ವಿಚ್ಛೇದನದ ಬಳಿಕ ರಜನಿಕಾಂತ್ ಪುತ್ರಿ ಫುಲ್ ಬ್ಯುಸಿ: ನಿರ್ದೇಶನಕ್ಕಿಳಿದ್ರಾ ಐಶ್ವರ್ಯಾ?

ಸಿನಿಮಾ ನಿರ್ದೇಶಕನಕ್ಕೆ ಇಳಿದ್ರಾ ಐಶ್ವರ್ಯಾ ?

ಸೋಶಿಯಲ್ ಮೀಡಿಯಾದಲ್ಲಿ ಐಶ್ವರ್ಯಾ ರಜನಿಕಾಂತ್ ಅವರ ಒಂದು ಫೋಟೊ ಹರಿದಾಡುತ್ತಿದೆ. ಈ ಫೋಟೊದಲ್ಲಿ ಐಶ್ವರ್ಯಾ ತಮ್ಮ ತಂಡದೊಂದಿಗೆ ಚರ್ಚೆ ಮಾಡುತ್ತಿದ್ದಾರೆ. ಈ ಫೋಟೊವನ್ನು ಆಧಾರವಾಗಿಟ್ಟುಕೊಂಡು ಐಶ್ವರ್ಯಾ ರಜನಿಕಾಂತ್ ಮತ್ತೆ ನಿರ್ದೇಶನಕ್ಕೆ ಇಳಿದಿದ್ದಾರೆ ಎನ್ನಲಾಗುತ್ತಿದೆ. ಹೀಗಾಗಿ ಹೈದರಾಬಾದ್‌ನಲ್ಲಿ ರಜನಿಕಾಂತ್ ಪುತ್ರಿ ಬೀಡು ಬಿಟ್ಟಿದ್ದು, ಸಿನಿಮಾ ನಿರ್ದೇಶನದ ಕೆಲಸ ಜೋರಾಗಿ ನಡೆಯುತ್ತಿದೆ ಎನ್ನಲಾಗಿದೆ.

ಹಾಡು ಸಿದ್ಧತೆಯಲ್ಲಿ ರಜನಿ ಪುತ್ರಿ ಐಶ್ವರ್ಯಾ

ಐಶ್ವರ್ಯಾ ರಜನಿಕಾಂತ್ ವಿಚ್ಛೇದನ ಬಳಿಕ ಇದೇ ಮೊದಲ ಬಾರಿಗೆ ಕಾಣಿಸಿಕೊಂಡಿದ್ದಾರೆ. ತಮ್ಮ ನಿರ್ದೇಶನದ ಮುಂದಿನ ಸಿನಿಮಾ ಬಗ್ಗೆ ಸಾಕಷ್ಟು ತಲೆಕೆಡಿಕೊಂಡಿದ್ದು, ಸದ್ಯ ತಮ್ಮ ತಂಡದೊಂದಿಗೆ ಹಾಡುಗಳ ಚರ್ಚೆ ನಡೆಸುತ್ತಿದ್ದಾರೆ ಎಂದು ವರದಿಯಾಗಿದೆ. ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ಫೋಟೊದಲ್ಲೂ ಕೂಡ ಅದನ್ನೇ ನೋಡಬಹುದಾಗಿದೆ. ಟೇಬಲ್ ಕೊನೆಯಲ್ಲಿ ಕೂತಿರುವ ಐಶ್ವರ್ಯಾ ತಮ್ಮ ತಂಡದೊಂದಿಗೆ ಚರ್ಚೆ ಮಾಡುತ್ತಿದ್ದಾರೆ.

ಒಂದೇ ಹೊಟೇಲ್‌ನಲ್ಲಿ ಧನುಷ್-ಐಶ್ವರ್ಯಾ

ವಿಚ್ಛೇದನದ ಬಳಿಕ ಧನುಷ್ ಹಾಗೂ ಐಶ್ವರ್ಯಾ ರಜನಿಕಾಂತ್ ಇಬ್ಬರು ಒಂದೇ ಹೊಟೇಲ್‌ನಲ್ಲಿ ಉಳಿದುಕೊಂಡಿದ್ದಾರೆ. ಐಶ್ವರ್ಯಾ ಹಾಗೂ ಧನುಷ್ ಇಬ್ಬರೂ ರಾಮೋಜಿ ರಾವ್ ಸ್ಟುಡಿಯೋದಲ್ಲಿರುವ ಸಿತಾರಾ ಹೊಟೇಲ್‌ನಲ್ಲಿ ಉಳಿದುಕೊಂಡಿದ್ದಾರೆ. ಅವರವರ ಸಿನಿಮಾಗಳಿಗಾಗಿ ಇಬ್ಬರೂ ಒಂದೇ ಹೊಟೇಲ್‌ನಲ್ಲಿ ಉಳಿದುಕೊಂಡಿದ್ದಾರೆ. ತನ್ನ ನಿರ್ದೇಶನದ ಸಿನಿಮಾಗೆ ಸಂಬಂಧಿಸಿದ ಹಾಡುಗಳ ಬಗ್ಗೆ ಚರ್ಚೆ ಮಾಡಲು ಐಶ್ವರ್ಯಾ ಬಂದಿದ್ದರೆ, ಧನುಷ್ ತಮ್ಮ ಸಿನಿಮಾ ಶೂಟಿಂಗ್‌ಗೆ ಬಂದಿದ್ದಾರೆಂದು ಇ ಟೈಮ್ಸ್ ವರದಿ ಮಾಡಿದೆ.

ಆಮಿರ್ -ಕಿರಣ್ ಹಾದಿ ಹಿಡಿದ್ರಾ ಧನುಷ್-ಐಶ್ವರ್ಯಾ?

ಬಾಲಿವುಡ್ ಸೂಪರ್‌ಸ್ಟಾರ್ ಆಮಿರ್ ಖಾನ್ ಹಾಗೂ ಕಿರಣ್ ರಾವ್ ದಾಂಪತ್ಯಕ್ಕೆ ಅಂತ್ಯ ಹಾಡಿದ್ದಾರೆ. ಆದರೆ, ವಿಚ್ಛೇದನದ ಬಳಿಕ ಕಿರಣ್ ರಾವ್ ಮತ್ತೆ ನಿರ್ದೇಶನಕ್ಕೆ ಇಳಿದಿದ್ದಾರೆ. ಈ ಸಿನಿಮಾಗೆ ಪತಿ ಆಮಿರ್ ಖಾನ್ ನಿರ್ಮಾಪಕರಾಗಿದ್ದಾರೆ. ಈಗ ಐಶ್ವರ್ಯಾ ಕೂಡ ನಿರ್ದೇಶನಕ್ಕೆ ಇಳಿದಿದ್ದು, ಐಶ್ವರ್ಯಾ ಹಾಗೂ ಧನುಷ್ ಇವರ ಹಾದಿಯನ್ನೇ ಅನುಸರಿಸುತ್ತಿದ್ದಾರಾ? ಅನ್ನುವ ಪ್ರಶ್ನೆ ಎದುರಾಗಿದೆ. ಐಶ್ವರ್ಯಾ ನಿರ್ದೇಶನದ ಸಿನಿಮಾಗೆ ಧನುಷ್ ಹಣ ಹೂಡಿದರೆ, ಈ ಮಾತು ನಿಜವಾದಂತೆ.