12 ನೇ ದಿನವೂ ನಿಲ್ಲದ 'ಕೆಜಿಎಫ್ 2' ನಾಗಾಲೋಟ: 1000 ಕೋಟಿಗೆ ಇನ್ನೆಷ್ಟು ಬೇಕು?

2 ನೇ ಸೋಮವಾರ ' ಕೆಜಿಎಫ್ 2' ಗಳಿಸಿದ್ದೆಷ್ಟು?

'ಕೆಜಿಎಫ್ 2' ಸಿನಿಮಾ ಮೂರನೇ ವಾರಕ್ಕೆ ಕಾಲಿಟ್ಟಿದೆ. 2ನೇ ಸೋಮವಾರ 'ಕೆಜಿಎಫ್ 2' ಸಿನಿಮಾದ ಕಲೆಕ್ಷನ್ ಅಂದುಕೊಂಡಿದ್ದಕ್ಕಿಂತ ಹೆಚ್ಚಾಗಿಯೇ ಇದೆ. ವಿಶ್ವದಾದ್ಯಂತ ಬಾಕ್ಸಾಫೀಸ್ ಕಲೆಕ್ಷನ್‌ನಲ್ಲಿ ಸಿಕ್ಕಾಪಟ್ಟೆ ಡ್ರಾಪ್ ಏನೂ ಆಗಿಲ್ಲ. ಹೀಗಾಗಿ ಕನ್ನಡದ ಪ್ಯಾನ್ ಇಂಡಿಯಾ ಸಿನಿಮಾವೊಂದು 12ನೇ ದಿನವೂ ಬೇಜಾನ್ ಸದ್ದು ಮಾಡುತ್ತಿದ್ದು, 2ನೇ ಸೋಮವಾರ ಬಾಕ್ಸಾಫೀಸ್‌ನಲ್ಲಿ 30 ಕೋಟಿಗೂ ಅಧಿಕ ಗಳಿಕೆಯನ್ನು ದಾಖಲಿಸಿದೆ.

12 ದಿನಗಳ ಒಟ್ಟು ಬಾಕ್ಸಾಫೀಸ್ ಕಲೆಕ್ಷನ್ ಎಷ್ಟು?

ಇಡೀ ವಿಶ್ವದಲ್ಲಿಯೇ ಕ್ರೇಜಿ ಹುಟ್ಟಾಕಿದ 'ಕೆಜಿಎಫ್ 2' ಮೊದಲ ದಿನದಿಂದಲೂ ಕಲೆಕ್ಷನ್ ವಿಚಾರದಲ್ಲಿ ಹಿಂದೆ ಬಿದ್ದಿಲ್ಲ. ಸಿನಿಮಾ ಬಿಡುಗಡೆಯಾಗಿ ಮೂರನೇ ವಾರಕ್ಕೆ ಕಾಲಿಟ್ಟಿದ್ದ ಸಿನಿಮಾ ವಿಶ್ವದ ಮಾರುಕಟ್ಟೆಯಲ್ಲಿ ಇನ್ನೂ ಸದ್ದು ಮಾಡುತ್ತಲೇ ಇದೆ. ಈ 12 ದಿನಗಳಲ್ಲಿ 'ಕೆಜಿಎಫ್ 2' ಸಿನಿಮಾದ ಒಟ್ಟು ಗಳಿಕೆ 930 ಕೋಟಿ ದಾಟಿದೆ. 1 ಸಾವಿರ ಕೋಟಿ ಕ್ಲಬ್ ಸೇರಲು ಇನ್ನು 70 ಕೋಟಿ ಅಷ್ಟೆ ಬಾಕಿ ಉಳಿದಿದೆ.

'KGF 2' 12 ದಿನಗಳ ಬಾಕ್ಸಾಫೀಸ್ ಕಲೆಕ್ಷನ್

1ನೇ ದಿನ Rs 164.20 Cr (ಅಂದಾಜು)
2ನೇ ದಿನ Rs 128.90 Cr (ಅಂದಾಜು)
3ನೇ ದಿನ: Rs 137.10 Cr (ಅಂದಾಜು)
4ನೇ ದಿನ: Rs 127.25 Cr (ಅಂದಾಜು)
5ನೇ ದಿನ: Rs 66.35 Cr (ಅಂದಾಜು)
6ನೇ ದಿನ: Rs 52.35 Cr (ಅಂದಾಜು)
7ನೇ ದಿನ: Rs 43.15 Cr (ಅಂದಾಜು)
8ನೇ ದಿನ: Rs 31.05 Cr (ಅಂದಾಜು)
9ನೇ ದಿನ: Rs 25.05 Cr (ಅಂದಾಜು) (Updated)
10ನೇ ದಿನ: Rs 55.85 Cr (ಅಂದಾಜು) (Updated)
11 ನೇ ದಿನ Rs 69.30 Cr (ಅಂದಾಜು) (Updated)
12ನೇ ದಿನ Rs 30.00 Cr (ಅಂದಾಜು)

ಒಟ್ಟು: Rs 930.55 Cr (ಅಂದಾಜು)

400 ಕೋಟಿ ಕ್ಲಬ್ ಸೇರುತ್ತಾ 'ಕೆಜಿಎಫ್ 2'?

ಬಾಲಿವುಡ್‌ ಬಾಕ್ಸಾಫೀಸ್‌ನಲ್ಲಿ 'ಕೆಜಿಎಫ್ 2' ಮೂರನೇ ವಾರದ ಆರಂಭದಲ್ಲಿ ಶೇ. 30ರಷ್ಟು ಡ್ರಾಪ್ ಆಗಿದೆ. ಹಾಗಿದ್ದರೂ, 'ಕೆಜಿಎಫ್ 2' 12ನೇ ದಿನ 7.25 ಕೋಟಿ ಕಲೆಕ್ಷನ್ ಮಾಡಿದೆ. ಇಷ್ಟು ದಿನಗಳ ಗಳಿಕೆಯನ್ನು ಲೆಕ್ಕ ಹಾಕಿದರೆ, ಬಾಲಿವುಡ್ ಬಾಕ್ಸಾಫೀಸ್‌ನಲ್ಲಿ 12 ದಿನಗಳ ಗಳಿಕೆ 322 ಕೋಟಿ ದಾಟಿದೆ. ಹೀಗಾಗಿ 'ಕೆಜಿಎಫ್ ಚಾಪ್ಟರ್ 2' ಈ ವಾರದ ಅಂತ್ಯದಲ್ಲಿ 400 ಕೋಟಿ ಕ್ಲಬ್ ಸೇರಿತ್ತಾ? ಅನ್ನುವ ಅನುಮಾನ ಕಾಡುತ್ತಿದೆ.

'ಕೆಜಿಎಫ್ 2' ನಾಗಾಲೋಟಕ್ಕೆ 4 ಸಿನಿಮಾ ಟಕ್ಕರ್

ಮೂರು ವಾರ 'ಕೆಜಿಎಫ್ 2' ಎದುರಾಳಿಗಳೇ ಇರಲಿಲ್ಲ. ಬಾಲಿವುಡ್‌ನಲ್ಲಿ 'ಜೆರ್ಸಿ' ಸಿನಿಮಾ ಬಿಡುಗಡೆಯಾಗಿದ್ದರೂ, 'ಕೆಜಿಎಫ್ 2' ಮುಂದೆ ಎದ್ದು ನಿಲ್ಲೋಕೆ ಆಗಲೇ ಇಲ್ಲ. ಆದರೆ, ಮುಂದಿನ ವಾರದಿಂದ ನಾಲ್ಕು ಸಿನಿಮಾಗಳು 'ಕೆಜಿಎಫ್ 2' ಟಕ್ಕರ್ ಕೊಡಲಿದೆ. ಮೆಗಾಸ್ಟಾರ್ ಅಭಿನಯದ 'ಆಚಾರ್ಯ', ಬಾಲಿವುಡ್‌ನಲ್ಲಿ 'ಹೀರೊಪಂತಿ 2', 'ರನ್‌ ವೇ 34' ಹಾಗೂ ಹಾಲಿವುಡ್‌ ಸಿನಿಮಾ 'ಡಾ.ಸ್ಟ್ರೇಂಜ್' ಸಿನಿಮಾ ನೋಡಲು ಅಡ್ವಾನ್ಸ್ ಬುಕಿಂಗ್ ಜೋರಾಗಿ ನಡೆಯುತ್ತಿದೆ. ಈ ಕಾರಣಕ್ಕೆ ಮೂರನೇ ವಾರದ ಕೊನೆಯಲ್ಲಿ 'ಕೆಜಿಎಫ್ 2' ಗಳಿಕೆಯಲ್ಲಿ ಕಡಿಮೆಯಾಗಬಹುದು ಎಂದು ಅಂದಾಜಿಸಲಾಗಿದೆ.