41 ದಿನದಲ್ಲಿ ಇಷ್ಟೊಂದು ಇಳಿಕೆ ಕಂಡೇ ಇಲ್ಲ: 'ಕೆಜಿಎಫ್ 2' ಕಲೆಕ್ಷನ್ ಡ್ರಾಪ್ ಆಗಿದ್ದೇಕೆ?

41ನೇ ದಿನ ಡ್ರಾಪ್ ಬಾಕ್ಸಾಫೀಸ್‌ನಲ್ಲಿ ಇಳಿಕೆ

ಕನ್ನಡ ಚಿತ್ರರಂಗವನ್ನು ವಿಶ್ವ ಮಟ್ಟದಲ್ಲಿ ಗುರುತಿಸುವಂತೆ ಮಾಡಿದ್ದು 'ಕೆಜಿಎಫ್ 2'. ಸಿನಿಮಾ ಬಿಡುಗಡೆಯಾದಲ್ಲಿಂದ 40ನೇ ದಿನದವರೆಗೂ 'ಕೆಜಿಎಫ್ 2' ಎದುರು ನಿಲ್ಲುವುದಕ್ಕೆ ಸಾಧ್ಯವಾಗಿರಲಿಲ್ಲ. ಆದರೆ, 41ನೇ ದಿನ 'ಕೆಜಿಎಫ್ 2' ಗಳಿಕೆಯಲ್ಲಿ ಅರ್ಧಕ್ಕೆ ಅರ್ಧ ಇಳಿಕೆ ಕಂಡಿದೆ. 41ನೇ ದಿನ ವಿಶ್ವದಾದ್ಯಂತ ಗಳಿಕೆ ಕೇವಲ ₹1.87 ಕೋಟಿ ಆಗಿದೆ. ಇಷ್ಟು ಕಡಿಮೆ ಕಲೆಕ್ಷನ್ ಕಳೆದ 40 ದಿನಗಳಲ್ಲೂ ಆಗಿರಲಿಲ್ಲ. ಈ ಕಾರಣಕ್ಕೆ ಇನ್ನೆರಡು ದಾಖಲೆಗಳ ಬಗ್ಗೆ ಅಭಿಮಾನಿಗಳಿಗೆ ಚಿಂತೆ ಕಾಡುತ್ತಿದೆ.

'ಕೆಜಿಎಫ್ 2' 41 ದಿನಗಳ ಕಲೆಕ್ಷನ್ ರಿಪೋರ್ಟ್

'ಕೆಜಿಎಫ್ 2'ಗೆ ದಾಖಲೆಗಳೇನು ಹೊಸದಲ್ಲ. ಪ್ರತಿ ದಿನವೂ ಒಂದಲ್ಲ ಒಂದು ದಾಖಲೆಗಳನ್ನು ಮಾಡುತ್ತಲೇ ಇದೆ. ಕಳೆದ 40 ದಿನಗಳಲ್ಲೂ 'ಕೆಜಿಎಫ್ 2' ಕಲೆಕ್ಷನ್ ಆಯಾ ದಿನಕ್ಕೆ ತಕ್ಕಂತೆ ಇತ್ತು. 41ನೇ ದಿನ ಕೊಂಚ ಇಳಿಕೆ ಕಂಡಿದ್ದರೂ, ಮುಂದಿನ ದಿನಗಳಲ್ಲಿ ಹೆಚ್ಚಾಗುವ ನಿರೀಕ್ಷೆಯಿದೆ. ಈ 41 ದಿನಗಳಲ್ಲಿ 'ಕೆಜಿಎಫ್ 2' ಕಲೆಕ್ಷನ್ ₹1227.68 ಕೋಟಿ ಆಗಿದೆ. ಮನೋಬಲಾ ವಿಜಯಬಾಲನ್ ಪ್ರಕಾರ, 'ಕೆಜಿಎಫ್ 2' ಕಲೆಕ್ಷನ್ ರಿಪೋರ್ಟ್ ಹೀಗಿದೆ.

'ಕೆಜಿಎಫ್ 2' ವಿಶ್ವದಾದ್ಯಂತ ಕಲೆಕ್ಷನ್ ರಿಪೋರ್ಟ್

1 ರಿಂದ 5ನೇ ವಾರದ ಗಳಿಕೆ ₹ 1210.53 ಕೋಟಿ
6ನೇ ವಾರ ಮೊದಲ ದಿನ ₹ 3.10 ಕೋಟಿ
ಎರಡನೇ ದಿನ ₹ 3.48 ಕೋಟಿ
ಮೂರನೇ ದಿನ ₹ 4.02 ಕೋಟಿ
ನಾಲ್ಕನೇ ದಿನ ₹ 4.68 ಕೋಟಿ
ಐದನೇ ದಿನ ₹ 1.87 ಕೋಟಿ

ಒಟ್ಟು ₹ 1227.68 ಕೋಟಿ

'ಕೆಜಿಎಫ್ 2' ಕಲೆಕ್ಷನ್ ಡ್ರಾಫ್ ಆಗಿದ್ದೇಕೆ?

'ಕೆಜಿಎಫ್ 2' ರಿಲೀಸ್ ಎರಡು ವಾರಗಳ ಬಳಿಕ ಥಿಯೇಟರ್‌ಗಳ ಸಂಖ್ಯೆಯಲ್ಲಿ ಗಣನೀಯವಾಗಿ ಇಳಿಕೆಯಾಗಿತ್ತು. ಯಾವುದೇ ಸಿನಿಮಾ ಆದರೂ, ಬಿಡುಗಡೆಯಾಗಿ ಒಂದೊಂದು ವಾರ ಕಳೆಯುತ್ತಿದ್ದಂತೆ ಥಿಯೇಟರ್ ಸಂಖ್ಯೆಯನ್ನು ಕಡಿಮೆ ಮಾಡುತ್ತಾ ಬರುತ್ತೆ. ಹೀಗಾಗಿ ವಾರದಿಂದ ವಾರಕ್ಕೆ ಕಲೆಕ್ಷನ್ ಡ್ರಾಪ್ ಆಗುವುದು ಕಾಮನ್. ಆದರೆ, ಕಳೆದ ಐದು ವಾರದಿಂದ 'ಕೆಜಿಎಫ್ 2' ಆ ಎಲ್ಲಾ ಲೆಕ್ಕವನ್ನೂ ತಲೆಕೆಳಗೆ ಮಾಡಿತ್ತು. ಈಗ ಇನ್ನೊಂದು ವೀಕೆಂಡ್‌ನಲ್ಲಿ ಕಲೆಕ್ಷನ್ ಎಷ್ಟಾಗುತ್ತೆ ಎನ್ನುವುದರ ಮೇಲೆ 'ಕೆಜಿಎಫ್ 2' ಅಂತಿಮವಾಗಿ ಎಷ್ಟು ಕೋಟಿ ಗಳಿಸಬಹುದು ಅಂದಾಜು ಮಾಡಬಹುದು.

'ಭುಲ್ ಭುಲಯ್ಯ 2' ಕಲೆಕ್ಷನ್ ಎಷ್ಟು?

ಕಾರ್ತಿಕ್ ಆರ್ಯನ್ ಹಾಗೂ ಕಿಯಾರಾ ಅಡ್ವಾಣಿ ಅಭಿನಯದ 'ಭುಲ್ ಭೂಲಯ್ಯ 2' ಬಾಕ್ಸಾಫೀಸ್‌ನಲ್ಲಿ ಸೂಪರ್ ಕಲೆಕ್ಷನ್ ಮಾಡಿದೆ. ವೀಕ್ ಡೇಸ್‌ನಲ್ಲೂ ಕಲೆಕ್ಷನ್‌ನಲ್ಲಿ ಹಿಂದೆ ಬಿದ್ದಿಲ್ಲ. ಮೇ 24ರಂದು ಸುಮಾರು ₹ 9.56 ಕೋಟಿ ಗಳಿಸಿದೆ. 'ಕೆಜಿಎಫ್ 2'ಗೆ 41ನೇ ದಿನಕ್ಕೆ ಬಾಲಿವುಡ್ ಸಿನಿಮಾವೊಂದು ಟಕ್ಕರ್ ಕೊಡುತ್ತಿದ್ದು, ಮತ್ತೆ ಯಾವಾಗ ಬೇಕಿದ್ದರೂ ಸಿಡಿದೇಳುವ ಸಾಧ್ಯತೆಯಿದೆ.