ಶಿವಣ್ಣನ ಮೊಮ್ಮಗನಾಗಿ ಬಂದ್ರಾ ಅಪ್ಪು? ಅಸಲಿ ಸತ್ಯ ಬಿಚ್ಚಿಟ್ಟ ಮಗುವಿನ ತಂದೆ!

ಅಣ್ಣಾವ್ರ ಕುಟುಂಬಕ್ಕೂ ನಿಮಗೂ ಏನು ಸಂಬಂಧ?

"ನನ್ನ ಪತ್ನಿಯ ಹೆಸರು ಲಾವಣ್ಯ ಅಂತ. ನನ್ನ ಹೆಸರು ದಿಗಂತ್ ದಿವಾಕರ. ಅಣ್ಣಾವ್ರ ತಂಗಿ ಇದ್ದಾರೆ ನಾಗಜ್ಜಿ ಅಂತ ಇದ್ದಾರೆ. ಅವರ ಮಗನ ಮಗಳು ಲಾವಣ್ಯ(ಪತ್ನಿ). ಇವರ ಫ್ಯಾಮಿಲಿ ಇದೆಯಲ್ಲಾ ಎಲ್ಲಾ ಒಟ್ಟಿಗೆ ಬೆಳೆದಿದ್ದು. ಹುಟ್ಟಿದಾಗಿನಿಂದಲೂ ಅಣ್ಣಾವರ ಮನೆಯಲ್ಲಿಯೇ ಬೆಳೆದಿದ್ದು. ಮದುವೆ ಬಳಿಕ ಲಾವಣ್ಯ ತಾಯಿ ತೀರಿಕೊಂಡರು. ನನ್ನ ತಂದೆ-ತಾಯಿ ಇಬ್ಬರೂ ಕೂಡ ತೀರಿ ಹೋಗಿದ್ದಾರೆ. ಹೀಗಾಗಿ ಬಾಣಂತನ ನಾವೇ ಮಾಡಿಕೊಳ್ಳೋಣ. ನಾವು ಇಬ್ಬರೇ ಇರೋದು ಅಂದ್ಕೊಂಡ್ವಿ. ಆಗ ಶಿವಣ್ಣ-ಗೀತಕ್ಕ ಅಂತ ಬಿಡಲೇ ಇಲ್ಲ. ಆಗ ಡಿಲೇವರಿ ಸಮಯದಲ್ಲಿ ಜೊತೆಗೆ ಇದ್ದೆವಲ್ಲಾ, ಆಗ ಜೊತೆಗೆ ಬಂದು ಅವರೇ ಪಾಪುನಾ ರಿಸೀವ್ ಎಲ್ಲಾ ಮಾಡಿದ್ರು. ಮ್ಯಾಟನಿ ಅನ್ನೋ ಸಿನಿಮಾ ಶೂಟಿಂಗ್ ಮಾಡುತ್ತಿದೆ. ನಾನು ಬರೋದು ಲೇಟ್ ಆಯ್ತು. ಆಗ ಶಿವಣ್ಣ-ಗೀತಕ್ಕೆ ಎಲ್ಲಾ ನಿಂತು ಮಾಡಿದ್ರಲ್ಲಾ, ಆಗ ಫೋಟೊಗಳನ್ನು ಸ್ಟೇಟಸ್‌ ಹಾಕಿದ್ದು, ಅದನ್ನು ಯಾರೋ ತೆಗೆದು ಶಿವಣ್ಣನ ಮಗಳು ಡಿಲೇವರಿ ಅಂತೆಲ್ಲಾ ಸುದ್ದಿ ಬಂತು. ಆಗ ಯಾರಿಗಂತ ಹೇಳೋದು ಅಂತ ಸುಮ್ಮನಾಗಿದ್ವಿ." ಎನ್ನುತ್ತಾರೆ ದಿಗಂತ್ ದಿವಾಕರ್.

ಅಗಲುವ ವಾರದ ಹಿಂದಷ್ಟೇ ಅಪ್ಪು ಎತ್ತಾಡಿಸಿದ್ರು

"ಶಿವಣ್ಣ ನನ್ನ ಮಗನನ್ನು ಎತ್ತಿಕೊಂಡಿರುವ ಫೋಟೊಗಳನ್ನು ಇಟ್ಟುಕೊಂಡು ಅಪ್ಪು ಮಾಮ ಮತ್ತೆ ಹುಟ್ಟಿದ್ದಾರೆ ಅಂತ ಹಬ್ಬಿಸಿದ್ದರು. ಆದರೆ, ಅದು ತಪ್ಪು ಮಾಹಿತಿ. ಅಪ್ಪು ಮಾಮ ಡಿಲೇವರಿ ಆದ ದಿನವೇ ಫೋನ್ ಮಾಡಿದ್ದರು. ನಾನು ಎತ್ತಾಡಿಸಿದ ಮಗಳು ದಿಗಂತ್. ನಮ್ಮ ಮನೆ ಮಗಳು ಅವಳು. ನನಗೆ ಗೊತ್ತು ಚೆನ್ನಾಗಿ ನೋಡಿಕೊಳ್ಳುತ್ತೀರಾ. ಆದರೂ, ಚೆನ್ನಾಗಿ ನೋಡಿಕೊಳ್ಳಿ. ಇಬ್ಬರೂ ಚೆನ್ನಾಗಿ ಇರಿ ಅಂತೆಲ್ಲಾ ಮಾತಾಡಿದ್ರು. " ಎಂದು ದಿಗಂತ್ ದಿವಾಕರ್ ರಿಕಾಲ್ ಮಾಡಿಕೊಳ್ಳುತ್ತಾರೆ.

'ನನ್ನ ಮಗುವಿನ ಹೆಸರು ಕೇಳಿದ್ರು ಅಪ್ಪು ಮಾಮ'

ಶಿವಣ್ಣನ ಮನೆಗೆ ಮಗು ನೋಡಲು ಅಪ್ಪು ಮಾಮ ಬಂದಿದ್ದರು. ಆ ವೇಳೆ 'ಗಂಧದ ಗುಡಿ' ಬಿಟ್ ತೋರಿಸಲು ಮುಂದಾಗಿದ್ದರು. ಆಗ ಮಗುವಿನ ಹೆಸರು ಏನು ಎಂದು ಕೇಳಿದ್ದರು. " ಏನು ಹೆಸರು ಇಡಬೇಕು ಅಂದುಕೊಂಡಿದ್ದೀರಾ ಅಂತ ಕೇಳಿದ್ದರು. ಆಗ ವಿಷ್ಣು ಅಂತ ಹೆಸರಿಡಬೇಕು ಅಂತ ಹೇಳಿದ್ದೆ. ಯೇ.. ಪವರ್‌ಪುಲ್ ಆಗಿದೆಯಮ್ಮಾ. ನನಗೆ ತುಂಬಾ ಇಷ್ಟ ಆ ಹೆಸರು ಎಂದು ಹೇಳಿ ಖುಷಿಯಿಂದ ಹೋದರು. ನಾನೇ ಕಾರಿನವರೆಗೂ ಹೋಗಿ ಬಿಟ್ಟು ಬಂದಿದ್ದೆ. ಆಮೇಲೆ ಹೀಗಾಯ್ತು. ನಾನು ಇವೆಲ್ಲಾ ಯಾಕೆ ಕ್ಲಾರಿಟಿ ಕೊಡಬೇಕು ಅಂತ ಸುಮ್ಮನಿದ್ದೆ." ಎಂದು ಆ ದಿನವನ್ನು ನೆನಪಿಸಿಕೊಳ್ಳುತ್ತಾರೆ ದಿಗಂತ್.

ಶಿವಣ್ಣನಿಗೆ ಮಕ್ಕಳ ಮೇಲೆ ಭೇದ-ಭಾವವಿಲ್ಲ

"ಶಿವಣ್ಣ ಮಾಮನ ಮನೆಯಲ್ಲಿ ಮಕ್ಕಳನ್ನು ಅಷ್ಟು ಪ್ರೀತಿ ಮಾಡುತ್ತಾರೆ. ಇದು ನಂದು.. ನನ್ನದಲ್ಲ ಅಂತೆಲ್ಲಾ ನೋಡುವುದಿಲ್ಲ. ಇದು ನಮ್ಮ ಪುಣ್ಯ ಅಷ್ಟೇನೇ. ನನ್ನ ಪತ್ನಿಗೆ ಅಮ್ಮ ಇಲ್ಲ. ನನಗೆ ತಂದೆ-ತಾಯಿ ಇಬ್ಬರೂ ಇಲ್ಲ. ಆ ಸ್ಥಾನದಲ್ಲಿ ಶಿವಣ್ಣ ಫ್ಯಾಮಿಲಿ ಹಾಗೂ ರಾಘಣ್ಣ ಫ್ಯಾಮಿಲಿ ಎಲ್ಲರ ಕುಟುಂಬ ಎಲ್ಲರೂ ಇಷ್ಟ ಪಡುತ್ತಾರೆ. ಏನೋ ಪುಣ್ಯ ಮಾಡಿದ್ವಿ ಅಂತ ಅಂದ್ಕೊಂಡಿದ್ದೇವೆ." ಎಂದು ಶಿವಣ್ಣನ ಮಕ್ಕಳ ಪ್ರೀತಿಯನ್ನು ಹಂಚಿಕೊಂಡಿದ್ದಾರೆ.

ವೆಬ್ ಸೀರಿಸ್- ಸಿನಿಮಾಗಳಲ್ಲಿ ದಿಗಂತ್ ಬ್ಯುಸಿ

"ಕಳೆದ ವರ್ಷದಿಂದ ವೆಬ್ ಸೀರಿಸ್ ಮಾಡಿದ್ದೀನಿ. 'ವನಜ' ಅಂತ ಮಾಡಿದ್ದೀನಿ. ಆಮೇಲೆ 'ಚುಟುಕಿ' ಅನ್ನೋ ಸೀರಿಸ್‌ನಲ್ಲಿ ಮಾಡಿದ್ದೀನಿ. 'ವನಜಾ'ದಲ್ಲಿ ಭೂಮಿ ಶೆಟ್ಟಿ ನಟಿಸಿದ್ದಾರೆ. 'ಚುಟುಕಿ'ಯಲ್ಲಿ ನಿವೇದಿತಾ ಗೌಡ ನಟಿಸಿದ್ದಾರೆ. 'ಸಪ್ತಪದಿ' ಅಂತ ಸೀರಿಯಲ್ ಫಾರ್ಮೆಟ್‌ನ ವೆಬ್‌ ಸೀರಿಸ್‌ನಲ್ಲಿ ನಟಿಸಿದ್ದೇನೆ. ನಾನು ಇದೇ ಕ್ಷೇತ್ರದಲ್ಲಿಯೇ ಮುಂದುವರೆಯೋಣ ಅಂತ ಇದ್ದೇನೆ. ಇನ್ನು 'ಮ್ಯಾಟನಿ' ಅನ್ನೋ ಸಿನಿಮಾ ಮುಗಿದಿದೆ. ಈಗಷ್ಟೇ ಡಬ್ಬಿಂಗ್ ಮುಗಿಸಿದ್ದೇನೆ. ಈ ವೇಳೆ ಕೆಲವರು ಈ ಫೋಟೊಗಳನ್ನು ನೋಡಿ, ಮಾಹಿತಿ ಹೀಗೆ ತಪ್ಪಾಗಿ ಹೋಗುತ್ತಿದೆ ಅಂದರು. ಅದಕ್ಕೆ ಕ್ಲಾರಿಟಿ ಕೊಡುತ್ತಿದ್ದೇನೆ." ಎಂದು ಶಿವಣ್ಣ ಹಾಗೂ ಗೀತಾ ಶಿವರಾಜ್‌ಕುಮಾರ್ ಎತ್ತಿಕೊಂಡಿರೋ ಮಗುವಿನ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.