ಇವಳೇ ನನ್ನ ಮುಂದಿನ ಮಕ್ಕಳ ತಾಯಿ: ಖ್ಯಾತ ನಟಿಯ ಫೋಟೊ ಹಾಕಿದ ನಿರ್ದೇಶಕ!

ವಿಘ್ನೇಶ್ ಶಿವನ್ ಫೋಟೊ

ಅಮ್ಮಂದಿರ ದಿನದ ಸಂದರ್ಭದಲ್ಲಿ ಅನೇಕ ಸೆಲೆಬ್ರಿಟಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ತಾಯಿಯ ಜತೆಗಿನ ಫೋಟೊ ಹಂಚಿಕೊಂಡು ಶುಭ ಹಾರೈಸಿದ್ದರು. ಆದರೆ ವಿಘ್ನೇಶ್ ಶಿವನ್ ಹಾಕಿರುವ ಫೋಟೊ ಮತ್ತು ಬರಹ ವಿಭಿನ್ನವಾಗಿದೆ. ಆ ಕಾರಣದಿಂದ ಸಾಕಷ್ಟು ಚರ್ಚೆಗೂ ಒಳಗಾಗಿದೆ.

ಭವಿಷ್ಯದ ಮಕ್ಕಳ ತಾಯಿ

ಸಮುದ್ರವೊಂದರ ತೀರದಲ್ಲಿ ಮಗು ಎತ್ತಿಕೊಂಡು ನಿಂತಿರುವ ನಯನತಾರಾ ಅವರ ಫೋಟೊವೊಂದನ್ನು ವಿಘ್ನೇಶ್ ಶಿವನ್ ಶೇರ್ ಮಾಡಿದ್ದಾರೆ. 'ನನ್ನ ಭವಿಷ್ಯದ ಮಕ್ಕಳ ತಾಯಿಯ ಕೈಯಲ್ಲಿರುವ ಈ ಪುಟಾಣಿ ಕಂದಮ್ಮನ ಅಮ್ಮನಿಗೆ ತಾಯಂದಿರ ದಿನದ ಶುಭಾಶಯ' ಎಂದು ಬರೆದಿದ್ದಾರೆ.

ಸಂಸಾರದ ಸುಳಿವು

ವಿಘ್ನೇಶ್ ಫೋಟೊ ಸಾಕಷ್ಟು ವೈರಲ್ ಆಗಿದ್ದು, ನಯನತಾರಾ ಮತ್ತು ವಿಘ್ನೇಶ್ ಅಭಿಮಾನಿಗಳು ಮುಗಿಬಿದ್ದು ಕಾಮೆಂಟ್‌ಗಳನ್ನು ಹಾಕುತ್ತಿದ್ದಾರೆ. ಏಕೆಂದರೆ ಈ ಫೋಟೊದ ಮೂಲಕ ತಾವಿಬ್ಬರೂ ಮದುವೆಯಾಗುತ್ತಿದ್ದೇವೆ ಮತ್ತು ಸಂಸಾರ ಮಾಡಲಿದ್ದೇವೆ ಎಂಬ ಸುಳಿವನ್ನು ವಿಘ್ನೇಶ್ ನೀಡಿದ್ದಾರೆ.

ಅಮ್ಮನ ಜತೆಗನ ಫೋಟೊ

ಈ ಪೋಸ್ಟ್ ಹಾಕುವುದಕ್ಕೂ ಮುನ್ನ ವಿಘ್ನೇಶ್ ಅಮ್ಮಂದಿರ ದಿನದ ಇನ್ನೂ ಮೂರು ಪೋಸ್ಟ್‌ಗಳನ್ನು ಹಾಕಿದ್ದರು. ತಮ್ಮ ಅಮ್ಮನೊಂದಿಗಿನ ಫೋಟೊಗಳನ್ನು ಹಂಚಿಕೊಂಡಿರುವ ಅವರು, ಇನ್ನೊಂದು ಪೋಸ್ಟ್‌ನಲ್ಲಿ ನಯನತಾರಾ ಹಾಗೂ ಅವರ ಅಮ್ಮ ಜತೆಗಿರುವ ಫೋಟೊಗಳನ್ನು ಹಾಕಿದ್ದಾರೆ.

ನಯನತಾರಾ ತಾಯಿಯ ಫೋಟೊ

'ಅಮ್ಮಂದಿರ ದಿನದ ಶುಭಾಶಯಗಳು ಮಿಸೆಸ್ ಕುರಿಯನ್. ಇಷ್ಟು ಸುಂದರವಾದ ಮಗುವಿಗೆ ಜನ್ಮ ನೀಡುವ ಮೂಲಕ ಬಹಳ ಒಳ್ಳೆಯ ಕೆಲಸ ಮಾಡಿದ್ದೀರಿ. ನಿಮ್ಮನ್ನು ನಾವು ತುಂಬಾ ಪ್ರೀತಿಸುತ್ತೇವೆ ಅಮ್ಮಾ' ಎಂದು ಅದರಲ್ಲಿ ಬರೆದಿದ್ದಾರೆ.