ಡಿ ಕೆ ರವಿ ಅಕಾಲಿಕ ಮರಣಕ್ಕೆ ಚಿತ್ರೋದ್ಯಮದ ಪ್ರತಿಕ್ರಿಯೆ

Published: Friday, March 20, 2015, 9:48 [IST]

ಐಎಎಸ್ ಅಧಿಕಾರಿ ಡಿ ಕೆ ರವಿ ಅನುಮಾನಾಸ್ಪದ ಸಾವಿಗೆ ನಾಡಿನ ಜನತೆ ಕಂಬನಿ ಮಿಡಿಯುತ್ತಿರುವುದರ ಜೊತೆಗೆ, ಕೇಸನ್ನು ಸಿಬಿಐಗೆ ವರ್ಗಾಯಿಸಬೇಕೆನ್ನುವ ಕೂಗೂ ಮುಗಿಲು ಮುಟ್ಟಿದೆ.

ಕನ್ನಡ ಚಿತ್ರೋದ್ಯಮದ ಅನ್ನದಾತರು 'ಡಿ ಕೆ ರವಿ' ಟೈಟಲಿಗೆ ವಾಣಿಜ್ಯ ಮಂಡಳಿ ಬಾಗಿಲು ಬಡಿಯುತ್ತಿದ್ದರೆ, ಅವರ ದುರಂತ ಸಾವಿಗೆ ಸೆಲೆಬ್ರಿಟಿಗಳು ತೀವ್ರ ದುಃಖ ವ್ಯಕ್ತ ಪಡಿಸಿದ್ದಾರೆ. (ಡಿಕೆ ರವಿ ಟೈಟಲಿಗೆ ನೂಕುನೂಗ್ಗಲು)

ಪುನೀತ್ ತನ್ನ ನಲವತ್ತನೇ ಹುಟ್ಟುಹಬ್ಬದ ನಡುವೆ ಶಿವಣ್ಣ ಮತ್ತು ಚಿತ್ರೋದ್ಯಮದಕ್ಕೆ ಸಂಬಂಧ ಪಟ್ಟವರ ಜೊತೆಗೂಡಿ ಸದಾಶಿವನಗರದ ಮನೆಯಲ್ಲಿ ಎರಡು ನಿಮಿಷದ ಮೌನಾಚರಣೆ ಮಾಡುವ ಮೂಲಕ ಪ್ರಾಮಾಣಿಕ ಅಧಿಕಾರಿಗೆ ಶ್ರದ್ದಾಂಜಲಿ ಸಲ್ಲಿಸಿದ್ದಾರೆ.

ಚಿತ್ರೋದ್ಯಮದ ಹಲವರು ಡಿ ಕೆ ರವಿ ಸಾವಿಗೆ ಶಾಕ್ ಜೊತೆ ತೀವ್ರ ನೋವು ತೋಡಿಕೊಂಡಿದ್ದಾರೆ. ಸಾಮಾಜಿಕ ತಾಣದಲ್ಲಿ ಸೆಲೆಬ್ರಿಟಿಗಳು ತಮ್ಮ ವಿಷಾದವನ್ನು ವ್ಯಕ್ತ ಪಡಿಸಿಕೊಂಡಿದ್ದು ಹೀಗೆ..

ಅನುಪಮ್ ಖೇರ್

ಡಿಕೆ ರವಿ ಸಾವಿಗೆ ಕಾರಣರಾದವರು ಯಾರೇ ಇರಲಿ ಅವರಿಗೆ ಶಿಕ್ಷೆಯಾಗಲೇ ಬೇಕು. ಕರ್ನಾಟಕ ಸರಕಾರ ಈ ಕೇಸನ್ನು ಸಿಬಿಐಗೆ ಹಸ್ತಾಂತರಿಸಬೇಕು. ಈ ಅಧಿಕಾರಿಯ ಸಾವಿಗೆ ಕಾರಣರಾದವರಿಗೆ ಶಿಕ್ಷೆಯಾಗದೇ ಇದ್ದಲ್ಲಿ ಅದು ದೇಶದ ಅತಿದೊಡ್ದ ದುರಂತ.