ಸ್ಯಾಂಡಲ್‌ವುಡ್ ಜೋಡಿ ಹರಿಪ್ರಿಯಾ, ವಸಿಷ್ಠ ಸಿಂಹ ಅದ್ಧೂರಿ ಆರತಕ್ಷತೆ

ಶುಭ ಕೋರಿದ ಗಣೇಶ್

" ಸಿಂಹ ಪ್ರಿಯ ಅಂತ ಹೆಸರು ಚೆನ್ನಾಗಿ ಇಟ್ಟುಕೊಂಡಿದ್ದಾರೆ. ಇಬ್ಬರಿಗೂ ಆಲ್ ದಿ ಬೆಸ್ಟ್. ಹೊಸ ಬದುಕಿಗೆ ಕಾಲಿಡುತ್ತಿದ್ದಾರೆ. ಒಬ್ಬರಿಗೊಬ್ಬರು ಪರಿಚಯ. ಅವರ ಬದುಕು, ಅವರ ಸಂಸಾರ ಆನಂದವಾಗಿರಲಿ. ನನ್ನ ಕಡೆಯಿಂದ ಅಲ್‌ ದಿ ಬೆಸ್ಟ್." ಎಂದು ಗೋಲ್ಡನ್ ಸ್ಟಾರ್ ಗಣೇಶ್ ಶುಭ ಹಾರೈಸಿದ್ದಾರೆ.

'ಮುದ್ದಾದ ಜೋಡಿಗೆ ಒಳ್ಳೆಯದಾಗಲಿ' – ಶರಣ್

"ಹರಿಪ್ರಿಯಾ ಹಾಗೂ ವಸಿಷ್ಠ ಸಿಂಹ ಇಬ್ಬರದ್ದೂ ಮುದ್ದಾದ ಜೋಡಿ. ತುಂಬಾ ದೊಡ್ಡ ಹೆಸರು ಮಾಡಿದಂತಹ ಸ್ಟಾರ್‌ಗಳು. ನಿಜ ಜೀವನದಲ್ಲಿ ಸಂಗಾತಿಗಳಾಗುತ್ತಿದ್ದಾರೆ. ಕನ್ನಡ ಚಿತ್ರರಂಗದ ಕಲಾವಿದನಾಗಿ, ಸ್ನೇಹಿತನಾಗಿ, ನನಗೆ ಖುಷಿಯಾಗುತ್ತಿದೆ. ನನ್ನ ಮನೆಯಲ್ಲಿ ನಡೆಯುತ್ತಿದೆಯೇನೋ ಅನ್ನುವಷ್ಟು ಖುಷಿ ಕೊಟ್ಟಿರುವಂತಹದ್ದು. ಇಡೀ ಇಂಡಸ್ಟ್ರೀ ಬಂದಿರೋದು ನೋಡಿದ್ರೆ, ಅವರು ಎಷ್ಟು ಜನರನ್ನು ಗೆದ್ದಿದ್ದಾರೆ ಅನ್ನೋದು ಗೊತ್ತಾಗುತ್ತೆ. ದೇವರು ಅವರಿಗೆ ಆಯಸ್ಸು, ಆರೋಗ್ಯ ಕೊಟ್ಟು ಕಾಪಾಡಲಿ." ಎಂದು ಶರಣ್ ಹೇಳಿದ್ದಾರೆ.

ಎಲ್ಲಾ ರೀತಿಯಿಂದಲೂ ಒಳ್ಳೆಯದಾಗಲಿ– ಉಪೇಂದ್ರ

"ನಮ್ಮ ಹರಿಪ್ರಿಯ ಅವರು ವಸಿಷ್ಠ ಸಿಂಹ ಅವರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಅವರಿಗೆ ಎಲ್ಲಾ ರೀತಿಯಿಂದಲೂ ಒಳ್ಳೆಯದಾಗಲಿ. 100 ವರ್ಷ ಇದೇ ರೀತಿ ಸಂತೋಷವಾಗಿ ಜೀವನ ನಡೆಸಲಿ ಒಳ್ಳೆಯದಾಗಲಿ." ಎಂದು ಉಪೇಂದ್ರ ಹಾರೈಸಿದ್ದಾರೆ.

ಇಬ್ಬರಿಗೂ ದೇವರು ಒಳ್ಳೆಯದು ಮಾಡಲಿ– ರಿಷಬ್ ಶೆಟ್ಟಿ

" ಸಿಂಹಪ್ರಿಯ ಅವರಿಗೆ ಮದುವೆಯ ಹಾರ್ದಿಕ ಶುಭಾಶಯಗಳು. ಅವರಿಬ್ಬರಿಗೂ ದೇವರು ಒಳ್ಳೆಯದು ಮಾಡಲಿ ಎಂದು ವಿಶ್ ಮಾಡಿದ್ದೀವಿ. ಬಹಳ ಸಂಭ್ರಮದ ಒಂದು ಸಂದರ್ಭ. ನನ್ನ ಮೊದಲ ನಿರ್ದೇಶನದ ನಟಿ. ಮೊದಲು ನಾಯಕನಾಗಿ ನಟಿಸಿದ ಸಿನಿಮಾದ ನಟಿ ಕೂಡ ಅವರು. ನಮ್ಮ ಪ್ರೊಡಕ್ಷನ್‌ನಲ್ಲಿ ಮಾಡಿದ ಕಥಾಸಂಗಮದಲ್ಲಿ ನಟಿಸಿದ್ದರು. ತುಂಬಾ ವರ್ಷದ ಸ್ನೇಹಿತೆ. ತುಂಬಾ ವರ್ಷಗಳ ಸ್ನೇಹಿತೆ, ವಸಿಷ್ಠ ಹಲವು ವರ್ಷಗಳ ಸ್ನೇಹಿತ. ಇಬ್ಬರು ಸ್ನೇಹಿತರ ಮದುವೆ ಹಾಗಾಗಿ ಬಂದು ವಿಶ್ ಮಾಡಿದ್ದೇವೆ." ಎಂದು ರಿಷಬ್ ಶೆಟ್ಟಿ ನವದಂಪತಿಗೆ ಹೇಳಿದ್ದಾರೆ.