40ನೇ ದಿನವೂ ಜಗ್ಗಲಿಲ್ಲ 'ಕೆಜಿಎಫ್ 2' ಕಲೆಕ್ಷನ್: 'ಭೂಲ್ ಭೂಲಯ್ಯ 2' ಲೆಕ್ಕಕ್ಕಿಲ್ಲ!

'ಕೆಜಿಎಫ್ 2' 40ನೇ ದಿನದ ಗಳಿಕೆ ಎಷ್ಟು?

'ಕೆಜಿಎಫ್ 2' ಸಿನಿಮಾ ವಿಶ್ವದಲ್ಲಿ ಎಲ್ಲೆಲ್ಲಿ ರಿಲೀಸ್ ಆಗಿದೆಯೋ ಅಲ್ಲೆಲ್ಲಾ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ. 40ನೇ ದಿನವೂ ಅಚ್ಚರಿಯ ಗಳಿಕೆಯನ್ನೇ ಕಂಡಿದೆ. ಯಾವುದೇ ಸಿನಿಮಾ ಬಿಡುಗಡೆಯಾದ ಎರಡು ವಾರಗಳಲ್ಲಿ ತನ್ನ ಆಟವನ್ನು ನಿಧಾನವಾಗಿ ಮುಗಿಸಿಬಿಡುತ್ತೆ. ಆದರೆ, 'ಕೆಜಿಎಫ್ 2' 40ನೇ ದಿನವೂ ಸುಮಾರು ₹ 4.68 ಕೋಟಿ ಕಲೆಕ್ಷನ್ ಮಾಡಿದೆ. 39ನೇ ದಿನಕ್ಕೆ ಹೋಲಿಸಿದರೆ, 'ಕೆಜಿಎಫ್ 2' ಕಲೆಕ್ಷನ್‌ನಲ್ಲಿ ಮತ್ತೆ ಏರಿಕೆ ಯಾಗಿದೆ. ವಿಶೇಷ ಅಂದ್ರೆ, 40ನೇ ದಿನಕ್ಕೆ ಸುಮಾರು 64 ಲಕ್ಷ ಏರಿಕೆಯಾಗಿದೆ.

'ಕೆಜಿಎಫ್ 2' 40 ದಿನಗಳ ಗಳಿಕೆ ಎಷ್ಟು?

ಕನ್ನಡದ ಪ್ಯಾನ್ ಇಂಡಿಯಾ ಸಿನಿಮಾ ಸಿನಿಮಾ 40 ದಿನಗಳ ಬಾಕ್ಸಾಫೀಸ್‌ ಜರ್ನಿಯನ್ನು ನೋಡುವುದಕ್ಕೆ ಖುಷಿ. ಕನ್ನಡ ಸಿನಿಮಾವೊಂದು ವಿಶ್ವ ಮಟ್ಟದ ಬಾಕ್ಸಾಫೀಸ್‌ನಲ್ಲಿ ಇಷ್ಟೆಲ್ಲಾ ಮೋಡಿ ಮಾಡಿದ್ದು ನಿಜಕ್ಕೂ ಖುಷಿ ಸಂಗತಿಯೇ. ಈ 40 ದಿನಗಳಲ್ಲಿ 'ಕೆಜಿಎಫ್ 2' ಸಿನಿಮಾದ ಗಳಿಕೆ ₹1225.81 ಕೋಟಿಗೆ ಏರಿಕೆಯಾಗಿದೆ.

'ಕೆಜಿಎಫ್ 2' ವಿಶ್ವದಾದ್ಯಂತ ಕಲೆಕ್ಷನ್ ರಿಪೋರ್ಟ್

1 ರಿಂದ 5ನೇ ವಾರದ ಗಳಿಕೆ ₹ 1210.53 ಕೋಟಿ
6ನೇ ವಾರ ಮೊದಲ ದಿನ ₹ 3.10 ಕೋಟಿ
ಎರಡನೇ ದಿನ ₹ 3.48 ಕೋಟಿ
ಮೂರನೇ ದಿನ ₹ 4.02 ಕೋಟಿ
ನಾಲ್ಕನೇ ದಿನ ₹ 4.68 ಕೋಟಿ

ಒಟ್ಟು ₹ 1221.13 ಕೋಟಿ

'ಬಾಹುಬಲಿ', 'ದಂಗಲ್' ದಾಖಲೆ ಬ್ರೇಕ್ ಆಗುತ್ತಾ?

'ಕೆಜಿಎಫ್ 2' ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಇನ್ನೂ ದರ್ಬಾರ್ ಮುಂದುವರೆಸಿದೆ. ಆದರೆ, ವಾರದಿಂದ ವಾರಕ್ಕೆ ಥಿಯೇಟರ್ ಸಂಖ್ಯೆ ಕಡಿಮೆಯಾಗುತ್ತಿದೆ. ಹಾಗೇ ಕಲೆಕ್ಷನ್ ಕೂಡ ಸಣ್ಣ ಪ್ರಮಾಣದಲ್ಲಿ ಕುಸಿಯುತ್ತಿದೆ. ಹೀಗಾಗಿ 'ಬಾಹುಬಲಿ 2' ಗಳಿಸಿದ 1810 ಕೋಟಿಯನ್ನು ಮೀರಿ ಗಳಿಸುತ್ತಾ? ಆಮಿರ್ ಖಾನ್ ನಟಿಸಿದ 'ದಂಗಲ್' ಸಿನಿಮಾದ ಗಳಿಸಿದ 2024 ಕೋಟಿಯನ್ನು ಲೂಟಿ ಮೀರಿ ಗಳಿಸುತ್ತಾ? ಈ ಪ್ರಶ್ನೆಗೆ ಇನ್ನೂ ಉತ್ತರ ಸಿಗುತ್ತಿಲ್ಲ. ಯಾಕೆಂದರೆ, ಈ ಎರಡೂ ಸಿನಿಮಾಗಳಿಗಿಂತಲೂ 'ಕೆಜಿಎಫ್ 2' ತುಂಬಾನೇ ಹಿಂದಿದ್ದರೂ, ಪ್ರತಿದಿನ 3 ರಿಂದ 4 ಕೋಟಿ ಕಲೆಹಾಕುತ್ತಿದೆ. ಹೀಗಾಗಿ ಇನ್ನೂ 'ಕೆಜಿಎಫ್ 2' ಭಾರತದ ನಂಬರ್ 1 ಸಿನಿಮಾ ಆಗುತ್ತೆ ಅನ್ನುವ ಅನುಮಾನ ಮಾತ್ರ ಕಮ್ಮಿಯಾಗಿಲ್ಲ.

'ಭೂಲ್ ಭುಲಯ್ಯ 2' ಬಲು ಜೋರು

'ಭೂಲ್ ಭುಲಯ್ಯ 2' ಬಾಲಿವುಡ್‌ಗೆ ಹೊಸ ಹುರುಪು ತಂದು ಕೊಟ್ಟಿದೆ. ಸಿನಿಮಾ ಬಿಡುಗಡೆಯಾದಲ್ಲಿಂದ ಅದ್ಭುತ ಅಂತ ಅನಿಸದೆ ಹೋದರೂ, ಬಾಕ್ಸಾಫೀಸ್‌ನಲ್ಲಿ ಕಲೆಕ್ಷನ್ ಉತ್ತಮವಾಗಿದೆ. ವೀಕೆಂಡ್‌ನಲ್ಲಿ 50 ಕೋಟಿ ಕ್ಲಬ್ ಸೇರಿದ್ದ 'ಭೂಲ್ ಭುಲಯ್ಯ 2' ಸೋಮವಾರದ ಪರೀಕ್ಷೆಯಲ್ಲೂ ಗೆದ್ದಿದೆ. ಸೋಮವಾರ (ಮೇ 23) 'ಭೂಲ್ ಭುಲಯ್ಯ 2' 10 ಕೋಟಿಗೂ ಅಧಿಕ ಗಳಿಕೆ ಕಂಡಿದೆ. ಆದರೆ, 'ಕೆಜಿಎಫ್ 2' ಗಳಿಕೆ ಮುಂದೆ ಹತ್ತಿರಕ್ಕೂ ಬಂದಿಲ್ಲ.