗೂ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ. ಕಳೆದ ಎರಡು ದಿನಗಳಿಂದ 'ಕಾಂತಾರ' ಗಳಿಕೆ ಕೋಟಿ ದಾಟುತ್ತಿದೆ. ಕೇವಲ ಆಂಧ್ರ, ತೆಲಂಗಾಣದಲ್ಲಿ ಎರಡು ದಿನಕ್ಕೆ ಸಿನಿಮಾ ಕಲೆಕ್ಷನ್ 4 ಕೋಟಿ ರೂಪಾಯಿ ದಾಟಿದೆ ಅನ್ನೋದು ಸದ್ಯಕ್ಕೆ ಸಿಕ್ಕಿರೋ ಲೆಕ್ಕ.

'ಕಾಂತಾರ' ಬಾಕ್ಸಾಫೀಸ್ ಕಲೆಕ್ಷನ್ (ತೆಲುಗು)

ಮೊದಲ ದಿನ 1.25 ಕೋಟಿ ರೂ.
ಎರಡನೇ ದಿನ 2.75 ಕೋಟಿ ರೂ.
ಒಟ್ಟು 4.00 ಕೋಟಿ ರೂ.

ತಮಿಳು ಹಾಗೂ ಹಿಂದಿ ಕಲೆಕ್ಷನ್ ಎಷ್ಟು?

'ಕಾಂತಾರ' ತಮಿಳು ವರ್ಷನ್ ನಿನ್ನೆಯಷ್ಟೇ (ಅಕ್ಟೋಬರ್ 15) ರಿಲೀಸ್ ಆಗಿದೆ. ಮೊದಲ ದಿನ ಇಲ್ಲೂ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ಕಿದ್ದು, ಮೊದಲ ದಿನ ತಮಿಳಿನಲ್ಲಿ 35 ಲಕ್ಷ ರೂಪಾಯಿ ಕಲೆಕ್ಷನ್ ಮಾಡಿದೆ ಎನ್ನಲಾಗಿದೆ. ಅದೇ ಹಿಂದಿಯಲ್ಲಿ ಕಳೆದ ಎರಡು ದಿನಗಳ ಕಲೆಕ್ಷನ್ ಸುಮಾರು 3.80 ಕೋಟಿ ರೂಪಾಯಿ ಎನ್ನಲಾಗಿದೆ. ಭಾನುವಾರದ ನಾಲ್ಕು ಭಾಷೆಗಳಲ್ಲಿ ಸಿನಿಮಾ ಎಷ್ಟು ಕಲೆ ಹಾಕುತ್ತೆ ಅನ್ನೋದರ ಮೇಲೆ ಎಲ್ಲವೂ ನಿರ್ಧಾರವಾಗಿದೆ.