ಬಿಗ್ ಬಾಸ್ 5ನೇ ಆವೃತ್ತಿಗೆ ಕಮಲ್ ಹಾಸನ್ ಸಂಭಾವನೆ ಏರಿಕೆ?

ನಿರೂಪಣೆ ಬದಲಾವಣೆಯ ಸುದ್ದಿ

ರಾಜಕೀಯ, ಸಿನಿಮಾ ಕಾರಣದಿಂದ ಕಮಲ್ ಹಾಸನ್ ಬಿಗ್ ಬಾಸ್ ನಿರೂಪಣೆಯಿಂದ ಹಿಂದೆ ಸರಿಯಲಿದ್ದಾರೆ ಎಂಬ ಮಾತಿತ್ತು. ಹಾಗಾಗಿ, ಕಮಲ್ ಹಾಸನ್ ಬದಲು ಮತ್ತೊಬ್ಬ ನಿರೂಪಕನನ್ನು ಕರೆತರುವ ನಿಟ್ಟಿನಲ್ಲಿ ಆಯೋಜಕರು ಕೆಲಸ ಮಾಡ್ತಿದ್ದಾರೆ ಎಂದು ವರದಿಗಳು ಆಗಿದ್ದವು. ಆದ್ರೀಗ, ಕಮಲ್ ಹಾಸನ್ ಐದನೇ ಆವೃತ್ತಿಯ ಜವಾಬ್ದಾರಿ ತೆಗೆದುಕೊಂಡಿರುವ ಬಗ್ಗೆ ಚಾನಲ್‌ ಕಡೆಯಿಂದ ಬಹಿರಂಗವಾಗಿದೆ.

ಕಮಲ್ ಹಾಸನ್ ಸಂಭಾವನೆ ಏರಿಕೆ!

ಐದನೇ ಆವೃತ್ತಿಯ ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಕಮಲ್ ಹಾಸನ್ ಸಂಭಾವನೆಯಲ್ಲಿ ಏರಿಕೆ ಕಂಡಿದೆ ಎಂದು ಹೇಳಲಾಗಿದೆ. ವಾರದ ಎಪಿಸೋಡ್‌ಗೆ 3.5 ಕೋಟಿ ಚಾರ್ಜ್ ಮಾಡ್ತಾರೆ. ಶೋ ಮುಕ್ತಾಯ ವೇಳೆಗೆ 55 ಕೋಟಿ ಸಂಭಾವನೆ ಪಡೆದುಕೊಳ್ಳಲಿದ್ದಾರೆ ಎಂದು ತಮಿಳು ವೆಬ್‌ಸೈಟ್‌ಗಳು ವರದಿ ಮಾಡಿದೆ.

ಮೊದಲು ಎಷ್ಟು ಪಡೆಯುತ್ತಿದ್ದರು?

ಈ ಮೊದಲ ವಾರದ ಎಪಿಸೋಡ್‌ಗೆ 3 ಕೋಟಿ ಸಂಭಾವನೆ ನಿಗದಿಯಾಗಿತ್ತು. ಸುಮಾರು 15 ವಾರಗಳ ಕಾಲ ಶೂಟಿಂಗ್ ಮಾಡಲಾಗುತ್ತಿತ್ತು. ಆದ್ರೀಗ, ವಾರದ ಎಪಿಸೋಡ್‌ಗೆ 50 ಲಕ್ಷ ಏರಿಕೆ ಮಾಡಿದ್ದಾರೆ ಎಂಬ ಸುದ್ದಿ ಹೊರಬಿದ್ದಿದೆ.

ವಿಕ್ರಮ್ ಸಿನಿಮಾದಲ್ಲಿ ನಟನೆ

ಮಾಸ್ಟರ್ ಸಿನಿಮಾದ ಬಳಿಕ ಲೋಕೇಶ್ ಕನಕರಾಜ್ ನಿರ್ದೇಶನ ಮಾಡುತ್ತಿರುವ 'ವಿಕ್ರಮ್' ಸಿನಿಮಾದಲ್ಲಿ ಕಮಲ್ ಹಾಸನ್ ನಟಿಸುತ್ತಿದ್ದಾರೆ. ಈಗಾಗಲೇ ಮೊದಲ ಹಂತದ ಚಿತ್ರೀಕರಣ ಮುಗಿದಿದೆ. ಲಾಕ್‌ಡೌನ್‌ನಿಂದ ರಿಲೀಫ್ ಸಿಕ್ಕಿದ ಕೂಡಲೇ ಎರಡನೇ ಹಂತದ ಶೂಟಿಂಗ್ ಆರಂಭಿಸಲಿದ್ದಾರೆ.