ಪುನೀತ್ ಸಮಾಧಿಗೆ ಭೇಟಿ ಕೊಟ್ಟು ನಮನ ಸಲ್ಲಿಸಿದ ತಮಿಳಿನ ಹಾಸ್ಯ ನಟ ಯೋಗಿ ಬಾಬು

ಅಪ್ಪು ಸಮಾಧಿಗೆ ಯೋಗಿ ಬಾಬು ಭೇಟಿ

ತಮಿಳಿನ ಖ್ಯಾತ ಹಾಸ್ಯ ನಟ ಯೋಗಿ ಬಾಬು ನಿನ್ನೆ ( ನವೆಂಬರ್ 20) ಕಂಠೀರವ ಸ್ಟುಡಿಯೋಗೆ ಭೇಟಿ ನೀಡಿದ್ದರು. ಅಪ್ಪು ನಿಧನದ ಹಿನ್ನೆಲೆ ಪುನೀತ್ ರಾಜ್‌ಕುಮಾರ್ ಸಮಾಧಿಗೆ ಭೇಟಿ ಕೊಟ್ಟು ನಮನ ಸಲ್ಲಿಸಿದ್ದಾರೆ. ಬಳಿಕ ಸೀದಾ ಪುನೀತ್ ರಾಜ್‌ಕುಮಾರ್ ಮನೆಗೆ ಹೋಗಿ ಅಪ್ಪು ಕುಟುಂಬಕ್ಕೆ ಸಮಾಧಾನ ಹೇಳಿ, ಅಪ್ಪು ಫೋಟೊಗೆ ನಮನ ಸಲ್ಲಿಸಿ ನಿರ್ಗಮಿಸಿದ್ದಾರೆ. ಹಾಸ್ಯ ಯೋಗಿ ಬಾಬು ಭೇಟಿ ನೀಡಿದ ಪೋಟೊಗಳು ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ.

ಅಪ್ಪು ಭೇಟಿಯಾಗಿದ್ದ ಹಾಸ್ಯ ನಟ

ಯೋಗಿ ಬಾಬುಗೂ ಅಣ್ಣಾವ್ರ ಕುಟುಂಬಕ್ಕೂ ನಿಕಟವಾದ ಸಂಬಂಧವಿದೆ. ಅದೇನಪ್ಪಾ ಅಂದರೆ, ಯೋಗಿ ಬಾಬು ಬೆಂಗಳೂರಿಗೆ ಬಂದಾಗ ಪುನೀತ್, ಇಲ್ಲವೆ ಶಿವಣ್ಣನ್ನು ಭೇಟಿ ಮಾಡುತ್ತಿದ್ದರು. ಕೆಲವು ತಿಂಗಳ ಹಿಂದೆ ಈ ಹಾಸ್ಯ ನಟ ಪುನೀತ್ ರಾಜ್‌ಕುಮಾರ್ ಅವರನ್ನೂ ಭೇಟಿ ಮಾಡಿದ್ದರು. ಆ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಸಂಚಲ ಸೃಷ್ಟಿಸಿತ್ತು. ಅಪ್ಪು ಜೊತೆಗಿದ್ದ ಇದೇ ಒಡನಾಟದಿಂದ ನಿನ್ನೆ( ನವೆಂಬರ್ 20) ಬೆಂಗಳೂರಿಗೆ ಬಂದು ನಮನ ಸಲ್ಲಿಸಿದ್ದಾರೆ.

ಶಿವಣ್ಣನ ಭೇಟಿಯಾಗಿದ್ದ ಯೋಗಿ ಬಾನು

ಕಾಲಿವುಡ್​ ಹಾಸ್ಯ ನಟ ಯೋಗಿ ಬಾಬು ಆಗಾಗ ಬೆಂಗಳೂರಿಗೆ ಬರುತ್ತಾರೆ. ಶೂಟಿಂಗ್ ಇಲ್ಲವೆ ಖಾಸಗಿ ಕೆಲಸದ ನಿಮಿತ್ತ ಬೆಂಗಳೂರಿಗೆ ಬಂದಾಗ ಕನ್ನಡದ ನಟರ ಮನೆಗೆ ಭೇಟಿ ಕೊಟ್ಟ ಹೋಗುತ್ತಾರೆ. ಒಂದು ವರ್ಷದ ಹಿಂದಷ್ಟೇ ಯೋಗಿ ಬಾಬು ಸೆಂಚುರಿ ಸ್ಟಾರ್ ಶಿವರಾಜ್‌ಕುಮಾರ್ ಅವರನ್ನು ಭೇಟಿ ಮಾಡಿದ್ದರು. ಶಿವಣ್ಣನ ಮನೆಗೂ ಭೇಟಿ ನೀಡಿದ್ದ ಯೋಗಿ ಬಾಬು ಸೆಂಚುರಿ ಸ್ಟಾರ್‌ರನ್ನು ಸನ್ಮಾನಿಸಿದ್ದರು. ಕೆಲವು ದಿನಗಳ ಹಿಂದೆ ದುನಿಯಾ ವಿಜಯ್ ಮನೆಗೂ ಭೇಟಿ ನೀಡಿದ್ದರು.

ಸೂಪರ್‌ಸ್ಟಾರ್ ಜೊತೆ ನಟಿಸಿದ ಹಾಸ್ಯ ನಟ

ಯೋಗಿ ಬಾಬು ತಮಿಳು ಚಿತ್ರದ ಬಹುಬೇಡಿಕೆ ನಟ. ತಮಿಳು ಸೂಪರ್‌ಸ್ಟಾರ್‌ಗಳಿಗೆ ತಮ್ಮ ಒಂದು ಸಿನಿಮಾದಲ್ಲಾದ್ರೂ ಯೋಗಿ ಬಾಬು ನಟಿಸಲೇಬೇಕು. ಆ ಮಟ್ಟಿಗೆ ಬೇಡಿಕೆ ಇವರ ಹಾಸ್ಯ ನಟ. ದಳಪತಿ ವಿಜಯ್, ಸೂರ್ಯ, ಅಜಿತ್, ಆರ್ಯ, ನಯನ ತಾರಾ, ಸೇರಿದಂತೆ ಕಾಲಿವುಡ್ ಸೂಪರ್‌ಸ್ಟಾರ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ.