Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೆಂಗಳೂರಿನಲ್ಲಿ ನಡೆಯುತ್ತಿರುವ ಸೈಮಾ ಅವಾರ್ಡ್ಸ್ನ ಮೊದಲ ದಿನದ ಅತಿಥಿಗಳ ಪಟ್ಟಿ
ಇಂದು ( ಸೆಪ್ಟೆಂಬರ್ 10 ) ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಸೌತ್ ಇಂಡಿಯನ್ ಇಂಟರ್ ನ್ಯಾಷನಲ್ ಮೂವಿ ಅವಾರ್ಡ್ಸ್ ಕಾರ್ಯಕ್ರಮ ( ಸೈಮಾ ) ಜರುಗಲಿದೆ.
ಇಂದು ಮತ್ತೆ ನಾಳೆ 2 ದಿನಗಳ ಕಾಲ ಈ ಸೈಮಾ ಅವಾರ್ಡ್ಸ್ ಕಾರ್ಯಕ್ರಮ ಜರುಗಲಿದ್ದು ಹಲವು ದಿನಗಳ ಹಿಂದೆಯೇ ವಿವಿಧ ವಿಭಾಗಗಳಿಗೆ ನಾಮಿನೇಷನ್ ಪ್ರಕಟಿಸಲಾಗಿತ್ತು. ಅದರಂತೆ ಸೈಮಾದ ವೆಬ್ ತಾಣದಲ್ಲಿ ಸಹ ವಿವಿಧ ವಿಭಾಗಗಳ ಭಾಷಾವಾರು ವೋಟಿಂಗ್ ಪೋಲ್ ತೆರೆಯಲಾಗಿತ್ತು. ಹಾಗೂ ದಕ್ಷಿಣ ಭಾರತದ ಸಿನಿ ಪ್ರೇಮಿಗಳು ಈ ಪೋಲ್ ಗಳಲ್ಲಿ ತಮ್ಮ ಪ್ರಕಾರ ಯಾರು ಬೆಸ್ಟ್ ಎಂಬುದನ್ನು ಆಯ್ಕೆ ಮಾಡಿ ವೋಟ್ ಹಾಕಿದ್ದಾರೆ.
ಇನ್ನು ಈ ಬಾರಿಯ ಕಾರ್ಯಕ್ರಮದಲ್ಲಿ ಕಳೆದ ವರ್ಷ ನಮ್ಮನೆಲ್ಲ ಅಗಲಿದ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರಿಗೆ ವಿಶೇಷವಾದ ನಮನವನ್ನು ಸಲ್ಲಿಸಲಿದ್ದು, ಕಾರ್ಯಕ್ರಮವನ್ನು ವೀಕ್ಷಿಸಲು ಹಾಗೂ ಯಾವ ಕಲಾವಿದರಿಗೆ ಪ್ರಶಸ್ತಿಗಳು ಲಭಿಸಲಿವೆ ಎಂಬುದನ್ನು ತಿಳಿಯಲು ಸಿನಿ ರಸಿಕರು ಕಾತರರಾಗಿದ್ದಾರೆ.
ಇನ್ನು ಈ ಸೈಮಾ ಅವಾರ್ಡ್ಸ್ ಕಾರ್ಯಕ್ರಮದ ಮೊದಲ ದಿನದಂದು ಯಾವ ಯಾವ ಚಿತ್ರರಂಗದಿಂದ ಯಾವ ಸ್ಟಾರ್ ನಟರು ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದಾರೆ ಎಂಬುದನ್ನು ಬಾಕ್ಸ್ ಆಫೀಸ್ ಪರಿಣಿತ ತರಣ್ ಆದರ್ಶ್ ಅವರು ಟ್ವೀಟ್ ಮಾಡುವುದರ ಮೂಲಕ ತಿಳಿಸಿದ್ದಾರೆ.
ಮೊದಲ ದಿನದಂದು ಮುಖ್ಯಅತಿಥಿಗಳಾಗಿ ಚಂದನವನದ ರಾಕಿಂಗ್ ಸ್ಟಾರ್ ಯಶ್, ತೆಲುಗು ಚಿತ್ರರಂಗದ ಸ್ಟೈಲಿಷ್ ಸ್ಟಾರ್ ಅಲ್ಲು ಅರ್ಜುನ್ ಹಾಗೂ ವಿಜಯ ದೇವರಕೊಂಡ, ತಮಿಳು ಚಿತ್ರರಂಗದ ಉಳಗನಾಯಗನ್ ಕಮಲ್ ಹಾಸನ್ ಮತ್ತು ಹಿಂದಿ ಚಿತ್ರರಂಗದ ನಟ ರಣವೀರ್ ಸಿಂಗ್ ಕಾರ್ಯಕ್ರಮದಲ್ಲಿ ಉಪಸ್ಥಿತರಿರಲಿದ್ದಾರೆ.
2012ರಲ್ಲಿ ಆರಂಭಗೊಂಡ ಈ ಸೌತ್ ಇಂಡಿಯನ್ ಇಂಟರ್ ನ್ಯಾಷನಲ್ ಮೂವಿ ಅವಾರ್ಡ್ಸ್ ದಶಕ ಪೂರೈಸಿದ್ದು, ಈ ಬಾರಿ ಹತ್ತು ವರ್ಷಗಳ ಸಂಭ್ರಮಾಚರಣೆ ಇರಲಿದೆ. ಹಾಗೂ ಕನ್ನಡ ಚಿತ್ರರಂಗದಿಂದ ಈ ಬಾರಿ ರಾಬರ್ಟ್, ಗರುಡಗಮನ ವೃಷಭ ವಾಹನ ಹಾಗೂ ಯುವರತ್ನ ಚಿತ್ರಗಳು ಹೆಚ್ಚು ಕೆಟಗರಿಯಲ್ಲಿ ನಾಮಿನೇಟ್ ಆಗಿವೆ.
ಇನ್ನು ಈ ಬಾರಿಯ ಸೈಮಾ ಅವಾರ್ಡ್ಸ್ನಲ್ಲಿ ಕನ್ನಡ ಚಿತ್ರರಂಗದಿಂದ ನಾಮನಿರ್ದೇಶನ ಆಗಿರುವ ಅತ್ಯುತ್ತಮ ನಟ, ನಟಿ, ನಿರ್ದೇಶಕ ಹಾಗೂ ಚಿತ್ರಗಳ ಪಟ್ಟಿ ಕೆಳಕಂಡಂತಿದೆ
ಅತ್ಯುತ್ತಮ ಚಿತ್ರ
ರಾಬರ್ಟ್ - ಉಮಾಪತಿ ಫಿಲ್ಮ್ಸ್, ಯುವರತ್ನ - ಹೊಂಬಾಳೆ ಫಿಲ್ಮ್ಸ್, ಗರುಡ ಗಮನ ವೃಷಭ ವಾಹನ - ಲೈಟರ್ ಬುದ್ಧ ಫಿಲ್ಮ್ಸ್, ಸಲಗ- ಕೆ.ಪಿ.ಶ್ರೀಕಾಂತ್ ( ವೀನಸ್ ಎಂಟರ್ ಟೈನ್ ಮೆಂಟ್ಸ್ ), ಭಜರಂಗಿ 2 - ಜಯಣ್ಣ ಕಂಬೈನ್ಸ್
ಅತ್ಯುತ್ತಮ ನಟ
ಗಣೇಶ್ - ಸಕ್ಕತ್, ಶಿವರಾಜಕುಮಾರ್ - ಭಜರಂಗಿ ೨, ರಿಷಬ್ ಶೆಟ್ಟಿ - ಗರುಡ ಗಮನ ವೃಷಭ ವಾಹನ, ದರ್ಶನ್ - ರಾಬರ್ಟ್, ಪುನೀತ್ ರಾಜ್ಕುಮಾರ್ - ಯುವರತ್ನ, ಧನಂಜಯ ಕೆ ಎ - ಬಡವ ರಾಸ್ಕಲ್.
ಅತ್ಯುತ್ತಮ ನಿರ್ದೇಶಕ
ರೋಹಿತ್ ಪದಕಿ - ರತ್ನನ್ ಪ್ರಪಂಚ, ರಾಜ್ ಬಿ ಶೆಟ್ಟಿ - ಗರುಡ ಗಮನ ವೃಷಭ ವಾಹನ, ತರುಣ್ ಸುಧೀರ್ - ರಾಬರ್ಟ್, ಎಸ್ ಮಹೇಶ್ ಕುಮಾರ್ - ಮದಗಜ, ಎ ಹರ್ಷ - ಭಜರಂಗಿ ೨
ಅತ್ಯುತ್ತಮ ನಟಿ
ರಶ್ಮಿಕಾ ಮಂದಣ್ಣ - ಪೊಗರು, ಅಮೃತ ಐಯ್ಯಂಗಾರ್ - ಬಡವ ರಾಸ್ಕಲ್, ನಿಶ್ವಿಕ ನಾಯ್ಡು - ಸಕ್ಕತ್, ರಚಿತಾ ರಾಮ್ - ಲವ್ ಯು ರಚ್ಚು ಮತ್ತು ಆಶಿಕಾ ರಂಗನಾಥ್ - ಮದಗಜ.