ಪ್ರಧಾನಮಂತ್ರಿ ನರೇಂದ್ರ ಮೋದಿಯವರನ್ನು ಭೇಟಿಯಾದ ರಾಜ್ ಕಪೂರ್ ಕುಟುಂಬ..!

ಭಾರತ ಚಿತ್ರರಂಗದ ಶೋ ಮ್ಯಾನ್ ಎಂದೇ ಕರೆಯಲ್ಪಡುವವರು ರಾಜ್ ಕಪೂರ್.  ಬದುಕಿದ್ದಷ್ಟೂ ದಿನ ಕಲೆಯನ್ನೇ ಉಸಿರಾಗಿಸಿಕೊಂಡು ಬದುಕಿದ ರಾಜ್ ಕಪೂರ್ ಆಗ್, ಆವಾರ, ಬರ್ಸಾತ್, ಶ್ರೀ 420, ಬಾಬಿ ಅಂತಹ ಶ್ರೇಷ್ಠ ಚಿತ್ರಗಳನ್ನು ಚಿತ್ರರಂಗಕ್ಕೆ ನೀಡಿದರು. ಮೇರಾ ನಾಮ್ ಜೋಕರ್ ಚಿತ್ರದ ಮೂಲಕ ಸೋಲನ್ನು ಕಂಡರು. ತಮ್ಮ ವೃತ್ತಿಬದುಕಿನಲ್ಲಿ ಗೆಲುವು ಸೋಲನ್ನು ಕಂಡು ಎರಡನ್ನೂ ಸಮಾನವಾಗಿ ಸ್ವೀಕರಿಸಿದ ರಾಜ್ ಕಪೂರ್ ಅವರ ನೂರನೇ ವರ್ಷದ ಹುಟ್ಟುಹಬ್ಬವನ್ನು ಕಪೂರ್ ಖಾನ್ದಾನ್ ಅದ್ಧೂರಿಯಾಗಿ ಆಚರಿಸಲು ಮುಂದಾಗಿದೆ. ರಾಜ್ ಕಪೂರ್ ಜನ್ಮ ಶತಮಾನೋತ್ಸವಕ್ಕೆ ಭಾರತದ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರನ್ನು ಆಹ್ವಾನಿಸಿದೆ.