ಜಗ್ಗೇಶ್ ಪುತ್ರನ ಕಾರು ಅಪಘಾತ: ವೈರಲ್ ಆಗುತ್ತಿದೆ ವಿಡಿಯೋ

ವಿಡಿಯೋದಲ್ಲಿ ಇರುವುದೇನು?

ವಿಡಿಯೋದಲ್ಲಿರುವಂತೆ ವ್ಯಕ್ತಿಯೊಬ್ಬ ನಡೆದು ಕೊಂಡು ಹೋಗುತ್ತಿದ್ದವ ಹಠಾತ್ತನೆ ನೃತ್ಯ ಮಾಡಿದ್ದಾನೆ ಮತ್ತೆ ಸಿನಿಮಾ ಹೀರೋಗಳಂತೆ ನಡಿಗೆ ಮುಂದುವರೆಸಿದ್ದಾನೆ. ವಿಡಿಯೋದಲ್ಲಿರುವ ವ್ಯಕ್ತಿ ಯತಿರಾಜ್ ಎಂದೇ ಹೇಳಲಾಗುತ್ತಿದೆ. ಅಪಘಾತವಾದಾಗ ಯತಿರಾಜ್‌ಗೆ ಸಹಾಯ ಮಾಡಿದವರೇ ಈ ವಿಡಿಯೋ ಮಾಡಿದ್ದಾರೆ.

ಪ್ರಕರಣ ದಾಖಲಿಸಿಕೊಂಡಿದ್ದಾರೆ ಪೊಲೀಸರು

ಅಪಘಾತ ಹೇಗಾಯಿತು ಎಂಬ ಮಾಧ್ಯಮಗಳ ಪ್ರಶ್ನೆಗೆ ಯತಿರಾಜ್ ಸೂಕ್ತವಾಗಿ ಉತ್ತರಿಸದೇ ಇದ್ದದ್ದು ಸಹ ಅನುಮಾನಗಳನ್ನು ಹೆಚ್ಚು ಮಾಡಿದೆ. ಚಿಕ್ಕಬಳ್ಳಾಪುರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು ತನಿಖೆ ನಡೆಸುತ್ತಿದ್ದಾರೆ. ತನಿಖೆಯ ಬಳಿಕವಷ್ಟೆ ಪ್ರಕರಣದ ಸತ್ಯಾಂಶ ಹೊರಗೆ ಬರಲಿದೆ.

ಪೊಲೀಸರು ಹೇಳಿದ್ದೇನು?

ಯತಿರಾಜ್ ಕಾರಿಗೆ ನಾಯಿ ಅಡ್ಡಬಂದು ಅದನ್ನು ತಪ್ಪಿಸುವ ಪ್ರಯತ್ನದಲ್ಲಿ ಕಾರು ಪಲ್ಟಿಯಾಗಿ ಅಪಘಾತ ಸಂಭವಿಸಿತು ಎಂದು ಜಗ್ಗೇಶ್ ಟ್ವೀಟ್ ಮಾಡಿದ್ದರು ನಂತರ ಆ ಟ್ವೀಟ್ ಅನ್ನು ಡಿಲೀಟ್ ಮಾಡಿ, ಆಕ್ಸಿಡೆಂಟ್ ಆದ ಕಾರಿನ ಚಿತ್ರ ನೋಡಲಾಗುತ್ತಿಲ್ಲ ಹಾಗಾಗಿ ಡಿಲೀಟ್ ಮಾಡಿದೆ ಎಂದು ಸ್ಪಷ್ಟನೆ ನೀಡಿದ್ದರು. ಪೊಲೀಸರು ಹೇಳಿದಂತೆ ಯೂಟರ್ನ್ ಮಾಡುತ್ತಿದ್ದ ಬೈಕ್‌ ಅನ್ನು ತಪ್ಪಿಸಲು ಹೋಗಿ ಕಾರು ಪಲ್ಟಿಯಾಗಿದೆ, ಯಾವುದೇ ಜೀವಾಪಾಯ ಸಂಭವಿಸಿಲ್ಲ ಎಂದಿದ್ದಾರೆ.

Recommended Video

ಅಪಘಾತ ಎಲ್ಲಿ ? ಯಾವಾಗ ? ಹೇಗಾಯ್ತು? | Filmibeat Kannada

ಮಗನಿಗೆ ಒಳಗಾಯಗಳಾಗಿದೆ ಎಂದ ಜಗ್ಗೇಶ್

ಮಗನಿಗೆ ಯಾವುದೇ ಗಾಯವಾಗಿಲ್ಲ ಎಂದು ಜಗ್ಗೇಶ್ ನಿನ್ನೆ ಹೇಳಿದ್ದರು. ಆದರೆ ಇಂದು ಟ್ವೀಟ್ ಮಾಡಿರುವ ಜಗ್ಗೇಶ್ ಮಗನಿಗೆ ಒಳಗಾಯಗಳು ಆಗಿವೆ. ಪಕ್ಕೆಯ ಮೂಳೆ, ಬಲತೊಡೆಯ ಲಿಗಮೆಂಟ್‌ಗೆ ಬಲವಾದ ಪೆಟ್ಟು ಬಿದ್ದಿದ್ದು ಚಿಕಿತ್ಸೆ ನಡೆಯುತ್ತಿದೆ ಎಂದಿದ್ದಾರೆ.