ತಮಿಳು ವಿತರಕರಿಗೆ ಹೊಸ ಆಫರ್ ಕೊಟ್ಟ ಕೆವಿಎನ್; 'ಜನನಾಯಗನ್' ಬಿಡುಗಡೆಗೆ ಹೊಸ ಡೀಲ್.. ಏನದು?

ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ, ಇಷ್ಟೊತ್ತಿಗಾಗಲೇ ದಳಪತಿ ವಿಜಯ್ ನಟನೆಯ 'ಜನ ನಾಯಗನ್' ರಿಲೀಸ್ ಆಗಿ ಏಳು ತಿಂಗಳು ಆಗಬೇಕಿತ್ತು. ಆದರೆ, ಅಷ್ಟರೊಳಗೆ ವಿಜಯ್ ರಾಜಕೀಯಕ್ಕೆ ಎಂಟ್ರಿ ಕೊಟ್ಟಿದ್ದರಿಂದ ಈ ವರ್ಷದ ಸಂಕ್ರಾಂತಿ ಹಬ್ಬಕ್ಕೆ ರಿಲೀಸ್ ಆಗಬೇಕಿತ್ತು. ಆದರೆ, ಸೆನ್ಸಾರ್ ಮಂಡಳಿ ಜೊತೆಗಿನ ಭಿನ್ನಾಭಿಪ್ರಾಯಗಳಿಂದ ಸೆನ್ಸಾರ್ ಆಗುವುದು ತಡವಾಯ್ತು. ಕೋರ್ಟು-ಕಚೇರಿ ಅಂತ ಸಿನಿಮಾಗೆ ಸೆನ್ಸಾರ್ ಸಿಕ್ಕಿರಲಿಲ್ಲ.

ಅಷ್ಟರಲ್ಲಿ ವಿಜಯ್ ಪ್ರಚಾರ ಮಾಡಿ, ಚುನಾವಣೆಗೂ ನಿಂತಿದ್ರು. ಅಷ್ಟೇ ಅಲ್ಲದೆ, ತಮ್ಮ ಟಿವಿಕೆ ಪಕ್ಷವನ್ನು ಗೆಲ್ಲಿಸಿ ಮುಖ್ಯಮಂತ್ರಿ ಆಗಿದ್ದೂ ಆಗಿದೆ. ಆದರೆ, ಚುನಾವಣೆಗೆ 'ಜನ ನಾಯಗನ್' ಸಹಾಯ ಮಾಡಬಹುದೆಂಬ ನಿರೀಕ್ಷೆಯಲ್ಲಿದ್ದ ವಿಜಯ್‌ಗೆ ನಿರಾಸೆಯಾಗಿತ್ತು.