ದರ್ಶನ್ ಮುಂದೆ ಶರಣಾದ ಕಣ್ಸೆನ್ನೆಯ ಬೆಡಗಿ ಪ್ರಿಯಾ ಪ್ರಕಾಶ್ ವಾರಿಯರ್

No 1 ಸ್ಥಾನಕ್ಕೆ ಬಂದ ದರ್ಶನ್

ಕಳೆದ ಮೂರ್ನಾಲ್ಕು ದಿನಗಳಿಂದ ಯೂಟ್ಯೂಬ್ ನಲ್ಲಿ ಮೊದಲ ಸ್ಥಾನದಲ್ಲಿ ಪ್ರಿಯಾ ಪ್ರಕಾಶ್ ವಾರಿಯರ್ ಈಗ ದರ್ಶನ್ ಮುಂದೆ ಶರಣಾಗಿದ್ದಾರೆ. ದರ್ಶನ್ ಅಭಿನಯದ ಹೊಸ ಚಿತ್ರದ ಟೀಸರ್ ಈಗ ಮೊದಲ ಸ್ಥಾನದಲ್ಲಿದೆ.

ಯೂಟ್ಯೂಬ್ ನಲ್ಲಿ 'ಯಜಮಾನ'ನ ಹವಾ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ 51ನೇ ಸಿನಿಮಾ 'ಯಜಮಾನ' ಚಿತ್ರದ ಟೈಟಲ್ ಟೀಸರ್ ನಿನ್ನೆ ಡಿ ಬಾಸ್ ಹುಟ್ಟುಹಬ್ಬದ ಪ್ರಯುಕ್ತ ಬಿಡುಗಡೆಯಾಗಿತ್ತು. ಈ ಟೀಸರ್ ಈಗ ಯೂಟ್ಯೂಬ್ ಟ್ರೆಂಡಿಂಗ್ ನಲ್ಲಿ ನಂಬರ್ ವನ್ ಸ್ಥಾನದಲ್ಲಿದೆ.

5ನೇ ಸ್ಥಾನಕ್ಕೆ ಜಿಗಿದ ಪ್ರಿಯಾ ಟೀಸರ್

ಪ್ರಿಯಾ ಪ್ರಕಾಶ್ ವಾರಿಯರ್ ಅಭಿನಯದ ಚೊಚ್ಚಲ ಮಲಯಾಳಂ ಸಿನಿಮಾ 'ಒರು ಅದಾರ್ ಲವ್' ಟೀಸರ್ ಪ್ರೇಮಿಗಳ ದಿನದ ಪ್ರಯುಕ್ತ ಬಿಡುಗಡೆಯಾಗಿತ್ತು. ಮೂರ್ನಾಲ್ಕು ದಿನ ನಂಬರ್ ವನ್ ಟ್ರೆಂಡಿಂಗ್ ನಲ್ಲಿತ್ತು. ಇದೀಗ, 'ಯಜಮಾನ' ಟೀಸರ್ ಅಬ್ಬರ ಮಧ್ಯೆ 5ನೇ ಸ್ಥಾನಕ್ಕೆ ಜಿಗಿದಿದೆ.

2 ಲಕ್ಷ ವೀಕ್ಷಕರು

'ಯಜಮಾನ' ಚಿತ್ರದ ಟೈಟಲ್ ಟೀಸರ್ ಗೆ ಡಿ ಬಾಸ್ ಭಕ್ತರು ಫಿದಾ ಆಗಿದ್ದು, ಸುಮಾರು 2 ಲಕ್ಷ ವೀಕ್ಷಕರನ್ನ ಈ ಟೀಸರ್ ಹೊಂದಿದೆ. ಪಿ ಕುಮಾರ್ ಈ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದು, ಶೈಲಜಾ ನಾಗ್ ನಿರ್ಮಾಣ ಮಾಡುತ್ತಿದ್ದಾರೆ. ರಶ್ಮಿಕಾ ಮಂದಣ್ಣ ನಾಯಕಿಯಾಗಿದ್ದು, ಧನಂಜಯ್, ರವಿಶಂಕರ್, ಠಾಕೂರ್ ಅನೂಪ್ ಸಿಂಗ್ ಮೂರು ಜನ ಖಳನಾಯಕರು ಈ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.