ಕಮಲ್ ಹಾಸನ್ 'ವಿಕ್ರಂ' ಪ್ರೀ-ರಿಲೀಸ್ 200 ಕೋಟಿ ಗಳಿಕೆ: ದೊಡ್ದದಾಗಿದೆ ಬಾಕ್ಸಾಫೀಸ್ ಲೆಕ್ಕಾಚಾರ!

'ವಿಕ್ರಂ' ಪ್ರೀ ರಿಲೀಸ್ ವ್ಯಾಪಾರ 200 ಕೋಟಿ ರೂ!

ನಟ ಕಮಲ್ ಹಾಸನ್ ಅಭಿನಯದ 'ವಿಕ್ರಂ' ಸಿನಿಮಾ ಒಂದೊಂದೇ ದಾಖಲೆ ಮಾಡುತ್ತಿದೆ. ಸದ್ಯ ಪ್ರೀ ರಿಲೀಸ್ ವ್ಯಾಪಾರದ ವಿಚಾರವಾಗಿ ಸುದ್ದಿ ಆಗಿದೆ. 'ವಿಕ್ರಂ' ಸಿನಿಮಾ ರಿಲೀಸ್‌ಗೂ ಮುನ್ನ 200 ಕೋಟಿಯ ಬ್ಯುಸಿನೆಸ್ ಮಾಡಿದೆ ಎನ್ನಲಾಗುತ್ತಿದೆ. ಇದು ಕೂಡ ದೊಡ್ಡ ಮಟ್ಟದ ವ್ಯವಹಾರವೇ. ಇನ್ನು ನಟ ಕಮಲ್ ಹಸನ್ ಸಿನಿಮಾ ಜರ್ನಿಯಲ್ಲಿ ಯಾವ ಸಿನಿಮಾ ಕೂಡ ಇಷ್ಟರ ಮಟ್ಟಿಗೆ ಗಳಿಕೆ ಕಂಡಿಲ್ಲ. ಇದೇ ಮೊದಲ ಬಾರಿಗೆ ಸಿನಿಮಾ ರಿಲೀಸ್‌ಗೂ ಮುನ್ನವೆ 200 ಕೋಟಿ ಬಾಚಿಕೊಂಡಿದೆ.

'ವಿಕ್ರಂ' ಭರ್ಜರಿ ಅಡ್ವಾನ್ಸ್ ಬುಕ್ಕಿಂಗ್!

'ವಿಕ್ರಂ' ಸಿನಿಮಾ ಮುಂಗಡ ಟಿಕೆಟ್ ಬುಕ್ಕಿಂಗ್ ತೆರೆಯಲಾಗಿದೆ. ಚಿತ್ರದ ಅಡ್ವಾನ್ಸ್ ಬುಕ್ಕಿಂಗ್‌ಗೆ ಭರ್ಜರಿಯಾಗಿ ಸಾಗುತ್ತಿದೆ. ಇನ್ನು ಸದ್ಯದ ಮಾಹಿತಿಯ ಪ್ರಕಾರ 'ವಿಕ್ರಂ' ಸಿನಿಮಾ ಮುಂಗಡ ಬುಕ್ಕಿಂಗ್‌ನಿಂದ 3.40 ಕೋಟಿ ಗಳಿಕೆ ಕಂಡಿದೆ. ಇದರಲ್ಲಿ ಬಹುತೇಕ ಟಿಕೆಟ್‌ಗಳು ಚೆನ್ನೈನಲ್ಲೇ ಬುಕ್ ಆಗಿವೆ. ಇನ್ನು ಸಿನಿಮಾ ರಿಲೀಸ್‌ಗೆ 3 ದಿನಗಳು ಬಾಕಿ ಇರುವುದರಿಂದ ಅಷ್ಟರಲ್ಲಿ ಮತ್ತಷ್ಟು ಮುಂಗಡ ಬುಕ್ಕಿಂಗ್ ಹೆಚ್ಚಾಗಬಹುದು ಎಂದು ಅಂದಾಜಿಸಲಾಗಿದೆ.

4000 ಸ್ಕ್ರೀನ್‌ಗಳಲ್ಲಿ 'ವಿಕ್ರಂ' ರಿಲೀಸ್!

'ವಿಕ್ರಂ' ಸಿನಿಮಾ ದೊಡ್ಡ ಮಟ್ಟದಲ್ಲಿ ತೆರೆಗೆ ಬರುತ್ತಾ ಇದೆ. ದೇಶದಾದ್ಯಂತ ಸುಮಾರು 4000 ಪರದೆಗಳಲ್ಲಿ 'ವಿಕ್ರಂ' ಸಿನಿಮಾ ತೆರೆಕಾಣುತ್ತಾ ಇದೆ. ಹಾಗಾಗಿ ಸಿನಿಮಾದ ಕಲೆಕ್ಷನ್ ಮೇಲೆ ನಿರೀಕ್ಷೆ ಸಹಜವಾಗಿಯೇ ಹೆಚ್ಚಾಗಿದೆ. ಇನ್ನು ಬಾಲಿವುಡ್‌ನ ಅಕ್ಷಯ್ ಕುಮಾರ್ ಅಭಿನಯದ 'ಸಾಮ್ರಾಟ್ ಪೃಥ್ವಿ ರಾಜ್' ಕೂಡ ದೇಶದಾದ್ಯಂತ 4000 ಸ್ಕ್ರೀನ್‌ಗಳಲ್ಲಿ ರಿಲೀಸ್ ಆಗುತ್ತಾ ಇದೆ.

ಮೊದಲ ದಿನ ಕಲೆಕ್ಷನ್ ನಿರೀಕ್ಷೆ!

'ವಿಕ್ರಂ' ರಿಲೀಸ್‌ಗೂ ಮುನ್ನ ಸಾಕಷ್ಟು ನಿರೀಕ್ಷೆಯನ್ನು ಹುಟ್ಟು ಹಾಕಿದೆ. ಇದು ಪ್ಯಾನ್ ಇಂಡಿಯಾ ಸಿನಿಮಾ ಅಲ್ಲದೇ ಇದ್ದರೂ, ಪ್ಯಾನ್ ಇಂಡಿಯಾ ಸಿನಿಮಾದ ಮಾದರಿ ಕ್ರೇಜ್ ಹುಟ್ಟಕೊಂಡಿದೆ. ಹಾಗಾಗಿ ಈ ಸಿನಿಮಾದ ಬಾಕ್ಸಫೀಸ್ ಕಲೆಕ್ಷನ್ ಮೇಲು ಸಾಕಷ್ಟು ನಿರೀಕ್ಷೆ ಹುಟ್ಟು ಹಾಕಿದೆ. ಮುಂಗಡ ಟಿಕೆಟ್ ಬುಕ್ಕಿಂಗ್ ಮೊದಲ ದಿನದ ಗಳಿಕೆ ಮೇಲೆ ಎಲ್ಲಿಲ್ಲದ ನಿರೀಕ್ಷೆ ಮೂಡಿದೆ.