33ನೇ ದಿನ 1200 ಕೋಟಿ ಕ್ಲಬ್ ಸೇರಿದ 'ಕೆಜಿಎಫ್ 2': ಬಾಕ್ಸಾಫೀಸ್‌ನಲ್ಲಿ ಜಗ್ಗೋ ಮಾತೇ ಇಲ್ಲ

Recommended Video

KGF 2 Collection | 33 ನೇ ದಿನವು ಕಲೆಕ್ಷನ್ ವಿಚಾರದಲ್ಲಿ ಜಗ್ಗದ 'KGF 2'

33ನೇ ದಿನ 'ಕೆಜಿಎಫ್ 2' ಗಳಿಸಿದ್ದೆಷ್ಟು?

'ಕೆಜಿಎಫ್ ಚಾಪ್ಟರ್ 2' ಭಾರತದ ಸಿನಿಮಾ ಮಂದಿಗೆ ಅಚ್ಚರಿ. ಕನ್ನಡದ ಪ್ಯಾನ್ ಇಂಡಿಯಾ ಸಿನಿಮಾವೊಂದು ಬಾಕ್ಸಾಫೀಸ್‌ನಲ್ಲಿ ಈ ಮಟ್ಟಿಗೆ ಸದ್ದು ಮಾಡುತ್ತಿರುವುದಕ್ಕೆ ದಿಗ್ಗಜರೇ ಬೆರಗಾಗಿದ್ದಾರೆ. ಅದೆಷ್ಟೇ ಹೊಸ ಹೊಸ ಸಿನಿಮಾಗಳು ರಿಲೀಸ್ ಆದರೂ, ಬಾಕ್ಸಾಫೀಸ್‌ನಲ್ಲಿ ಗದ್ದಲ ಎಬ್ಬಿಸಲು ಸೋತಿವೆ. 33ನೇ ದಿನವೂ 'ಕೆಜಿಎಫ್ 2' ಕಲೆಕ್ಷನ್‌ನಲ್ಲಿ ಹಿಂದೆ ಬಿದ್ದಿಲ್ಲ. ವಿಶ್ವದಾದ್ಯಂತ ಈ ಸಿನಿಮಾ ಸುಮಾರು 9.52 ಕೋಟಿ ಕಲೆಕ್ಷನ್ ಮಾಡಿದ್ದು, ಒಟ್ಟು ಇದೂವರೆಗೂ 1200 ಕೋಟಿ ಗಳಿಕೆ ಕಂಡಿದೆ.

1200 ಕೋಟಿ ಕ್ಲಬ್ ಸೇರಿದ 'ಕೆಜಿಎಫ್ 2'

ರಾಕಿ ಭಾಯ್ ರಗಡ್ ಲುಕ್, ಮಾಸ್ ಡೈಲಾಗ್ ಹಾಗೂ ಪ್ರಶಾಂತ್ ನೀಲ್ ನಿರ್ದೇಶನ ಪ್ರೇಕ್ಷಕರು ಮೂಕ ವಿಸ್ಮಿತರಾಗಿರುವುದಂತೂ ನಿಜ. 33ನೇ ದಿನಕ್ಕೆ 1200 ಕೋಟಿ ಕ್ಲಬ್ ಸೇರಿರುವ 'ಕೆಜಿಎಫ್ 2' ಹೊಸ ಹೊಸ ದಾಖಲೆಗಳನ್ನು ಸೃಷ್ಟಿ ಮಾಡುವುದಕ್ಕೆ ತುದಿಗಾಲಲ್ಲಿ ನಿಂತಿದೆ. ಸದ್ಯ 1200 ಕೋಟಿ ಸರಿದ ಭಾರತದ 3ನೇ ಸಿನಿಮಾ 'ಕೆಜಿಎಫ್ 2' ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ. ಇದೂವರೆಗೂ 'ಕೆಜಿಎಫ್ 2' ಗಳಿಕೆ ಕಂಡ ಲಿಸ್ಟ್ ಇಲ್ಲಿದೆ.

'ಕೆಜಿಎಫ್ 2' ಕಲೆಕ್ಷನ್ ಲಿಸ್ಟ್ ( ವಾರ, ದಿನಗಳಲ್ಲಿ

ಮೊದಲ ವಾರ- ₹ 720.31 ಕೋಟಿ
ಎರಡನೇ ವಾರ- ₹ 223.51 ಕೋಟಿ
ಮೂರನೇ ವಾರ- ₹ 140.55 ಕೋಟಿ
ನಾಲ್ಕನೇ ವಾರ- ₹ 91.26 ಕೋಟಿ

ಐದನೇ ವಾರ-
ಮೊದಲ ದಿನ ₹ 05.20 ಕೋಟಿ
ಎರಡನೇ ದಿನ ₹ 04.34 ಕೋಟಿ
ಮೂರನೇ ದಿನ ₹ 06.07 ಕೋಟಿ
ನಾಲ್ಕನೇ ದಿನ ₹ 09.52 ಕೋಟಿ

ಒಟ್ಟು ₹ 1200.76 ಕೋಟಿ

1200 ಕೋಟಿ ಕ್ಲಬ್‌ನಲ್ಲಿವೆ 3 ಸಿನಿಮಾ

'ಕೆಜಿಎಫ್ 2' ವಿಶ್ವದ ಬಾಕ್ಸಾಫೀಸ್‌ನಲ್ಲಿ 1200 ಕೋಟಿ ಸೇರಿದ ಭಾರತದ ಮೂರನೇ ಸಿನಿಮಾ. ಈ ಹಿಂದೆ ರಾಜಮೌಳಿ ನಿರ್ದೇಶನದ 'ಬಾಹುಬಲಿ 2' 1200 ಕೋಟಿ ಕ್ಲಬ್ ಸೇರಿದ ಮೊದಲ ಸಿನಿಮಾ ಆಗಿತ್ತು. ಅದರಂತೆ ಆಮಿರ್ ಖಾನ್ ಅಭಿನಯದ 'ದಂಗಲ್' ಸಿನಿಮಾ ಕೂಡ ವಿಶ್ವದ ಮಾರುಕಟ್ಟೆಯಲ್ಲಿ 1200 ಕ್ಲಬ್ ಸೇರಿದ ಎರಡನೇ ಸಿನಿಮಾ ಆಗಿದೆ. ಈಗ 'ಕೆಜಿಎಫ್ 2' ಮೂರನೇ ಸಿನಿಮಾ ಆಗಿದೆ.

'ವಿಕ್ರಾಂತ್ ರೋಣ' ಮೇಲೆ ನಿರೀಕ್ಷೆ

'ಕೆಜಿಎಫ್ 2' ಸಿನಿಮಾದ ಗಳಿಕೆ ಕಂಡು ವರ್ಲ್ಡ್ ಸಿನಿಮಾ ದಂಗಾಗಿದೆ. ಇದರೊಂದಿಗೆ ಕನ್ನಡದ ಎರಡು ಸಿನಿಮಾಗಳು ಬಾಕ್ಸಾಫೀಸ್‌ನಲ್ಲಿ ಸದ್ದು ಮಾಡುವುದಕ್ಕೆ ಶುರುಮಾಡಿದೆ. ರಕ್ಷಿತ್ ಶೆಟ್ಟಿ ಅಭಿನಯದ '777 ಚಾರ್ಲಿ' ಕೂಡ ಪ್ಯಾನ್ ಇಂಡಿಯಾ ಸಿನಿಮಾ ಆಗಿದ್ದು, ಜೂನ್ 10ರಂದು ಬಿಡುಗಡೆಯಾಗಲಿದೆ. ಇದರೊಂದಿಗೆ ಕಿಚ್ಚನ ಮೋಸ್ಟ್ ಎಕ್ಸ್‌ಪೆಕ್ಟೆಡ್ ಸಿನಿಮಾ 'ವಿಕ್ರಾಂತ್ ರೋಣ' ಮೇಲೆ ನಿರೀಕ್ಷೆ ಹೆಚ್ಚಾಗಿದೆ. ಇದೂ ಕೂಡ ಬಾಕ್ಸಾಫೀಸ್‌ನಲ್ಲಿ ಚಿಂದು ಉಡಾಯಿಸಿದರೆ, ಹೊಸ ಇತಿಹಾಸ ಸೃಷ್ಟಿಯಾಗುವುದು ಪಕ್ಕಾ.