ಯಶ್ ಒಬ್ಬ ಅದ್ಭುತ ವ್ಯಕ್ತಿ ಎಂದು ಹೊಗಳಿದ ಬಾಲಿವುಡ್ ತಾರೆ ರವೀನಾ ಟಂಡನ್

ಯಶ್ ಅದ್ಭುತ ವ್ಯಕ್ತಿ

'ಯಶ್ ಒಬ್ಬ ಅದ್ಭುತ ವ್ಯಕ್ತಿ. ಅವರು ಸೆಟ್‌ನಲ್ಲಿ ಪ್ರತಿಯೊಬ್ಬರೊಂದಿಗೂ ಬಹಳ ಆತ್ಮೀಯವಾಗಿ ವರ್ತಿಸುತ್ತಾರೆ. ಅವರೊಂದಿಗೆ ನಟಿಸಿದ್ದು ಬಹಳ ವಿಶಿಷ್ಟ ಅನುಭವ ನೀಡಿದೆ. ಇಡೀ ಚಿತ್ರತಂಡ ಹಿತಕರ ಅನುಭವ ನೀಡಿತು' ರವೀನಾ ಮೆಚ್ಚಿಕೊಂಡಿದ್ದಾರೆ.

ನನ್ನ ಶೂಟಿಂಗ್ ಬೇಗನೆ ಮುಗಿಯಿತು

'ಅದೃಷ್ಟವಶಾತ್ ಕೆಜಿಎಫ್ ಚಿತ್ರದಲ್ಲಿನ ನನ್ನ ಭಾಗದ ಚಿತ್ರೀಕರಣವು ಕೊರೊನಾ ವೈರಸ್ ಸಂಕಷ್ಟ ಎದುರಾಗುವ ಹಾಗೂ ಲಾಕ್‌ಡೌನ್‌ಗೂ ಮುನ್ನ ಫೆಬ್ರವರಿಯಲ್ಲಿಯೇ ಮುಗಿದು ಹೋಯಿತು. ನಾವು ಸಿನಿಮಾ ಚಿತ್ರೀಕರಣವನ್ನು ಮುಗಿಸಿದ್ದೇವೆ' ಎಂದು ರವೀನಾ, ಬೇಗನೆ ಚಿತ್ರೀಕರಣ ಮುಗಿಸಿದ ಖುಷಿಯನ್ನು ಹಂಚಿಕೊಂಡಿದ್ದಾರೆ.

ಚಿತ್ರದಲ್ಲಿ ಬಹಳ ಸಸ್ಪೆನ್ಸ್ ಇದೆ

'ಕೆಜಿಎಫ್ 2' ಚಿತ್ರೀಕರಣ ಚೆನ್ನಾಗಿತ್ತು. ನನ್ನ ಪಾತ್ರ ತುಂಬಾ ವಿಭಿನ್ನವಾಗಿದೆ. ಅದು ಗ್ರೇ ಶೇಡ್ (ನೆಗೆಟಿವ್) ಹೊಂದಿದೆ. ಚಿತ್ರದಲ್ಲಿ ಬಹಳಷ್ಟು ಸಸ್ಪೆನ್ಸ್‌ಗಳಿವೆ. ನಾನು ಅದನ್ನು ನಿಭಾಯಿಸಬಲ್ಲೆನೆ ಎಂಬುದೇ ನನಗೆ ಖಾತರಿ ಇರಲಿಲ್ಲ. ಆದರೆ ಅದು ನಿಜಕ್ಕೂ ವಿಸ್ಮಯಕಾರಿ ಹಾಗೂ ಖುಷಿ ಕೊಡುವ ಪಾತ್ರವಾಗಿತ್ತು' ಎಂದಿದ್ದಾರೆ.

ಅಕ್ಟೋಬರ್‌ನಲ್ಲಿ ಸಿನಿಮಾ ಬಿಡುಗಡೆ

ತಮ್ಮ ಪಾತ್ರಕ್ಕೆ ನೆಗೆಟಿವ್ ಛಾಯೆ ಇದೆ ಎಂದರೂ ರವೀನಾ ತಮ್ಮ ಪಾತ್ರದ ಕುರಿತಾದ ಇತರೆ ಮಾಹಿತಿಯನ್ನು ಹಂಚಿಕೊಂಡಿಲ್ಲ. ಅವರು ಚಿತ್ರದಲ್ಲಿ ಪ್ರಧಾನಿ ರಮಿಕಾ ಸೇನ್ ಎಂಬ ಹೆಸರಿನಲ್ಲಿ ನಟಿಸಿದ್ದಾರೆ ಎನ್ನಲಾಗಿದೆ. ಬಹು ನಿರೀಕ್ಷೆಯ ಕೆಜಿಎಫ್ 2 ಅಕ್ಟೋಬರ್ 23ಕ್ಕೆ ತೆರೆ ಕಾಣಲಿದೆ ಎಂದು ಚಿತ್ರತಂಡ ತಿಳಿಸಿದೆ.