ಹೊಸ ಅವತಾರದಲ್ಲಿ ಬಂದ ಸಿಂಧು ಲೋಕನಾಥ್ ಕಿಡಿಕಾರಿದ್ದು ಯಾರ ಮೇಲೆ?

ಕೂದಲಿಗೆ ಕತ್ತರಿ ಹಾಕಿದರೆ ಖಿನ್ನತೆಯೇ?

ನನ್ನ ಕೂದಲನ್ನು ಕತ್ತರಿಸಿರುವುದರ ಅರ್ಥ ನಾನು ಅನಾರೋಗ್ಯಕ್ಕೆ ಒಳಗಾಗಿದ್ದೇನೆ ಎಂದಲ್ಲ. ಕೂದಲು ಕತ್ತರಿಸಿರುವುದು ನಾನು ಖಿನ್ನತೆಗೆ ಒಳಗಾಗಿದ್ದೇನೆ ಎಂದಲ್ಲ. ಕೂದಲು ಕತ್ತರಿಸುವುದು ಲಿಂಗತಾರತಮ್ಯ ಆಗುವುದಿಲ್ಲ. ನನ್ನ ಕೂದಲು ಮತ್ತು ನನಗೆ ಏನು ಬೇಕೋ ಅದನ್ನು ಮಾಡಿಕೊಳ್ಳುತ್ತೇನೆ. ನನ್ನ ಕತ್ತರಿಸಿದ ಕೂದಲಿನ ಬಗ್ಗೆಯೇ ವಿವಾದ ಸೃಷ್ಟಿಸುವುದು ನಿಮ್ಮ ಕೀಳು ವರ್ತನೆ. ಅದು ಮುಂಚಿಗಿಂತಲೂ ಚೆನ್ನಾಗಿ ಮತ್ತೆ ಬೆಳೆಯುತ್ತದೆ.

ನಾನು ನನ್ನ ಹಿಂದಿನ ಪೋಸ್ಟ್‌ನಲ್ಲಿ ಬರೆದಿರುವ ಪದಗಳು ನಿಮಗೆ ಅರ್ಥವಾಗದೆ ಇದ್ದರೆ ಹತ್ತು ಬಾರಿ ಓದಿ. ನಿಮಗೆ ಅರ್ಥವಾಗಬಹುದು.

ನೀವು ಹೊಣೆಗಾರರಾಗುತ್ತೀರಾ?

ಒಬ್ಬರನ್ನು ಅನಾರೋಗ್ಯಪೀಡಿತರು, ಖಿನ್ನತೆಗೆ ಒಳಗಾದವರು ಎಂದು ತೋರಿಸುವುದು, ಒಬ್ಬರ ವೈಯಕ್ತಿಕ ಜೀವನ, ಅವರ ವೈವಾಹಿಕ ಸ್ಥಿತಿಗತಿಗಳನ್ನು ಕೆದಕುವುದು, ನಿಮ್ಮದೇ ಕಲ್ಪನೆಗಳಲ್ಲಿ ಕಥೆ ಕಟ್ಟುವುದು ನಿಮಗೆ ಟಿಆರ್‌ಪಿ ತಂದುಕೊಡಬಹುದು. ಆದರೆ ಅವರ ಬದುಕಿನಲ್ಲಿ ಪ್ರಮಾದಗಳಾದಾಗ ಅವರ ಹೆಸರನ್ನೂ ಕೆಡಿಸುವ ಪ್ರಯತ್ನ ಮಾಡಿದ್ದಕ್ಕೆ ನೀವು ಹೊಣೆ ಹೊರುತ್ತೀರಾ? ಈ ದೋಷಾರೋಪಣೆಯ ಆಟದಲ್ಲಿ ನೀವೂ ಭಾಗಿಯಾಗುತ್ತೀರಾ?

ನನಗೂ ಅಭಿವ್ಯಕ್ತಿ ಸ್ವಾತಂತ್ರ್ಯವಿದೆ...

ಈ ಸಂಕಷ್ಟದ ಸಮಯದಲ್ಲಿ ನೀವು ಸಕಾರಾತ್ಮಕತೆಯನ್ನು ಹರಡಿಸುವುದು ಮುಖ್ಯ. ಜನರನ್ನು ಅವರ ಅಂಚಿನತ್ತ ತಳ್ಳುವುದನ್ನು ನಿಲ್ಲಿಸಿ. ನಾನು ಮೌನವಹಿಸಿ ಸಾಕಾಗಿದೆ. ನಿಮಗೆ ಪ್ರದರ್ಶಿಸುವ ಸ್ವಾತಂತ್ರ್ಯವಿದ್ದರೆ, ನನಗೂ ಅಭಿವ್ಯಕ್ತಿ ಸ್ವಾತಂತ್ರ್ಯವಿದೆ. ನನ್ನವೃತ್ತಿಯ ಹೊರತಾಗಿ ನಿಮಗೆ ವಿವರಣೆ ನೀಡುವುದು ಏನೂ ಇಲ್ಲ.

ನನ್ನಲ್ಲಿಯೂ ಭಾವನೆಗಳಿವೆ

ನನ್ನ ಆರೋಗ್ಯ ಅಥವಾ ನನ್ನ ಮಾನಸಿಕ ಸ್ಥಿತಿಯ ಬಗ್ಗೆ ಕಾಳಜಿಯುಳ್ಳ ಎಲ್ಲ ಇತರೆ ಜನರಿಗೂ ಧನ್ಯವಾದಗಳು. ನಾನು ಬಹಳ ಆರಾಮಾಗಿ ಇದ್ದೇನೆ ಎಂದು ಸಿಂಧು ಹೇಳಿದ್ದಾರೆ. 'ತೆರೆಯ ಮೇಲಷ್ಟೇ ನಾನು ನಟಿ. ಅದರಾಚೆ ಸಾಮಾನ್ಯಳು. ನನ್ನ ಭಾವನೆಗಳನ್ನು ಹತ್ತಿಕ್ಕಲು ಸಾಧ್ಯವಿಲ್ಲ. ನನ್ನಲ್ಲೂ ಭಯ, ಕಷ್ಟ, ನಗು ಅಳು ಇದೆ' ಎಂದು ಹೇಳಿಕೊಂಡಿದ್ದರು. ಆದರೆ ಅವರ ಅನಿಸಿಕೆಗಳನ್ನು ಕೆಲವು ಮಾಧ್ಯಮಗಳು ತಪ್ಪಾಗಿ ಅರ್ಥೈಸಿವೆ ಎಂದು ಕೋಪಗೊಂಡಿದ್ದಾರೆ.