Rashmika Mandanna: ರಶ್ಮಿಕಾ ಮಂದಣ್ಣ ಯಾವಾಗಲೂ ಹೀಗೆ ಕೈ ಸನ್ನೆ ಮಾಡುವುದೇಕೆ? ಇದರ ಅರ್ಥವೇನು?

ರಶ್ಮಿಕಾ ಕೈ ಸನ್ನೆ ಹಿಂದಿನ ರಹಸ್ಯವೇನು?

ಏರ್‌ಪೋರ್ಟ್‌ನಲ್ಲಿ, ಪ್ರಚಾರದ ಸಂದರ್ಭದಲ್ಲಿ, ಪ್ರೆಸ್‌ ಮೀಟ್‌ಗಳಲ್ಲಿ ರಶ್ಮಿಕಾ ಮಂದಣ್ಣ ಕ್ಯಾಮರಾ ಮುಂದೆ ವಿಭಿನ್ನವಾಗಿ ಪೋಸ್ ಕೊಡುತ್ತಾರೆ. ಕೆಲವರು 'ಥಮ್ಸ್ ಅಪ್' ಮಾಡುತ್ತಾರೆ. ಇಲ್ಲಿ 'ವಿಕ್ಟರಿ' ಸಿಂಬಲ್ ತೋರಿಸುತ್ತಾರೆ. ಆದರೆ, ರಶ್ಮಿಕಾ ಮಾತ್ರ ಹೆಬ್ಬೆರಳು ಹಾಗೂ ತೋರು ಬೆರಳನ್ನು ಸೇರಿಸಿ ವಿಶಿಷ್ಟವಾದ ಸಿಂಬಲ್ ಮೂಲಕ ತೋರಿಸುತ್ತಾರೆ. ಇದು ಹಲವು ದಿನಗಳಿಂದ ಚರ್ಚೆಯಲ್ಲಿದೆ. ಅಸಲಿಗೆ ರಶ್ಮಿಕಾ ಯಾಕೆ ಹೀಗೆ ಕೈ ಸನ್ನೆ ತೋರಿಸುತ್ತಾರೆ? ಅನ್ನುವ ಪ್ರಶ್ನೆ ಎಲ್ಲರನ್ನೂ ಕಾಡುತ್ತಲೇ ಇರುತ್ತೆ. ರಶ್ಮಿಕಾ ತೋರಿಸುವ ಕೈ ಸನ್ನೆಯ ಅರ್ಥ ' ಐ ಲವ್ ಯೂ'. ಈ ಸನ್ನೆಯನ್ನು ' ಐ ಪರ್ಪಲ್‌ ಯೂ' ಅಂತನೂ ಹೇಳುತ್ತಾರೆ. ಇದರ ಅರ್ಥ " ನಾನು ನಿಮ್ಮನ್ನು ಬಹಳ ದಿನಗಳಿಂದ ನಂಬುತ್ತಿದ್ದು, ನಿಮ್ಮನ್ನು ಪ್ರೀತಿಸುತ್ತೇನೆ." ಎಂಬುದಾಗಿದೆ.

BTS ಬ್ಯಾಂಡ್ ಫಾಲೋ ಮಾಡ್ತಾರಾ?

ಈ ಸನ್ನೆಯನ್ನು 2016ರಲ್ಲಿ ದಕ್ಷಿಣ ಕೊರಿಯಾದ ಮ್ಯೂಸಿಕ್ ಬ್ಯಾಂಡ್ BTS ತಂಡದ ಗಾಯಕ ಟೇಹ್ಯುಂಗ್ ಅವ್ರಿಂದ ಫೇಮಸ್ ಆಗಿದೆ. ಅಲ್ಲಿಂದ ಈ ಕೈ ಸನ್ನೆ ವಿಶ್ವದೆಲ್ಲೆಡೆ ಫೇಮಸ್ ಆಗುತ್ತಿದೆ. ಇದನ್ನೇ ರಶ್ಮಿಕಾ ಮಂದಣ್ಣ ಕೂಡ ಅನುಸರಿಸುತ್ತಿದ್ದಾರೆ. ರಶ್ಮಿಕಾಗೆ ದಕ್ಷಿಣ ಕೊರಿಯಾದ BTS ಬ್ಯಾಂಡ್ ಅಂದರೆ, ತುಂಬಾನೇ ಇಷ್ಟ. BTS ಬ್ಯಾಂಡ್‌ನ ಗಾಯಕರನ್ನು ಸದಾ ಫಾಲೋ ಮಾಡುವುದಾಗಿ ರಶ್ಮಿಕಾ ಹೇಳಿಕೊಂಡಿದ್ದರು. ಸೋಶಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳು ಕೇಳಿದ ಪ್ರಶ್ನೆಗೆ ರಶ್ಮಿಕಾ, BTS ಬ್ಯಾಂಡ್‌ ಬಗ್ಗೆ ಮಾತಾಡಿದ್ದರು. "ನಾನು BTS ಬ್ಯಾಂಡ್‌ನ ಅಭಿಮಾನಿ. ನಾನು ಕೇವಲ ಪೋಸ್ಟ್ ಮಾಡುವುದಿಲ್ಲ. ನಾನು ಅವರ ಹಾಡುಗಳನ್ನು ಕೇಳುತ್ತೇನೆ. ಡ್ಯಾನ್ಸ್ ಮಾಡುತ್ತೇನೆ." ಎಂದು ಹೇಳಿದ್ದರು.

BTS ಬ್ಯಾಂಡ್ ಹಿನ್ನೆಲೆ ಏನು?

2013ರಲ್ಲಿ ದಕ್ಷಿಣ ಕೊರಿಯಾದ ಯುವ ಸಂಗೀತಕಾರರ ತಂಡ ಬಿಟಿಎಸ್‌ ಬ್ಯಾಂಡ್ ಅನ್ನು ಕಟ್ಟಿಕೊಂಡಿತ್ತು. ಇಲ್ಲಿಂದ ಈ ತಂಡ ಹಲವು ಮ್ಯೂಸಿಕ್ ಬ್ಯಾಂಡ್‌ಗಳನ್ನು ಪ್ರಡ್ಯೂಸ್ ಮಾಡಿದೆ. 'ನೋ ಮೋರ್ ಡ್ರೀಮ್' ನಿಂದ ಶುರುವಾಗಿದ್ದ ಇವರ ಜರ್ನಿ ಇತ್ತೀಚೆಗೆ ಬಿಡುಗಡೆಯಾದ 'ಡೈನಮೈಟ್' ಅಲ್ಬಂವರೆಗೂ ಸಾಗಿ ಬಂದಿದೆ. ಈ ತಂಡ ಹಲವು ರೆಕಾರ್ಡ್ ಬ್ರೇಕಿಂಗ್ ಮ್ಯೂಸಿಕ್ ಅಲ್ಬಂಗಳನ್ನು ನೀಡಿದೆ. ಇವರ ಸಾಂಗ್ ಹಾಗೂ ಡ್ಯಾನ್ಸ್‌ಗೆ ವಿಶ್ವದಾದ್ಯಂತ ಅಭಿಮಾನಿಗಳಿದ್ದಾರೆ. ಇವರಲ್ಲಿ ರಶ್ಮಿಕಾ ಮಂದಣ್ಣ ಕೂಡ ಒಬ್ಬರು.

ಬಾಲಿವುಡ್‌ನಲ್ಲಿ ರಶ್ಮಿಕಾ ಬ್ಯುಸಿ

ರಶ್ಮಿಕಾ ಮಂದಣ್ಣ ಬಾಲಿವುಡ್‌ನಲ್ಲಿ ಸೆಟಲ್ ಆಗಿದ್ದಾರೆ. ಈಗಾಗಾಗಲೇ 'ಮಿಷನ್ ಮಜ್ನು' ಹಾಗೂ 'ಗುಡ್ ಬೈ' ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇದರ ಜೊತೆನೇ ರಣ್‌ಬೀರ್ ಕಪೂರ್ ಜೊತೆ ಮತ್ತೊಂದು ಸಿನಿಮಾಗೂ ಆಯ್ಕೆಯಾಗಿದ್ದಾರೆ. ಈ ಮೂಲಕ ಮೂರನೇ ಸಿನಿಮಾಗೆ ಸಹಿ ಮಾಡಿದ್ದು, ರಶ್ಮಿಕಾ ಮಂದಣ್ಣ ಬಹುತೇಕ ಬಾಲಿವುಡ್‌ನಲ್ಲೇ ಬ್ಯುಸಿಯಾಗಿದ್ದಾರೆ.