ಪುನೀತ್ ರಾಜ್‌ಕುಮಾರ್ ಬರ್ಥಡೇ ಮುನ್ನವೇ ಅಭಿಮಾನಿಗಳಿಗೆ ಧಮಾಕ ಖಚಿತ

ಸಂಭಾಷಣೆಯ ಟೀಸರ್

ಪವರ್ ಸ್ಟಾರ್ ಹುಟ್ಟುಹಬ್ಬದ ಮುನ್ನಾದಿನ, ಅಂದರೆ ಮಾರ್ಚ್ 16ರಂದು ಯುವರತ್ನದ ಸಂಭಾಷಣೆಯ ಟೀಸರ್ ಬಿಡುಗಡೆಯಾಗುತ್ತಿದೆ ಎಂದು ಪುನೀತ್ ರಾಜ್‌ಕುಮಾರ್, 'ಯುವರತ್ನ'ದ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲಂಸ್‌ನ ಕಾರ್ತಿಕ್ ಗೌಡ ಹಾಗೂ ನಿರ್ದೇಶಕ ಸಂತೋಷ್ ಆನಂದರಾಮ್ ಮಾಹಿತಿ ನೀಡಿದ್ದಾರೆ.

ಡೈಲಾಗ್‌ನ ಪವರ್ ಪ್ಯಾಕ್

ಪುನೀತ್ ಜನ್ಮದಿನದ ಸಂಭ್ರಮಾಚರಣೆ ಮೊದಲೇ ಶುರುವಾಗುತ್ತಿದೆ. ಪವರ್ ಸ್ಟಾರ್ ಅಭಿಮಾನಿಗಳಿಗೆ ಮಾರ್ಚ್ 16ರಂದು ಪವರ್ ಪ್ಯಾಕ್‌ನಿಂದ ತುಂಬಿರುವ ಡೈಲಾಗ್ ಟೀಸರ್ ಸಿಗಲಿದೆ ಎಂದು ಚಿತ್ರತಂಡ ಸೋಮವಾರ ಮಾಹಿತಿ ನೀಡಿದೆ.

ಟ್ರೆಂಡ್ ಆದ ಯುವರತ್ನ

ಚಿತ್ರತಂಡ ಈ ಮಾಹಿತಿ ನೀಡುತ್ತಿದ್ದಂತೆಯೇ ಪುನೀತ್ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಅವರದ್ದೇ ಹವಾ ಶುರುವಾಗಿದೆ. ಯುವರತ್ನ ಟೀಸರ್ ಕುರಿತು ಸಾವಿರಾರು ಟ್ವೀಟ್‌ಗಳನ್ನು ಮಾಡಿದ್ದು, ಟ್ವಿಟ್ಟರ್‌ನಲ್ಲಿ #Yuvarathnaa ಟ್ರೆಂಡ್ ಸೃಷ್ಟಿಸಿದ್ದಾರೆ.

ಯುವರತ್ನ ಚಿತ್ರತಂಡ

'ಯುವರತ್ನ' ಚಿತ್ರದಲ್ಲಿ ಪುನೀತ್‌ಗೆ ನಾಯಕಿಯಾಗಿ ಸಯ್ಯೇಶಾ ಸೈಗಲ್ ನಟಿಸಿದ್ದಾರೆ. ಜತೆಗೆ ಸೋನು ಗೌಡ, ಡಾಲಿ ಧನಂಜಯ, ಬೋಮನ್ ಇರಾನಿ, ಪ್ರಕಾಶ್ ರೈ ಮುಂತಾದವರು ಇದ್ದಾರೆ. ಎಸ್. ತಮನ್ ಸಂಗೀತ ನಿರ್ದೇಶನ ಮಾಡಿದ್ದಾರೆ.