Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶತ್ರುಗಳ ಜೊತೆ ಕಮಲ್ ಹಾಸನ್ ಭರ್ಜರಿ ಭೋಜನ: ವಿಕ್ರಂ ಟೀಸರ್
ಇಂದು (ನವೆಂಬರ್ 7) ಕಮಲ್ ಹಾಸನ್ ಹುಟ್ಟುಹಬ್ಬ. ಇದೇ ದಿನ ಕಮಲ್ ಅಭಿನಯಿಸುತ್ತಿರುವ 232ನೇ ಸಿನಿಮಾದ ಟೈಟಲ್ ಟೀಸರ್ ಅನ್ನು ಬಿಡುಗಡೆ ಮಾಡಲಾಗಿದೆ.
ಪಕ್ಕಾ ಆಕ್ಷನ್ ಸಿನಿಮಾ 'ವಿಕ್ರಂ' ನಲ್ಲಿ ಕಮಲ್ ಹಾಸನ್ ನಟಿಸುತ್ತಿದ್ದು, ಸಿನಿಮಾದ ಟೈಟಲ್ ಪ್ರಕಟಿಸಲು ಕುತೂಹಲಕಾರಿಯಾದ ಟೀಸರ್ ಅನ್ನು ಸಿನಿಮಾ ತಂಡ ಇಂದು ಬಿಡುಗಡೆ ಮಾಡಿದೆ.
ಇದೊಂದು ಪಕ್ಕಾ ಆಕ್ಷನ್ ಕತೆ ಸಿನಿಮಾ ಎಂಬುದು ಟೀಸರ್ನಲ್ಲಿ ಸ್ಪಷ್ಟವಾಗಿ ಗೊತ್ತಾಗುತ್ತಿದೆ. ಕಮಲ್ ಹಾಸನ್, ಶತ್ರುಗಳ ಜೊತೆಗೆ ಕೂತು ಭರ್ಜರಿ ಭೋಜನ ಮಾಡುವ ದೃಶ್ಯ ಟೀಸರ್ನಲ್ಲಿದ್ದು, ಸಿನಿಮಾದ ಬಗ್ಗೆ ಸಾಕಷ್ಟು ಕುತೂಹಲ ಕೆರಳಿಸುತ್ತಿದೆ ಟೀಸರ್.
ಶತ್ರುಗಳಿಗಾಗಿ ಭೋಜನ ತಯಾರಿಸಿಡುವ ಕಮಲ್
ಟೀಸರ್ನಲ್ಲಿರುವಂತೆ, ಕಮಲ್ ಹಾಸನ್, ತಮ್ಮ ಶತ್ರುಗಳು ತಮ್ಮನ್ನು ಹುಡುಕಿಕೊಂಡು ಬರುತ್ತಿದ್ದಾರೆಂದು ಮೊದಲೇ ಗೊತ್ತಿದ್ದು, ಅವರಿಗೆಲ್ಲಾ ಭೋಜನ ತಯಾರಿ ಮಾಡಿ, ಟೇಬಲ್ ಮೇಲಿಟ್ಟು ಅವರಿಗಾಗಿ ಕಾಯುತ್ತಿದ್ದಾರೆ.
ಮುಖಕ್ಕೆ ಕಪ್ಪು ಬಟ್ಟೆ ಧರಿಸಿ ಬರುವ ಶತ್ರುಗಳು
ಆದರೆ ಹೀಗೆ ಕಾಯುವ ಮುನ್ನಾ, ಮನೆಯ ತುಂಬೆಲ್ಲಾ ಯಾರಿಗೂ ಗೊತ್ತಾಗದಂತೆ, ತಾವು ಕೈಯಿಟ್ಟಲೆಲ್ಲಾ ಶಸ್ತ್ರಾಸ್ತ್ರಗಳೇ ಸಿಗುವಂತೆ ಒಂದೊಂದೆ ಬಂದೂಕು, ಕತ್ತಿಗಳನ್ನು ಜೋಡಿಸಿಟ್ಟಿದ್ದಾರೆ. ಪೊಲೀಸ್, ರಾಜಕಾರಣಿ ಹೀಗೆ ಶತ್ರುಗಳು ವಿವಿಧ ವೇಷಗಳಲ್ಲಿ ಬರುತ್ತಾರೆ. ಎಲ್ಲರೂ ಮುಖಕ್ಕೆ ಕಪ್ಪು ಬಣ್ಣದ ಮಾಸ್ಕ್ ತೊಟ್ಟಿದ್ದಾರೆ.
'ಈಗ ಆರಂಭ ಮಾಡೋಣವೇ?'
ಶತ್ರುಗಳ ಊಟವೆಲ್ಲಾ ಮುಗಿದ ನಂತರ ಕಮಲ್ ಹಸನ್ ತಮ್ಮ ಶೈಲಿಯಲ್ಲಿ, 'ಈಗ ಆರಂಭ ಮಾಡೋಣವೇ' ಎನ್ನುತ್ತಾ ಊಟದ ಟೇಬಲ್ ಕೆಳಗಿಂದ ಎರಡು ಕತ್ತಿಗಳನ್ನು ತೆಗೆದು ಮುಂದಕ್ಕೆ ಎಸೆಯುತ್ತಾರೆ. ಅಲ್ಲಿ ಸಿನಿಮಾದ ಹೆಸರು 'ವಿಕ್ರಂ' ಎಂದು ಭರ್ಜರಿ ಹಿನ್ನೆಲೆ ಸಂಗೀತದೊಂದಿಗೆ ಕಾಣಿಸಿಕೊಳ್ಳುತ್ತದೆ.
Recommended Video
ಲೋಕೇಶ್ ಕನಕರಾಜನ್ ನಿರ್ದೇಶನ
ವಿಕ್ರಂ ಸಿನಿಮಾವನ್ನು ನಿರ್ದೇಶಕ ಲೋಕೇಶ್ ಕನಕರಾಜನ್ ನಿರ್ದೇಶಿಸುತ್ತಿದ್ದಾರೆ. ಸಿನಿಮಾದ ನಿರ್ಮಾಣವನ್ನು ರಾಜ್ ಕಮಲ್ ಇಂಟರ್ನ್ಯಾಷನಲ್ ವಹಿಸಿಕೊಂಡಿದೆ. ಸಿನಿಮಾಕ್ಕೆ ಅನಿರುದ್ಧ ಸಂಗೀತ ನೀಡಿದ್ದಾರೆ. ವಿಕ್ರಂ ಸಿನಿಮಾಕ್ಕೂ ಮುನ್ನಾ ಇಂಡಿಯನ್ 2 ಬಿಡುಗಡೆ ಆಗಲಿದೆ.