Don't Miss!
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Lifestyle ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
- News ಮೈಸೂರು: ಪ್ರಧಾನಿ ಮೋದಿ ಕುರಿತಾದ ಹಾಡು ಶೇರ್ ಮಾಡಿ ಎಂದಿದ್ದಕ್ಕೆ ಯುವಕನ ಮೇಲೆ ಹಲ್ಲೆ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇವಳೇ ನನ್ನ ಮುಂದಿನ ಮಕ್ಕಳ ತಾಯಿ: ಖ್ಯಾತ ನಟಿಯ ಫೋಟೊ ಹಾಕಿದ ನಿರ್ದೇಶಕ!
ನಟಿ ನಯನತಾರಾ ಮತ್ತು ನಿರ್ದೇಶಕ ವಿಘ್ನೇಶ್ ಶಿವನ್ ನಡುವಿನ ಲವ್ವಿ ಡವ್ವಿ ಬಹಿರಂಗವಾಗಿರುವ ಸಂಗತಿ. ಇಬ್ಬರು ಕೆಲವು ಸಮಯಗಳಿಂದ ಡೇಟಿಂಗ್ ನಡೆಸುತ್ತಿದ್ದಾರೆ. 'ನಾನುಂ ರೌಡಿ ಧಾನ್' ಚಿತ್ರದಲ್ಲಿ ಜತೆಗೆ ಕೆಲಸ ಮಾಡುವ ಸಂದರ್ಭದಿಂದ ಇಬ್ಬರೂ ಪರಸ್ಪರ ಪ್ರೀತಿಯಲ್ಲಿ ಬಿದ್ದಿದ್ದಾರೆ ಎನ್ನಲಾಗಿದೆ.
Recommended Video
ತಮ್ಮ ಸಂಬಂಧದ ಕುರಿತು ಇಬ್ಬರೂ ಬಹಿರಂಗವಾಗಿ ಹೇಳಿಕೊಳ್ಳದೆ ಇದ್ದರೂ ಅವರು ಒಂದೆರಡು ವರ್ಷಗಳಿಂದ ಪ್ರೀತಿಸುತ್ತಿರುವುದು ಖಾತರಿಯಾಗಿತ್ತು. ಅವರ ಸಾಮಾಜಿಕ ಜಾಲತಾಣದ ಪೋಸ್ಟ್ಗಳಲ್ಲಿ ಈ ಪ್ರೇಮ ಪ್ರಸಂಗದ ಸುಳಿವು ಸಿಗುತ್ತಿತ್ತು. ಈಗ ನಿರ್ದೇಶಕ ವಿಘ್ನೇಶ್ ಶಿವನ್ ಒಂದು ಹೆಜ್ಜೆ ಮುಂದಿರಿಸಿದ್ದಾರೆ. ಅವರ ಸಂಬಂಧ ಮತ್ತೊಂದು ಹಂತಕ್ಕೆ ಸಾಗಲಿದೆ ಎಂಬ ಸುಳಿವು ನೀಡಿದ್ದಾರೆ. ನಯನತಾರಾ ಅವರೊಂದಿಗೆ ಅಧಿಕೃತವಾಗಿ ಸಂಸಾರ ಆರಂಭಿಸುವ ಸಾಧ್ಯತೆ ಇದೆ. ಮುಂದೆ ಓದಿ...
ವಿಘ್ನೇಶ್ ಶಿವನ್ ಫೋಟೊ
ಅಮ್ಮಂದಿರ ದಿನದ ಸಂದರ್ಭದಲ್ಲಿ ಅನೇಕ ಸೆಲೆಬ್ರಿಟಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ತಾಯಿಯ ಜತೆಗಿನ ಫೋಟೊ ಹಂಚಿಕೊಂಡು ಶುಭ ಹಾರೈಸಿದ್ದರು. ಆದರೆ ವಿಘ್ನೇಶ್ ಶಿವನ್ ಹಾಕಿರುವ ಫೋಟೊ ಮತ್ತು ಬರಹ ವಿಭಿನ್ನವಾಗಿದೆ. ಆ ಕಾರಣದಿಂದ ಸಾಕಷ್ಟು ಚರ್ಚೆಗೂ ಒಳಗಾಗಿದೆ.
ಸಿಂಬು ಮತ್ತು ನಯನತಾರಾ ಬ್ರೇಕಪ್ಗೆ ಕಾರಣವಾಗಿದ್ದು ಮುತ್ತಿನ ಫೋಟೊ!
ಭವಿಷ್ಯದ ಮಕ್ಕಳ ತಾಯಿ
ಸಮುದ್ರವೊಂದರ ತೀರದಲ್ಲಿ ಮಗು ಎತ್ತಿಕೊಂಡು ನಿಂತಿರುವ ನಯನತಾರಾ ಅವರ ಫೋಟೊವೊಂದನ್ನು ವಿಘ್ನೇಶ್ ಶಿವನ್ ಶೇರ್ ಮಾಡಿದ್ದಾರೆ. 'ನನ್ನ ಭವಿಷ್ಯದ ಮಕ್ಕಳ ತಾಯಿಯ ಕೈಯಲ್ಲಿರುವ ಈ ಪುಟಾಣಿ ಕಂದಮ್ಮನ ಅಮ್ಮನಿಗೆ ತಾಯಂದಿರ ದಿನದ ಶುಭಾಶಯ' ಎಂದು ಬರೆದಿದ್ದಾರೆ.
ಸಂಸಾರದ ಸುಳಿವು
ವಿಘ್ನೇಶ್ ಫೋಟೊ ಸಾಕಷ್ಟು ವೈರಲ್ ಆಗಿದ್ದು, ನಯನತಾರಾ ಮತ್ತು ವಿಘ್ನೇಶ್ ಅಭಿಮಾನಿಗಳು ಮುಗಿಬಿದ್ದು ಕಾಮೆಂಟ್ಗಳನ್ನು ಹಾಕುತ್ತಿದ್ದಾರೆ. ಏಕೆಂದರೆ ಈ ಫೋಟೊದ ಮೂಲಕ ತಾವಿಬ್ಬರೂ ಮದುವೆಯಾಗುತ್ತಿದ್ದೇವೆ ಮತ್ತು ಸಂಸಾರ ಮಾಡಲಿದ್ದೇವೆ ಎಂಬ ಸುಳಿವನ್ನು ವಿಘ್ನೇಶ್ ನೀಡಿದ್ದಾರೆ.
'ನನ್ನ ಸಂಸಾರ ಹಾಳು ಮಾಡಿದ್ದೇ ನಯನತಾರಾ': ಕಿಡಿಕಾರಿದ ಪ್ರಭುದೇವ ಮಾಜಿ ಪತ್ನಿ
ಅಮ್ಮನ ಜತೆಗನ ಫೋಟೊ
ಈ ಪೋಸ್ಟ್ ಹಾಕುವುದಕ್ಕೂ ಮುನ್ನ ವಿಘ್ನೇಶ್ ಅಮ್ಮಂದಿರ ದಿನದ ಇನ್ನೂ ಮೂರು ಪೋಸ್ಟ್ಗಳನ್ನು ಹಾಕಿದ್ದರು. ತಮ್ಮ ಅಮ್ಮನೊಂದಿಗಿನ ಫೋಟೊಗಳನ್ನು ಹಂಚಿಕೊಂಡಿರುವ ಅವರು, ಇನ್ನೊಂದು ಪೋಸ್ಟ್ನಲ್ಲಿ ನಯನತಾರಾ ಹಾಗೂ ಅವರ ಅಮ್ಮ ಜತೆಗಿರುವ ಫೋಟೊಗಳನ್ನು ಹಾಕಿದ್ದಾರೆ.
ನಯನತಾರಾ ತಾಯಿಯ ಫೋಟೊ
'ಅಮ್ಮಂದಿರ ದಿನದ ಶುಭಾಶಯಗಳು ಮಿಸೆಸ್ ಕುರಿಯನ್. ಇಷ್ಟು ಸುಂದರವಾದ ಮಗುವಿಗೆ ಜನ್ಮ ನೀಡುವ ಮೂಲಕ ಬಹಳ ಒಳ್ಳೆಯ ಕೆಲಸ ಮಾಡಿದ್ದೀರಿ. ನಿಮ್ಮನ್ನು ನಾವು ತುಂಬಾ ಪ್ರೀತಿಸುತ್ತೇವೆ ಅಮ್ಮಾ' ಎಂದು ಅದರಲ್ಲಿ ಬರೆದಿದ್ದಾರೆ.