ಜಯಲಲಿತಾ ಕುರಿತ ಚಿತ್ರ ಅಮೆಜಾನ್, ನೆಟ್ ಫ್ಲಿಕ್ಸ್ ಎರಡಕ್ಕೂ ಸೇಲ್: ನಿರ್ಮಾಪಕರು ಸೇಫ್

ಎರಡು ಒಟಿಟಿಗೆ ಮಾರಾಟ

ಈ ನಡುವೆ ಚಿತ್ರತಂಡದಿಂದ ಮತ್ತೊಂದು ಮಾಹಿತಿ ಹೊರಬಂದಿದ್ದು, ಈ ಸಿನಿಮಾ ಒಟಿಟಿಗೆ ಮಾರಾಟವಾಗಿದೆ. ಅಮೆಜಾನ್ ಪ್ರೈಮ್ ಹಾಗೂ ನೆಟ್ ಫ್ಲಿಕ್ಸ್ ಎರಡಕ್ಕೂ 'ತಲೈವಿ' ಮಾರಾಟವಾಗಿದೆ. ಒಂದು ಒಟಿಟಿಗೆ ಮಾತ್ರ ಚಿತ್ರದೊಂದು ಮಾರಾಟವಾಗಲು ಸಾಧ್ಯ. ಇದು ಹೇಗೆ ಎರಡು ಒಟಿಟಿಗಳಿಗೆ ಮಾರಾಟವಾಗಿದೆ ಎಂದು ಅಚ್ಚರಿಯಾಗಬಹುದು.

55 ಕೋಟಿಗೆ ಮಾರಾಟ

ಅಮೆಜಾನ್ ಪ್ರೈಮ್ ತಮಿಳು ಅವತರಣಿಕೆಯ ಹಕ್ಕನ್ನು ಖರೀದಿಸಿದ್ದರೆ, ನೆಟ್ ಫ್ಲಿಕ್ಸ್ ಹಿಂದಿ ಅವತರಣಿಕೆಯ ಹಕ್ಕನ್ನು ಖರೀದಿಸಿದೆಯಂತೆ. ಇದರಿಂದ ನಿರ್ಮಾಪಕರಿಗೆ ಭರ್ಜರಿ ಲಾಭವಾಗಿದೆ. ಎರಡು ಭಾಷೆಗಳ ಹಕ್ಕನ್ನು ಪ್ರತ್ಯೇಕ ಮಾರಾಟ ಮಾಡುವುದರಿಂದ ನಿರ್ಮಾಪಕರು 55 ಕೋಟಿ ರೂ. ಗಳಿಸಿದ್ದಾರಂತೆ.

ಚಿತ್ರಮಂದಿರದಲ್ಲಿ ಬಿಡುಗಡೆ

ಈ ಮೂಲಕ 'ತಲೈವಿ' ಚಿತ್ರದ ನಿರ್ಮಾಪಕರು ಸೇಫ್ ಹಂತದಲ್ಲಿದ್ದಾರೆ. ಹಾಗೆಂದು ಇದು ಒಟಿಟಿಯಲ್ಲಿ ಪ್ರೇಕ್ಷಕರಿಗೆ ಕೂಡಲೇ ಲಭ್ಯವಾಗುವುದಿಲ್ಲ. ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ನಂತರವೇ ಒಟಿಟಿಯಲ್ಲಿ ಪ್ರಸಾರವಾಗಲಿವೆ.

ದೊಡ್ಡ ಬಜೆಟ್ ಚಿತ್ರ- ಕಂಗನಾ

'ಎಲ್ಲ ಸಿನಿಮಾಗಳನ್ನೂ ನೇರವಾಗಿ ಒಟಿಟಿಯಲ್ಲಿ ಬಿಡುಗಡೆ ಮಾಡುವುದು ಸರಿಯಲ್ಲ. ಹಾಗೆ ಬಿಡುಗಡೆ ಮಾಡಬೇಕೋ ಅಥವಾ ಬೇಡವೋ ಎನ್ನುವುದು ಚಿತ್ರದ ಕಥೆಯನ್ನು ಅವಲಂಬಿಸಿರುತ್ತದೆ. ಇದು ದೊಡ್ಡ ಬಜೆಟ್ ಚಿತ್ರ. ಹೀಗಾಗಿ ಒಟಿಟಿ ಮಾರಾಟವಾದ ಕಾರಣಕ್ಕೆ ಡಿಜಿಟಲ್ ವೇದಿಕೆಯಲ್ಲಿ ಮಾತ್ರವೇ ಬಿಡುಗಡೆ ಮಾಡಲು ಸಾಧ್ಯವಿಲ್ಲ. ಮೊದಲು ಚಿತ್ರಮಂದಿರದಲ್ಲಿ ಬಿಡುಗಡೆಯಾಗಬೇಕು' ಎಂದು ಕಂಗನಾ ಹೇಳಿದ್ದಾರೆ.