ಅಣ್ಣಾವ್ರ ಸಿನಿಮಾ ನೋಡೋದೇ ಇಲ್ಲ ಎಂದ ತಮಿಳಿಗ, ಅವರ ಮುಂದಿನ ಸಿನಿಮಾಗೆ ಏನ್ ಮಾಡಿದ ಗೊತ್ತಾ!

ಹಾಸ್ಯ ಪ್ರಾಧಾನ್ಯತೆಯ ಸಿನಿಮಾ ಭಾಗ್ಯದ ಲಕ್ಷ್ಮೀ ಬಾರಮ್ಮ

ದುಡ್ಡಿನ ಬೆನ್ನೇರಿ ಹೋಗುವ ನಾಯಕ-ನಾಯಕಿ ನಂತರ ದಂಪತಿಗಳಾಗುವ, ಹಾಸ್ಯ ಪ್ರಾಧಾನ್ಯತೆಯ ಸಿನಿಮಾ ಭಾಗ್ಯದ ಲಕ್ಷ್ಮೀ ಬಾರಮ್ಮ. ದಾಕ್ಷಾಯಿಣಿ ಕಂಬೈನ್ಸ್ ಬ್ಯಾನರ್ ನಲ್ಲಿ ಮೂಡಿಬಂದ ಈ ಸಿನಿಮಾ ಭಾರೀ ಯಶಸ್ಸನ್ನು ಪಡೆದಿತ್ತು. 'ಯಾವ ಕವಿಯು ಬರೆಯಲಾರ, ಒಲವಿನಿಂದ, ಕಣ್ಣೋಟದಿಂದ' ಗಝಲ್ ಮಾದರಿಯ ಈ ಹಾಡು, ಈಗಲೂ ಎಲ್ಲರ ಮನೆಯಲ್ಲಿ ಗುನುಗುವಂತದ್ದು.

ಅಣ್ಣಾವ್ರ ಸಿನಿಮಾ

ಈ ಸಿನಿಮಾ ಬಿಡುಗಡೆಯಾದ ಹದಿನಾರು ವಾರದ ನಂತರ, ನಡೆದ ಒಂದು ಘಟನೆಯನ್ನು ಆರ್.ಜಗದೀಶ್ ಎನ್ನುವವರು ಚಿತ್ರತಾರಾದಲ್ಲಿ ಸ್ಮರಿಸಿಕೊಂಡಿದ್ದರು. ಹೊಸ ಸಿನಿಮಾ ನೋಡಲು ತಮ್ಮ ಗೆಳೆಯರ ಜೊತೆ ಹೋಗಿದ್ದ ಇವರ ಗುಂಪಿನಲ್ಲಿ ತಮಿಳಿಗನೊಬ್ಬ ಇದ್ದ. ಆದರೆ, ಅವನಿಗೆ ಅಣ್ಣಾವ್ರ ಸಿನಿಮಾ ಅಂದರೆ ಆಗೋದಿಲ್ಲ.

ಬಿಡುಗಡೆಯಾದ ಹೊಸ ಸಿನಿಮಾ

ಬಿಡುಗಡೆಯಾದ ಹೊಸ ಸಿನಿಮಾಕ್ಕೆ ಟಿಕೆಟ್ ಸಿಗದೇ ಇದ್ದಿದ್ದರಿಂದ, ಆಗಲೇ ಮೂರು ಬಾರಿ ನೋಡಿದ್ದ ಭಾಗ್ಯದ ಲಕ್ಷ್ಮೀ ಬಾರಮ್ಮ ಸಿನಿಮಾ ನೋಡಲು ಈ ಗುಂಪಿನ ಜೊತೆ, ಆ ತಮಿಳು ಭಾಷಿಗನೂ ಹೋಗಿದ್ದ. ಆ ಸಿನಿಮಾದಲ್ಲಿ ರಾಜ್ ಅವರ ಅಭಿನಯವನ್ನು ತದೇಕಚಿತ್ತದಿಂದ ನೋಡುತ್ತಿದ್ದ ಆ ತಮಿಳು ಭಾಷಿಗ ಒಂದು ನಿರ್ಧಾರಕ್ಕೆ ಬಂದನಂತೆ.

ಸೂಪರ್ ಹಿಟ್ ಸಿನಿಮಾ ಅನುರಾಗ ಅರಳಿತು

ಅಣ್ಣಾವ್ರ ಮುಂದಿನ ಸಿನಿಮಾ ಬಿಡುಗಡೆ ಯಾವಾಗ ಎಂದು ಆ ತಮಿಳಿಗ ತನ್ನ ಸ್ನೇಹಿತರಲ್ಲಿ ಕೇಳಿದನಂತೆ. ಇನ್ನೊಂದು ವಾರದಲ್ಲಿ ಇದೆ ಎಂದು ಅವರ ಗೆಳೆಯರಿಂದ ಉತ್ತರ ಬಂತು. ಭಾಗ್ಯದ ಲಕ್ಷ್ಮೀ ಬಾರಮ್ಮ ಇನ್ನೂ ಚಿತ್ರಮಂದಿರದಲ್ಲಿ ಓಡುತ್ತಿದ್ದಾಗಲೇ, ಅವರ ಇನ್ನೊಂದು ಸೂಪರ್ ಹಿಟ್ ಸಿನಿಮಾ 'ಅನುರಾಗ ಅರಳಿತು' ತೆರೆಕಂಡಿತು. ಆ ಸಿನಿಮಾದ, ಫಸ್ಟ್ ಡೇ ಫಸ್ಟ್ ಶೋ ಟಿಕೆಟ್ ಅನ್ನು ಪಡೆದ ತಮಿಳಿಗ, ಆ ಸಿನಿಮಾವನ್ನು ನೋಡಿದನಂತೆ, ರಾಜ್ ಅಭಿಮಾನಿಯಾದನಂತೆ. ಇದು ರಾಜ್ ಚಿತ್ರಕ್ಕಿರುವ ತಾಕತ್, ಅಲ್ಲದೇ ಇನ್ನೇನು.