ತೆಲುಗು ಮಂದಿಯ ಹೊಸ ಕ್ರಶ್ ಯಾರು ಗೊತ್ತೇ? ಈ ನಟಿಗೂ ಕರ್ನಾಟಕಕ್ಕೂ ಒಂದು ನಂಟಿದೆ

By Muralidhar S

| Published: Thursday, November 28, 2024, 23:33 [IST]

ಪ್ರಿಯಾಂಕಾ ಅರುಳ್ ಮೋಹನ್ ಕನ್ನಡ ಚಿತ್ರರಂಗದಿಂದಲೇ ಸಿನಿಮಾ ಜರ್ನಿ ಆರಂಭಿಸಿದ್ದರು. 2019ರಲ್ಲಿ ತೆರೆಕಂಡ ಸಿನಿಮಾ 'ಒಂದು ಕಥೆ ಹೇಳ್ಲಾ' ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದರು. ಕನ್ನಡದಲ್ಲಿ ಒಂದೇ ಸಿನಿಮಾದಲ್ಲಿ ನಟಿಸಿದ್ದು ಈಗ ತೆಲುಗು ಹಾಗೂ ತಮಿಳು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.

1/6

ತೆಲುಗಿನ ನ್ಯಾಚುರಲ್ ಸ್ಟಾರ್ ನಾನಿ ನಟಿಸಿದ 'ಸರಿಪೋದ ಶನಿವಾರಂ' ಸಿನಿಮಾ ಇತ್ತೀಚೆಗಷ್ಟೇ ರಿಲೀಸ್ ಆಗಿತ್ತು. ಈ ಸಿನಿಮಾದಲ್ಲಿ ನಾನಿಗೆ ನಾಯಕಿಯಾಗಿ ನಟಿಸಿದ ಈ ಬ್ಯೂಟಿ ತೆಲುಗು ಮಂದಿಯ ಕ್ರಶ್ ಆಗಿಬಿಟ್ಟಿದ್ದಾರೆ. ಅವರ ಕ್ಯೂಟ್‌ನೆಸ್‌ಗೆ ಕಳೆದು ಹೋಗಿದ್ದಾರೆ. ಅಂದ್ಹಾಗೆ ಈ ನಟಿಯ ಹೆಸರು ಪ್ರಿಯಾಂಕಾ ಅರುಳ್ ಮೋಹನ್. ಈ ನಟಿಗೂ ಕರ್ನಾಟಕಕ್ಕೂ ಒಂದು ನಂಟು ಇದೆ.

2/6

3/6

ಪ್ರಿಯಾಂಕಾ ಅರುಳ್ ಮೋಹನ್ ಕನ್ನಡದ ನಂಟು ಇಲ್ಲಿಗೆ ಮುಗಿಯಲಿಲ್ಲ. ಈ ನಟಿ ಹುಟ್ಟಿದ್ದು ಹಾಗೂ ಶಿಕ್ಷಣ ಮುಗಿಸಿದ್ದು ಕರ್ನಾಟಕದಲ್ಲಿಯೇ. ಪ್ರಿಯಾಂಕಾ ಮೋಹನ್ ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ದಕ್ಷಿಣ ಕನ್ನಡ ಜಿಲ್ಲೆಯ ಮೂಡಬಿದ್ರಿಯಲ್ಲಿರುವ ಆಳ್ವಾಸ್ ಸ್ಕೂಲ್‌ನಲ್ಲಿ ಮುಗಿಸಿದ್ದಾರೆ. ಹಾಗೇ ಬೆಂಗಳೂರಿನ ಪಿಇಎಸ್ ಕಾಲೇಜಿನಲ್ಲಿ ಬಯೋಲಾಜಿಕಲ್ ಎಂಜಿನಿಯರಿಂಗ್ ಮುಗಿಸಿದ್ದಾರೆ.

4/6

ಎಂಜಿನಿಯರಿಂಗ್ ಶಿಕ್ಷಣ ಮುಗಿಯುತ್ತಿದ್ದಂತೆ ಪ್ರಿಯಾಂಕಾ ಮೋಹನ್ ಚಿತ್ರರಂಗಕ್ಕೆ ಪ್ರವೇಶ ಮಾಡಿದ್ದರು. 2019ರಲ್ಲಿ ತೆರೆಕಂಡ 'ಒಂದು ಕಥೆ ಹೇಳ್ಲಾ' ಇವರ ಚೊಚ್ಚಲ ಸಿನಿಮಾ. ಬಳಿಕ ತೆಲುಗು ಚಿತ್ರರಂಗಕ್ಕೆ ಕಾಲಿಟ್ಟರು. ಅದೇ ವರ್ಷ 'ನಾನೀಸ್ ಗ್ಯಾಂಗ್‌ ಲೀಡರ್' ಸಿನಿಮಾ ಮೂಲಕ ಟಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದರು.

5/6

ತೆಲುಗಿನ ಎರಡು ಸಿನಿಮಾದಲ್ಲಿ ನಟಿಸಿದ ಬಳಿಕ ಕಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದರು. ಶಿವಕಾರ್ತಿಕೇಯನ್ ನಟಿಸಿದ 'ಡಾಕ್ಟರ್' ಇವರು ನಟಿಸಿದ ಮೊದಲ ತಮಿಳು ಸಿನಿಮಾ. ಇಲ್ಲಿಂದ ಬ್ಯಾಕ್ ಟು ಬ್ಯಾಕ್ ತೆಲುಗು ಹಾಗೂ ತಮಿಳು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಸದ್ಯ ತೆಲುಗು ಮಂದಿಯ ಹೃದಯ ಕದ್ದಿದ್ದಾರೆ.

6/6

'ಸರಿಪೋದಾ ಶನಿವಾರಂ' ಸಿನಿಮಾದ ಗೆಲುವಿನ ಬಳಿಕ ಪ್ರಿಯಾಂಕಾ ಮೋಹನ್‌ ಕೈಯಲ್ಲಿ ಮತ್ತೊಂದು ಸಿನಿಮಾವಿದೆ. ಆಂಧ್ರ ಪ್ರದೇಶದ ಉಪ ಮುಖ್ಯಮಂತ್ರಿ ಪವನ್ ಕಲ್ಯಾಣ್ ನಟಿಸುತ್ತಿರುವ 'ಓಜಿ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾವನ್ನು ಸಾಹೋ ಸಿನಿಮಾ ನಿರ್ದೇಶಕ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.