ನಾಲ್ಕು ವರ್ಷ ಕಳೆದರೂ 'ಗೋಧಿ ಬಣ್ಣ...' ಚಿತ್ರಕ್ಕೆ ಅನ್ಯಾಯ: ನಿರ್ದೇಶಕ ಹೇಮಂತ್ ಬೇಸರ

ಡಿಸ್ನಿ ಹಾಟ್‌ಸ್ಟಾರ್‌ನಲ್ಲಿ ಪ್ರಸಾರ

'ಗೋಧಿ ಬಣ್ಣ ಸಾಧಾರಣ ಮೈಕಟ್ಟು' ಚಿತ್ರವನ್ನು ಡಿಸ್ನಿಯ ಹಾಟ್‌ಸ್ಟಾರ್ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ಡಿಜಿಟಲ್ ವ್ಯವಸ್ಥೆಯಲ್ಲಿ ವೀಕ್ಷಿಸಬಹುದಾಗಿದೆ. ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್‌ ಮೂಲಕ ಈ ಚಿತ್ರವನ್ನು ಅದರಲ್ಲಿ ವೀಕ್ಷಿಸಬಹುದು. ಆದರೆ ಕನ್ನಡೇತರರಿಗೆ ಸಿನಿಮಾ ನೋಡಿದರೂ ಅವರಿಗೆ ಅರ್ಥವಾಗಲಾರದು.

ಕನ್ನಡೇತರರಿಗೆ ತಲುಪುತ್ತಿಲ್ಲ

ಏಕೆಂದರೆ 'ಗೋಧಿ ಬಣ್ಣ ಸಾಧಾರಣ ಮೈಕಟ್ಟು' ಚಿತ್ರವನ್ನು ಕನ್ನಡೇತರರು ಅರ್ಥ ಮಾಡಿಕೊಳ್ಳಲು ಇಂಗ್ಲಿಷ್ ಸಬ್‌ ಟೈಟಲ್ ಅಗತ್ಯ. ಆದರೆ, ಡಿಸ್ನಿ ಹಾಟ್‌ಸ್ಟಾರ್‌ನಲ್ಲಿ ಇಂಗ್ಲಿಷ್ ಸಬ್‌ ಟೈಟಲ್ ಪ್ರಸಾರವಾಗುತ್ತಿಲ್ಲ. ಇದರಿಂದ ಒಟಿಟಿಗೆ ಬಂದ ಬಳಿಕವೂ ಲಕ್ಷಾಂತರ ಜನರಿಗೆ 'ಗೋಧಿ ಬಣ್ಣ...' ತಲುಪಬಹುದಾಗಿದ್ದ ಅವಕಾಶ ಕೈಗೂಡುತ್ತಿಲ್ಲ.

ದಯವಿಟ್ಟು ಅಪ್ಲೋಡ್ ಮಾಡಿ

ಈ ಬೇಸರವನ್ನು ನಿರ್ದೇಶಕ ಹೇಮಂತ್ ರಾವ್ ಹೊರಹಾಕಿದ್ದಾರೆ. 'ನನ್ನ ಚಿತ್ರ ಗೋಧಿ ಬಣ್ಣ ಸಾಧಾರಣ ಮೈಕಟ್ಟು'ವಿನ ಇಂಗ್ಲಿಷ್ ಸಬ್‌ ಟೈಟಲ್‌ಗಳನ್ನು ಅಪ್ಲೋಡ್ ಮಾಡಿ ಎಂದು ಅವರು ಹಾಟ್‌ಸ್ಟಾರ್‌ಗೆ ಮನವಿ ಮಾಡಿಕೊಂಡಿದ್ದಾರೆ.

ನಾಲ್ಕು ವರ್ಷದಿಂದ ಏನೂ ಆಗಿಲ್ಲ

'ನಾನು ನಿಮಗಾಗಿ ಸಬ್ ಟೈಟಲ್ ಬರೆದಿದ್ದೆ. ನಿಮಗೆ ಅನೇಕ ಬಾರಿ ಕರೆ ಕೂಡ ಮಾಡಿದ್ದೇನೆ. ಆದರೆ ನಾಲ್ಕು ವರ್ಷಗಳಲ್ಲಿ ಏನೂ ಆಗಿಲ್ಲ. ಬೇಕೆಂದರೆ ಸಬ್ ಟೈಟಲ್‌ಗಳನ್ನು ಮತ್ತೆ ಕಳುಹಿಸಲು ಸಿದ್ಧನಿದ್ದೇನೆ' ಎಂದು ಹೇಮಂತ್ ತಿಳಿಸಿದ್ದಾರೆ.