Exclusive: ಪುನೀತ್ ಕೊನೆಯ ಸಿನಿಮಾ 'ಗಂಧದ ಗುಡಿ'ಗೆ ಕಾಂಪಿಟೇಷನ್: ಯಾರಿಗೆ ಸೇರುತ್ತೆ ಹಕ್ಕು?

ಓಟಿಟಿಗಳಿಂದ ಪೈಪೋಟಿ

'ಗಂಧದ ಗುಡಿ' ಮೂಲಕ ಪುನೀತ್ ರಾಜ್‌ಕುಮಾರ್ ವಿಶಿಷ್ಟ ಪ್ರಯತ್ನಕ್ಕೆ ಕೈ ಹಾಕಿದ್ದರು. ಸ್ಯಾಂಡಲ್‌ವುಡ್ ಅಷ್ಟೇ ಅಲ್ಲ, ಇಡೀ ಇಂಡಿಯಾದಲ್ಲೇ ಸೂಪರ್‌ಸ್ಟಾರ್ ಒಬ್ಬರು ಇಂತಹ ಪ್ರಯತ್ನಕ್ಕೆ ಮುಂದಾದ ಉದಾಹಣೆಗಳೇ ಇಲ್ಲ. ಹೀಗಾಗಿ ಇದು ನಿಜಕ್ಕೂ ವಿಶಿಷ್ಠ ಪ್ರಯತ್ನ. ಈ ಕಾರಣಕ್ಕೆ ಓಟಿಟಿ ವೇದಿಕೆಗಳು ಈ ಸಿನಿಮಾವನ್ನು ಖರೀದಿ ಮಾಡಲೇ ಬೇಕು ಅಂತ ಪಣ ತೊಟ್ಟು ನಿಂತಿವೆ ಎನ್ನಲಾಗಿದೆ. ಜೀ ಹಾಗೂ ಅಮೆಜಾನ್ ಎರಡೂ ಸಂಸ್ಥೆಗಳು 'ಗಂಧದ ಗುಡಿ' ಖರೀದಿಗೆ ಆಸಕ್ತಿ ತೋರಿವೆ ಎನ್ನಲಾಗಿದೆ. ಅಮೆಜಾನ್‌ ಜೊತೆ ಪುನೀತ್ ಉತ್ತಮ ಬಾಂಧವ್ಯ ಹೊಂದಿದ್ದರಿಂದ ಈ ಪ್ರಾಜೆಕ್ಟ್ ಅಮೆಜಾನ್ ಪಲಾಗಬಹುದು ಎಂದು ಸ್ಯಾಂಡಲ್‌ವುಡ್‌ನಲ್ಲಿ ಚರ್ಚೆಯಾಗುತ್ತಿದೆ.

ಒಂದು ತಿಂಗಳಿಗೂ ಮುನ್ನವೇ ಅಪ್ಪು ಅಭಿಮಾನಿಗಳಿಂದ 'ಗಂಧದ ಗುಡಿ' ಸಂಭ್ರಮ!

ಟಿವಿಯಲ್ಲಿ ಪ್ರಸಾರಕ್ಕೂ ಕಾಂಪಿಟೇಷನ್‌

ಕರುನಾಡಿನ ಪರಿಸರ, ಜಲಸಂಪತ್ತು, ಕಾಡು-ಮೇಡು, ಪ್ರಾಣಿ ಸಂಕುಲಗಳನ್ನು ತೋರಿಸಲು ಹೊರಟಿರೋ 'ಗಂಧದ ಗುಡಿ' ಸ್ಯಾಟಲೈಟ್ಸ್ ರೈಟ್ಸ್‌ಗೂ ಬೇಡಿಕೆ ಇದೆ. ಜೀ ಹಾಗೂ ಕಲರ್ಸ್ ಎರಡೂ ಸಂಸ್ಥೆಗಳೂ ಗಂಧದ ಗುಡಿಯನ್ನು ರೈಟ್ಸ್ ಅನ್ನು ಕೇಳಿವೆ ಅನ್ನೋದು ಮೂಲಗಳಿಂದ ಬಂದ ಮಾಹಿತಿ. ಜೀ ಹಾಗೂ ಕಲರ್ಸ್ ಎರಡೂ ಸಂಸ್ಥೆಗಳು ಕೇವಲ ಸ್ಯಾಟಲೈಟ್ ಅಷ್ಟೇ ಅಲ್ಲ. ಓಟಿಟಿ ಹಕ್ಕುಗಳನ್ನೂ ಸೇರಿಸಿ ಬೇಡಿಕೆ ಇಟ್ಟಿದೆ ಎನ್ನಲಾಗಿದೆ.

ಜೀ ಸ್ಟುಡಿಯೋ ಆಸಕ್ತಿ?

ಜೀ ಸ್ಟುಡಿಯೋ ಸಿನಿಮಾ ವಿತರಣೆಯನ್ನೂ ಮಾಡುತ್ತಿದೆ. ಈಗಾಗಲೇ ಕನ್ನಡದ ಕೆಲವು ಸಿನಿಮಾಗಳ ಡಿಸ್ಟ್ರಿಬ್ಯೂಷನ್ ಮಾಡಿದೆ. ಹೀಗಾಗಿ 'ಗಂಧದ ಗುಡಿ' ಸಿನಿಮಾವನ್ನು ಕರ್ನಾಟಕದಲ್ಲಿ ರಿಲೀಸ್ ಮಾಡಲು ಜೀ ಸ್ಟುಡಿಯೋ ಆಸಕ್ತಿ ತೋರಿದೆ ಎಂದು ಹೇಳಲಾಗುತ್ತಿದೆ. ಆದರೆ, ಅಶ್ವಿನಿ ಪುನೀತ್ ರಾಜ್‌ಕಮಾರ್ ಯಾರಿಗೆ ಹಕ್ಕು ಕೊಡುತ್ತಾರೆ? ಇಲ್ಲವೇ ಅವರದ್ದೇ ಸಂಸ್ಥೆನೇ ಸಿನಿಮಾವನ್ನು ಬಿಡುಗಡೆ ಮಾಡುತ್ತಾ? ಅನ್ನೋ ಬಗ್ಗೆ ಇನ್ನೂ ಅಧಿಕೃತ ಮಾಹಿತಿ ಸಿಕ್ಕಿಲ್ಲ.

ಪಿಆರ್‌ಕೆಯಿಂದಲೇ ರಿಲೀಸ್?

ಪುನೀತ್ ಡ್ರೀಮ್ ಪ್ರಾಜೆಕ್ಟ್‌ 'ಗಂಧದ ಗುಡಿ' ಅಕ್ಟೋಬರ್‌ 28ಕ್ಕೆ ರಿಲೀಸ್ ಆಗುತ್ತಿದೆ. ಈಗಾಗಲೇ ಚಿತ್ರತಂಡ ಇದು ಡಾಕ್ಯೂಮೆಂಟರಿ ಅಲ್ಲ. ಸಿನಿಮಾನೇ ಅಂತ ಪರೋಕ್ಷವಾಗಿ ಹೇಳಿದೆ. ಹೀಗಾಗಿ ಗಂಧದ ಗುಡಿ ಪುನೀತ್ ಅಭಿನಯದ ಕೊನೆಯ ಸಿನಿಮಾ ಆಗಲಿದೆ. ಈ ಕಾರಣಕ್ಕೆ ಸ್ವತ: ಪಿಆರ್‌ಕೆ ಸಂಸ್ಥೆನೇ ಈ ಸಿನಿಮಾವನ್ನು ರಿಲೀಸ್ ಮಾಡಲಿದೆ ಎಂದೂ ಹೇಳಲಾಗಿದೆ. ಸದ್ಯ ಯಾವುದಕ್ಕೂ ಅಧಿಕೃತ ಮಾಹಿತಿ ಇಲ್ಲ. ಇನ್ನು ಕೆಲವು ದಿನಗಳಲ್ಲಿ ಅಧಿಕೃತ ಮಾಹಿತಿ ಹೊರಬೀಳಬಹುದು.