'ವಿಕ್ರಾಂತ್ ರೋಣ' ತಂಡದ NFT ಮೆಂಬರ್‌ಶಿಪ್: ವಿಶ್ವದಲ್ಲಿ ಇದೇ ಮೊದಲು!

NFT ಆಗಿ ಪ್ರೀಮಿಯರ್ ಟಿಕೆಟ್

'ವಿಕ್ರಾಂತ್ ರೋಣ' ಸಿನಿಮಾದ NFT ಪ್ರೀಮಿಯರ್ ಟಿಕೆಟ್ ಹಾಗೂ ಮೆಂಬರ್‌ಶಿಪ್ ನೀಡಲು ಚಾಲನೆ ನೀಡಿದೆ. ಸಿಲ್ವರ್, ಗೋಲ್ಡ್, ಪ್ಲಾಟಿನಂ ಹಾಗೂ ಡೈಮಂಡ್ NFT ಮೆಂಬರ್‌ಶಿಪ್‌ಗಳಿಗೆ ಚಾಲನೆ ನೀಡಲಾಗಿದೆ. ಈ ಮೂಲಕ ಅಭಿಮಾನಿಗಳಿಗೆ ಪ್ರೀಮಿಯರ್ ವೇಳೆ ರೆಡ್-ಕಾರ್ಪೆಟ್‌ ಎಂಟ್ರಿ, ಸಿನಿಮಾದ NFT ಲೋಗೊ, ವಿಶೇಷವಾದ ಪಾರ್ಟಿ ಆಹ್ವಾನ, ಸಿನಿಮಾದ ನಟರೊಂದಿಗೆ ಫೋಟೊ ತೆಗೆದುಕೊಳ್ಳುವುದಕ್ಕೆ ಅವಕಾಶ ಹಾಗೂ ತಾರೆಯರೊಂದಿಗೆ ನೇರ ಮಾತುಕತೆಗೆ ಅವಕಾಶ ನೀಡಲಾಗಿದೆ.

NFT ಬಗ್ಗೆ ಏನಂತಾರೆ ಸುದೀಪ್?

"ವಿಕ್ರಾಂತ್ ರೋಣ ದೊಡ್ಡ ಸಿನಿಮಾ. ನಾವು ಯಾವಾಗಲೂ ದೊಡ್ಡದಾಗಿಯೇ ಪ್ಯಾನ್ ಮಾಡಿದ್ದೆವು. ಈ ಸಿನಿಮಾಗೆ ವಿಶ್ವದ ಮೊದಲ NFT ಪ್ರೀಮಿಯರ್ ಸದಸ್ಯತ್ವ ನೀಡಿರುವುದು ಅಭಿಮಾನಿಗಳೊಂದಿಗೆ ಹೊಸ ರೀತಿಯ ಸಂವಹನ ಹಾಗೂ ಯಾವಾಗಲೂ ಎಂಗೇಜ್ ಆಗಲು ಅನುಕೂಲವಾಗಿದೆ. ಈ ಅನುಭವವನ್ನು ಅಭಿಮಾನಿಗಳು ಹೆಚ್ಚು ಸಮಯ ನೆನಪಿನಲ್ಲಿ ಇಟ್ಟಿಕೊಳ್ಳಬೇಕು ಎಂಬುವುದು ನನ್ನ ಬಯಕೆ. ಬ್ಲಾಕ್ ಟಿಕೆಟ್ಸ್ ಜೊತೆ ವಿಶ್ವದಲ್ಲಿ ಇದೇ ಮೊದಲ ಬಾರಿಗೆ ಸೇರಿಕೊಂಡಿದ್ದು ಖುಷಿ ಕೊಟ್ಟಿದೆ." ಎಂದು ಕಿಚ್ಚ ಸುದೀಪ್ ಹೇಳಿದ್ದಾರೆ.

ಸುದೀಪ್ ಪತ್ನಿ ಪ್ರಿಯಾ ಹೇಳಿದ್ದೇನು?

NFT ಮೆಂಬರ್‌ಶಿಪ್ ಬಿಡುಗಡೆ ಮಾಡುವ ವೇಳೆ ಪ್ರಿಯಾ ಸುದೀಪ್ ಕೂಡ ಭಾಗಿಯಾಗಿದ್ದರು. ಈ ವೇಳೆ "ಸಾಂಕ್ರಾಮಿಕವು ಮನರಂಜನೆಯ ಉದ್ಯಮಕ್ಕೆ ಹಾಗೂ ವಹಿವಾಟಿಗೆ ಬಹಳ ಕಷ್ಟಕರ ಎನಿಸಿತ್ತು. ಉದ್ಯಮವು ಮತ್ತೆ ಯಥಾಸ್ಥಿತಿಗೆ ಮರಳುತ್ತಿರುವಾಗ ಎನ್.ಎಫ್.ಟಿ ಟಿಕೆಟಿಂಗ್ ಅಭಿಮಾನಿಗಳನ್ನು ಆಕ್ಟಿವ್ ಮಾಡಿದೆ. ಮೆಟಾವರ್ಸ್ ಮತ್ತು ಎನ್.ಎಫ್.ಟಿಗಳ ಜಗತ್ತನ್ನು ಮತ್ತಷ್ಟು ಆವಿಷ್ಕಾರ ಮಾಡಲು ಖುಷಿಯಾಗಿದೆ." ಎಂದು ಪ್ರಿಯಾ ಸುದೀಪ್ ಹೇಳಿದ್ದಾರೆ.

Recommended Video

Vikrantrona | ರಕ್ಕಮ್ಮ ಐಟಂ ಸಾಂಗ್ ಅಲ್ಲ ಸಾಂಗ್ ಅಷ್ಟೇ | Filmibeat Kannada

'ವಿಕ್ರಾಂತ್ ರೋಣ' ಬಿಡುಗಡೆಗೆ ಕ್ಷಣಗಣನೆ

ಕಿಚ್ಚ ಸುದೀಪ್ ಅಭಿನಯದ 'ವಿಕ್ರಾಂತ್ ರೋಣ' ಇದೇ ಜುಲೈ 28ಕ್ಕೆ ಗ್ರ್ಯಾಂಡ್ ಆಗಿ ಬಿಡುಗಡೆಯಾಗಲಿದೆ. ಕನ್ನಡ ಸೇರಿದಂತೆ, ತೆಲುಗು, ತಮಿಳು, ಮಲಯಾಳಂ, ಹಿಂದಿ ಹಾಗೂ ಇಂಗ್ಲಿಷ್ ಭಾಷೆಯಲ್ಲಿ ಈ ಸಿನಿಮಾ ಬಿಡುಗಡೆಯಾಗುತ್ತಿದೆ. ಹೀಗಾಗಿ ಈಗಾಗಲೇ ಸಿನಿಮಾದ ಭರ್ಜರಿ ಪ್ರಚಾರ ಆರಂಭ ಆಗಿದ್ದು, 'ವಿಕ್ರಾಂತ್ ರೋಣ' ಈಗ NFT ಪ್ರಪಂಚಕ್ಕೆ ಕಾಲಿಟ್ಟಿದೆ.