18ನೇ ದಿನ ಆದರೂ ನಿಲ್ಲದ 'ಕೆಜಿಎಫ್ 2' ಓಟ: ಅಜಯ್, ಟೈಗರ್ ಲೆಕ್ಕಕ್ಕಿಲ್ಲ

18 ದಿನಗಳಲ್ಲಿ 'ಕೆಜಿಎಫ್ 2' ಕಲೆಕ್ಷನ್ ಎಷ್ಟು?

ರಾಕಿ ಭಾಯ್ ಹಾಗೂ ಪ್ರಶಾಂತ್ ನೀಲ್ ಚಮತ್ಕಾರ ಇನ್ನೂ ಮುಂದುವರೆದಿದೆ. 'ಕೆಜಿಎಫ್ 2' ಮೂರನೇ ವೀಕೆಂಡ್‌ನಲ್ಲಿ ಬಾಲಿವುಡ್‌ ಸಿನಿಮಾಗಳಿಗೆ ಬೀಟ್ ಮಾಡಲು ಸಾಧ್ಯವಾಗುತ್ತಿಲ್ಲ. ಮೂರನೇ ವಾರದಲ್ಲಿ ಸಾವಿರ ಕೋಟಿ ದಾಟಿರುವ 'ಕೆಜಿಎಫ್ 2', 18ನೇ ದಿನವೂ ಮೋಡಿ ಮಾಡಿದೆ. ಏಪ್ರಿಲ್ 14 ರಿಂದ ಇಲ್ಲಿವರೆಗೂ ಮೂರು ವಾರಗಳ ಕಾಲ 'ಕೆಜಿಎಫ್ 2' ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಬಾಲಿವುಡ್ ಮೂಲಗಳ ಪ್ರಕಾರ, ಇಲ್ಲಿವರೆಗೂ ಸುಮಾರು 1040 ಕೋಟಿ ಕಲೆಕ್ಷನ್ ಮಾಡಿದ ಎನ್ನಲಾಗುತ್ತಿದೆ.

'ಕೆಜಿಎಫ್ 2' ಎಲ್ಲೆಲ್ಲಿ ಎಷ್ಟೆಷ್ಟು ಕಲೆಕ್ಷನ್ ?

'ಕೆಜಿಎಫ್ 2' ಕೆಲಕ್ಷನ್ ಏಟಕ್ಕೆ ಬ್ರೇಕ್ ಹಾಕಲು ಎಲ್ಲಾ ಚಿತ್ರರಂಗವೂ ಶತಪ್ರಯತ್ನ ನಡೆದಿದೆ. ಅದರಲ್ಲಿ ತಕ್ಕ ಮಟ್ಟಿಗೆ ಯಶಸ್ವಿಯಾಗಿರುವುದು ತೆಲುಗು ಚಿತ್ರರಂಗ ಮಾತ್ರ. ಮೂರನೇ ವೀಕೆಂಡ್, ಅಂದರೆ, 18ನೇ ದಿನ ವರ್ಲ್ಡ್ ವೈಡ್ ಕಲೆಕ್ಷನ್ ಸುಮಾರು 32 ಕೋಟಿ ದಾಟಿದೆ ಎಂದು ಅಂದಾಜಿಸಲಾಗಿದೆ. ಇಷ್ಟು ದೊಡ್ಡ ಮೊತ್ತವನ್ನು ಬಾಲಿವುಡ್ ಸಿನಿಮಾಗಳೇ ಮಾಡುತ್ತಿಲ್ಲ. ಇದು ಬಾಲಿವುಡ್ ಆತಂಕಕ್ಕೆ ಕಾರಣವಾಗಿದೆ.

ಅಜಯ್, ಟೈಗರ್ ಸಿನಿಮಾಗಳಲ್ಲಿ ಖಾಸ್‌ಬಾತ್ ಇಲ್ಲ

ಬಾಲಿವುಡ್ ಬಾಕ್ಸಾಫೀಸ್‌ನಲ್ಲಿ ಅಜಯ್ ದೇವಗನ್ ನಟಿಸಿದ 'ರನ್‌ವೇ 34' ಹಾಗೂ ಟೈಗರ್ ಶ್ರಾಫ್ ಅಭಿನಯದ 'ಹೀರೊಪಂತಿ 2' ಈ ಎರಡೂ ಸಿನಿಮಾಗಳೂ ಹೇಳಿಕೊಳ್ಳುವಂತಹ ಚಮತ್ಕಾರ ಮಾಡಿಲ್ಲ. ಹಿಂದಿ ಬೆಲ್ಟ್‌ನಲ್ಲಿ 'ಕೆಜಿಎಫ್ 2' ಕಲೆಕ್ಷನ್ 11.25 ಕೋಟಿ ಗಳಿಸಿದ್ದರೆ, ಇನ್ನೊಂದು ಕಡೆ 'ರನ್‌ವೇ 34' ಹಾಗೂ 'ಹೀರೊಪಂತಿ 2' ಹಿಂದಿ ಬೆಲ್ಟ್‌ನಲ್ಲೇ ಜಾದು ಮಾಡುವುದಕ್ಕೆ ಆಗಿಲ್ಲ. ಭಾನುವಾರ (ಮೇ 2)ದಂದು ಅಜಯ್ ದೇವಗನ್ ಸಿನಿಮಾ 'ರನ್‌ವೇ 34' 7.25 ಕೋಟಿ ಹಾಗೂ 'ಹೀರೊಪಂತಿ 2' 4.25 ಕೋಟಿ ಗಳಿಕೆ ಕಂಡಿದೆ.

ಎಷ್ಟು ಥಿಯೇಟರ್‌ನಲ್ಲಿ 'ಕೆಜಿಎಫ್ 2' ಹೌಸ್‌ಫುಲ್ ?

ಕನ್ನಡದ ಪ್ಯಾನ್ ಇಂಡಿಯಾ ಸಿನಿಮಾ 'ಕೆಜಿಎಫ್ 2' ಬಿಡುಗಡೆಯಾದ ಮೂರನೇ ಭಾನುವಾರವೂ ಹೌಸ್‌ಫುಲ್ ಪ್ರದರ್ಶನ ಕಂಡಿದೆ. ವಿಶ್ವದಾದಾದ್ಯಂತ ಸುಮಾರು 64 ನೈಟ್‌ ಶೋಗಳು ಯಶಸ್ವಿ ಪ್ರದರ್ಶನ ಕಂಡಿದೆ. ಇದರೊಂದಿಗೆ ತೆಲುಗಿನಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿದೆ. ಆಚಾರ್ಯ ಸಿನಿಮಾ ರಿಲೀಸ್ ಆಗಿದ್ದರೂ, ತೆಲಂಗಾಣದಲ್ಲಿ 43 ಲಕ್ಷ, ಆಂಧ್ರದಲ್ಲಿ 1.22 ಕೋಟಿ ಗಳಿಕೆ ಕಂಡಿದೆ ಎನ್ನಲಾಗಿದೆ.