ಜೂನ್ ಮೊದಲ ವಾರ OTTಯಿಂದ ಭರ್ಜರಿ ಆಫರ್: ಸಿನಿಮಾ, ವೆಬ್ ಸಿರೀಸ್ ಲಿಸ್ಟ್ ಇಲ್ಲಿದೆ

'ಕೆಜಿಎಫ್ 2'

ಬಾಕ್ಸಾಫೀಸ್ ದಾಖಲೆ ಬರೆದ 'ಕೆಜಿಎಫ್ 2' ಸಿನಿಮಾ ಈಗಾಗಲೇ ಒಟಿಟಿಗೆ ಲಗ್ಗೆ ಇಟ್ಟಿದೆ. ಆದರೆ, ಅಮೆಜಾನ್ ಪ್ರೈಂನಲ್ಲಿ ಪೇ ಪರ್‌ ವ್ಯೂ ಲೆಕ್ಕದಲ್ಲಿ ಈ ಸಿನಿಮಾವನ್ನು ಬಿಡುಗಡೆ ಮಾಡಲಾಗಿತ್ತು. ಆದ್ರೀಗ ಸಿನಿಮಾ 50 ದಿನಗಳನ್ನು ಪೂರೈಸುತ್ತಿರುವ ಬೆನ್ನಲ್ಲೇ ಜೂನ್ 3 ರಿಂದ ಅಮೆಜಾನ್ ಪ್ರೈಂನಲ್ಲಿ ರೆಗ್ಯೂಲರ್ ಆಗಿ ಪ್ರೀಮಿಯರ್ ಆಗಲಿದೆ. ಇನ್ನುಂದೆ ಅಮೆಜಾನ್‌ಗೆ ಸಬ್‌ಸ್ಕ್ರೈಬ್ ಆಗಿರುವವರು ಫ್ರೀಯಾಗಿ ಸಿನಿಮಾ ನೋಡಬಹುದಾಗಿದೆ.

'ಜನಗನಮನ'

ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದ್ದ ಮಲಯಾಳಂ ಸಿನಿಮಾ 'ಜನಗನಮನ' ಕೂಡ ಒಟಿಟಿಗೆ ಲಗ್ಗೆ ಇಡುತ್ತಿದೆ. ಕಾನೂನಿಗೆ ಸಂಬಂಧಿಸಿದ ಕಥೆಯನ್ನು ಆಧರಿಸಿದ ಸಿನಿಮಾ ಇದಾಗಿದ್ದು, ಮಲಯಾಳಂನಲ್ಲಿ ರಿಲೀಸ್ ಆಗಿದೆ. ಪೃಥ್ವಿರಾಜ್ ಸುಕುಮಾರನ್ ಹಾಗೂ ಮಮತಾ ಮೋಹನ್‌ದಾಸ್ ಹಾಗೂ ಸೂರಜ್ ವೆಂಜರಮೂಡು ನಟಿಸಿದ ಈ ಸಿನಿಮಾ ಜೂನ್ 2ರಂದು ಒಟಿಟಿಯಲ್ಲಿ ಬಿಡುಗಡೆಯಾಗುತ್ತಿದೆ. ನೆಟ್‌ಫ್ಲಿಕ್ಸ್‌ನಲ್ಲಿ ಈ ಸಿನಿಮಾ ಪ್ರೀಮಿಯರ್ ಆಗಲಿದೆ.

'ಆಶ್ರಮ್ ಸೀಸನ್ 3'

ಬಾಲಿವುಡ್‌ನಲ್ಲಿ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿರುವ ವೆಬ್ ಸಿರೀಶ್ 'ಆಶ್ರಮ್ ಸೀಸನ್ 3' ಕೂಡ ಇದೇ ವಾರ ಪ್ರೀಮಿಯರ ಆಗುತ್ತಿದೆ. ಪ್ರಮುಖ ಪಾತ್ರದಲ್ಲಿ ಬಾಬಿ ಡಿಯೋಲ್ ನಟಿಸುತ್ತಿದ್ದು, ಜೂನ್ 03ರಂದು ಎಂಎಕ್ಸ್ ಪ್ಲೇಯರ್‌ನಲ್ಲಿ ರಿಲೀಸ್ ಆಗುತ್ತಿದೆ. ಬಾಬಿ ಡಿಯೊಲ್ ಜೊತೆಗೆ ದರ್ಶನ್ ಕುಮಾರ್, ಇಶಾ ಗುಪ್ತಾ, ತ್ರಿದಾ ಚೌಧರ ಸೇರಿದಂತೆ ಹಲವು ನಟಿಸುತ್ತಿದ್ದಾರೆ.

'ಅಶೋಕ ವಾನಮ್ಲೋ ಅರ್ಜುನ ಕಲ್ಯಾಣಂ'

ಟಾಲಿವುಡ್‌ನ ರೊಮ್ಯಾಂಟಿಕ್ ಸಿನಿಮಾ 'ಅಶೋಕ ವಾನಮ್ಲೋ ಅರ್ಜುನ ಕಲ್ಯಾಣಂ'. ಈ ಸಿನಿಮಾ ಆಹಾ ಒಟಿಟಿಯಲ್ಲಿ ಬಿಡುಗಡೆಯಾಗುತ್ತಿದೆ. ವಿಶ್ವಕ್ ಸೇನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ಮೇ 6ರಂದು ಬಿಡುಗಡೆಯಾಗಿತ್ತು. ಆದರೆ, ಬಾಕ್ಸಾಫೀಸ್‌ನಲ್ಲಿ ಹೆಚ್ಚು ಸದ್ದು ಮಾಡದ ಈ ಸಿನಿಮಾ ಆಹಾದಲ್ಲಿ ಜೂನ್ 03ರಂದು ಬಿಡುಗಡೆಯಾಗುತ್ತಿದೆ.

'9 Hours'

ಟಾಲಿವುಡ್‌ನಲ್ಲಿ ವೆಬ್ ಸಿರೀಸ್‌ ಒಂದು ನಿರ್ಮಾಣ ಆಗಿದೆ. ಅದುವೇ '9 Hours'. ಈ ವೆಬ್ ಸಿರೀಸ್‌ ಅನ್ನು ಜಾಕೊಬ್ ವರ್ಗೀಸ್ ಹಾಗೂ ನಿರಂಜನ್ ಕೌಶಿಕ್ ನಿರ್ದೇಶನ ಮಾಡಿದ್ದಾರೆ. ಇದರಲ್ಲಿ ಅಜಯ್, ವಿನೋದ್ ಕುಮಾರ್, ಮಧು ಶಾಲಿನಿ, ಅಂಕಿತ್ ಕೋಯ್ಯಾ ಸೇರಿದಂತೆ ಹಲವು ಮಂದಿ ನಟಿಸಿದ್ದಾರೆ.

'ಆಶಿಕಾನಾ'

ಡಿಸ್ನಿ+ ಹಾಟ್‌ಸ್ಟಾರ್‌ ಜೂನ್ 06ರಂದು 'ಆಶಿಕಾನಾ' ಅನ್ನುವ ಸಸ್ಪೆನ್ಸ್, ಥ್ರಿಲ್ಲರ್ ಲವ್‌ ಸ್ಟೋರಿ ಹೊಂದಿರುವ ವೆಬ್ ಸೀರಿಸ್‌ ಒಂದನ್ನು ಬಿಡುಗಡೆ ಮಾಡುತ್ತಿದೆ. ಇಬ್ಬರು ವ್ಯಕ್ತಿಗಳ ಸುತ್ತಸುತ್ತುವ ಕಥೆ ಇದಾಗಿದ್ದು, ತಮ್ಮ ಲಿಮಿಟ್ ಅನ್ನು ಕ್ರಾಸ್ ಮಾಡಿದರೆ ಎನಾಗುತ್ತೆ ಎನ್ನುವುದು 'ಆಶಿಕಾನಾ' ಕಥೆ.