ಪಾಠ ಕಲಿಸಿದ ಗುರುವಿಗೆ ಚಿತ್ರೋದ್ಯಮದ ನುಡಿನಮನ

ನಿಧಿ ಸುಬ್ಬಯ್ಯ

ಮೈಸೂರಿನ ಸೆಂಟ್ರಲ್ ಸ್ಕೂಲಿನಲ್ಲಿ ನಾನು ಓದಿದ್ದು, ನನಗೆ ಒಟ್ಟು ಅಲ್ಲಿನ ಏಳು ಟೀಚರ್ ಬಹಳ ಫೆವರೇಟ್. ಹತ್ತು ವರ್ಷ ಅಲ್ಲಿ ಓದಿದೆ, ಅವರೆಲ್ಲರೂ ನನ್ನ ಕುಟುಂಬದವರು ಹಾಗೆ. ನನ್ನನ್ನು ತಿದ್ದಿ ನನಗೆ ಪಾಠ ಕಲಿಸಿದ್ದಾರೆ. NCC ಟೀಚರ್ ಮತ್ತು ಇತರ ಶಿಕ್ಷಕರು ನನಗೆ ಸ್ಪೂರ್ಥಿ ನೀಡಿದರು.

ನಿರ್ದೇಶಕ ಶಶಾಂಕ್

ಪ್ರೈಮರಿ ಸ್ಕೂಲಿನ ದಿ. ಸೋಮಶೇಖರ್ ನನ್ನ ಫೆವರೇಟ್ ಟೀಚರ್. ನಾನು ಪ್ರೈಮರಿ ತರಗತಿ ಓದಿದ್ದು ವಿಶ್ವೇಶ್ವರಯ್ಯ ಶಾಲೆ, ಭದ್ರಾವತಿಯಲ್ಲಿ. ಸೋಮಶೇಖರ್ ಸ್ಕೂಲಿನ ಹೆಡ್ ಮಾಸ್ಟರ್ ಆಗಿದ್ದರು. ನನ್ನನ್ನು ಸ್ವಂತ ಮಗನ ಹಾಗೇ ನೋಡಿಕೊಳ್ಳುತ್ತಿದ್ದರು. ಅವರನ್ನು ಎಂದೂ ನಾನು ಮರೆಯುವುದಿಲ್ಲ.

ನಿರ್ದೇಶಕಿ ಸುಮನಾ ಕಿತ್ತೂರು

ನಾನು ಹೆಸರಾಂತ ಶಾಲೆಯಲ್ಲಿ ಓದಿದವಳಲ್ಲ ಮತ್ತು ತುಂಬಾ ಓದಿದವಳೂ ಅಲ್ಲ. ಕನ್ನಡ ಮೀಡಿಯಂ ಓದಿದ ನಾನು ಎಂದಿಗೂ ನೆನಪಿಸಿ ಕೊಳ್ಳುವುದು ಶಂಕರಪ್ಪ ಎನ್ನುವ ಟೀಚರ್ ಮತ್ತು ಅಗ್ನಿ ಶ್ರೀಧರ್ ಅವರನ್ನು. ಇಬ್ಬರನ್ನು ಎಂದಿಗೂ ನಾನು ಮರೆಯುವುದಿಲ್ಲ. ಇಬ್ಬರಿಗೂ ಶಿಕ್ಷಕರ ದಿನದ ಶುಭ ಹಾರೈಕೆಗಳು.

ರಮೇಶ್ ಅರವಿಂದ್

ಎಲ್ಲಾ ಸೆಲೆಬ್ರಿಟಿಗಳನ್ನು ಒಂದು ತಕ್ಕಡಿಯಲ್ಲಿ ಕೂರಿಸಿ, ಇನ್ನೊಂದು ತಕ್ಕಡಿಯಲ್ಲಿ ಪ್ರೈಮರಿ ಶಾಲೆಯ ಟೀಚರನ್ನು ಕೂರಿಸಿದರೆ ಟೀಚರ್ ಇರುವ ತಕ್ಕಡಿಗೆ ಹೆಚ್ಚಿನ ತೂಕ ಬರುತ್ತದೆ. ಶಿಕ್ಷಕರಿಗೆ ಬೆಲೆ ಕಟ್ಟಲಾಗುವುದಿಲ್ಲ. ನಮ್ಮ ಜೀವನಕ್ಕೆ ಹೊಸ ದಾರಿ ತೋರಿಸಿದ ಪುಣ್ಯಾತ್ಮರು ಅವರು. ನನಗೆ ಒಟ್ಟು ಮೂರು ಜನ ಫೆವರೇಟ್ ಶಿಕ್ಷಕರಿದ್ದಾರೆ. ಒಬ್ಬರು ನನಗೆ ನಟನೆ ಕಲಿಸಿದವರು, ಇನ್ನೊಬ್ಬರು ನನಗೆ ಸ್ಟೇಜ್ ಫಿಯರ್ ದೂರ ಮಾಡಿ ಮೈಕ್ ಮುಂದೆ ಮಾತನಾಡಲು ಕಲಿಸಿದವರು ಮತ್ತೊಬ್ಬರು ನನ್ನನ್ನು ಲೀಡರನ್ನಾಗಿ ಮಾಡಿ ಸಾಂಸ್ಕ್ರುತಿಕ ಚಟುವಟಿಕೆ ಕಲಿಸಿದವರು.

ನಿರ್ದೇಶಕ ಪ್ರಶಾಂತ್ ರಾಜ್

ನಾನು ಹಿಂದಿಯಲ್ಲಿ ಬಹಳ ವೀಕ್ ಆಗಿದ್ದೆ, ಹಾಗಾಗಿ ಹಿಂದಿ ಕ್ಲಾಸ್ ತಪ್ಪಿಸಿಕೊಳ್ಳುತ್ತಿದ್ದೆ. ಫಾತಿಮಾ ಮೇಡಂ ಹಿಂದಿ ಟೀಚರ್ ಆಗಿದ್ದರು, ಅವರು ನನಗೆ ವಿಶೇಷ ತರಗತಿ ನಡೆಸಿ ನನಗೆ ಆತ್ಮವಿಶ್ವಾಸ ತುಂಬಿದರು. ಅವರನ್ನು ಎಂದಿಗೂ ಮರೆಯಲಾಗದು.

ಚೇತನ್ ಚಂದ್ರ

ನನಗೆ ಪಾಠ ಕಲಿಸಿದ ಕೆಲವರ ಜೊತೆ ಇಂದಿಗೂ ಸಂಪರ್ಕದಲ್ಲಿದ್ದೇನೆ. ಇಂದು ಮುಂಜಾನೆ ಎಲ್ಲರಿಗೂ ಕರೆ ಮಾಡಿ ಶುಭಾಷಯ ತಿಳಿಸಿದ್ದೇನೆ. ನನ್ನ ಜಿಮ್ ಕೋಚ್ ಪಾನಿ ಪುರಿ ಕಿಟ್ಟಿ ನನ್ನ ಫೆವರೇಟ್ ಟೀಚರ್, ಕೇಕ್ ಕಟ್ ಮಾಡಿ ಶಿಕ್ಷಕರ ದಿನ ಆಚರಿಸಿದ್ದೇನೆ.

ನೆನಪಿರಲಿ ಪ್ರೇಮ್

ನನ್ನ ಜೀವನವೇ ನನಗೆ ಮೊದಲ ಗುರು. ನನ್ನ ಎರಡನೇ ಗುರು ಅಂದರೆ ನನ್ನ ತಾಯಿ. ನಾನು ಇದುವರೆಗಿನ ಚಿತ್ರದ ನಿರ್ದೇಶಕರೂ ನನಗೆ ಗುರುಗಳು.

ಮೈನಾ ಚೇತನ್

ಯಾರ್ಲೆ ಯುನಿವರ್ಸಿಟಿಯ ಟೀಚರ್ ಬಾರ್ನೆ ಬೇಟ್ ನನ್ನ ಫೆವರೇಟ್ ಗುರುಗಳು.