ಕೀರ್ತಿ ಸುರೇಶ್ ಮೇಲೆ ಹಲ್ಲೆ, ಫೋಟೊ ನೋಡಿ ಬೆಚ್ಚಿಬಿದ್ದ ಫ್ಯಾನ್ಸ್: ಇದು ರೀಲ್ or ರಿಯಲ್?

ಕೀರ್ತಿ ಸುರೇಶ್ ಮೇಲೆ ಹಲ್ಲೆ ಆಯ್ತಾ?

ಬಹುಭಾಷಾ ನಟಿ ಕೀರ್ತಿ ಸುರೇಶ್, ಮುಖದ ಮೇಲೆ ಗಾಯಗಳಾಗಿವೆ. ಯಾರೋ ಕೀರ್ತಿ ಸುರೇಶ್‌ ಮೇಲೆ ಅಟ್ಯಾಕ್ ಮಾಡಿದ್ದಾರೆ ಅನ್ನುವಂತಹ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ಈ ಫೋಟೊಗಳನ್ನು ನೋಡಿ ಒಂದು ಕ್ಷಣ ಅವರ ಅಭಿಮಾನಿಗಳು ಹಾಗೂ ಸಿನಿಪ್ರಿಯರೇ ಬೆಚ್ಚಿಬಿದ್ದಿದ್ದಾರೆ. ಅಷ್ಟಕ್ಕೂ ಕೀರ್ತಿ ಸುರೇಶ್ ಮೇಲೆ ಹಲ್ಲೆ ಆಯ್ತಾ ಅಂತ ಗಾಬರಿ ಬಿದ್ದಿದ್ದಾರೆ.

ಕೀರ್ತಿ ಸುರೇಶ್ ಫೋಟೊ ಕಥೆಯೇನು?

ಬಹುಭಾಷಾ ನಟಿ ಕೀರ್ತಿ ಸುರೇಶ್ ಮೇಲೆ ಹಲ್ಲೆ ಆದಂತೆ ಕಾಣುವ ಪೋಟೊಗಳು ಸೋಶಿಯಲ್ ಮೀಡಿಯಾಗೆ ಎಂಟ್ರಿ ಕೊಡುತ್ತಿದ್ದಂತೆ ವೈರಲ್ ಆಗಿದ್ದವು. ಆದರೆ, ಇದು ರಿಯಲ್ ಫೋಟೊಗಳು ಅಲ್ಲ. ಕೀರ್ತಿ ಸುರೇಶ್ ಅಭಿನಯದ ಹೊಸ ಸಿನಿಮಾ 'ಸಾನಿ ಕಾಯಿಧಮ್' (Saani Kaayidham) ಸಿನಿಮಾದ ಮೇಕಿಂಗ್ ವೇಳೆ ತೆಗೆದ ಫೋಟೊಗಳು. ಇದೇ ಫೋಟೊ ನೋಡಿ ಕೀರ್ತಿ ಫ್ಯಾನ್ಸ್ ಗಾಬರಿಗೊಂಡಿದ್ದರು. ಈ ಸಿನಿಮಾದಲ್ಲಿ ಕೀರ್ತಿ ಸುರೇಶ್ ರಗಡ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಕೀರ್ತಿ ಸುರೇಶ್ ಸೇಡು

ತಮಿಳು ಸಿನಿಮಾ 'ಸಾನಿ ಕಾಯಿಧಮ್' ಈಗಾಗಲೇ ನೇರವಾಗಿ ಒಟಿಟಿಯಲ್ಲಿ ರಿಲೀಸ್ ಆಗಿದೆ. ಕೀರ್ತಿ ಸುರೇಶ್ ಹಿಂದೆಂದೂ ಇಂತಹದ್ದೊಂದು ಪಾತ್ರದಲ್ಲಿ ಕಾಣಿಸಿಕೊಂಡಿಲ್ಲ. ಈ ಸಿನಿಮಾದಲ್ಲಿ ಕೀರ್ತಿ ಸುರೇಶ್ ಪೊಲೀಸ್ ಕಾನ್‌ಸ್ಟೇಬಲ್ ಪೊನ್ನಿಯಾಗಿ ಕಾಣಿಸಿಕೊಂಡಿದ್ದಾರೆ. ಈಕೆಯ ಮೇಲೆ ಗ್ಯಾಂಗ್ ರೇಪ್ ಆಗುತ್ತೆ. ಅಲ್ಲಿಂದ ಸಿನಿಮಾ ಪೊನ್ನಿ ಹೇಗೆ ಸೇಡು ತೀರಿಸಿಕೊಳ್ಳುತ್ತಾಳೆ? ಆಕೆಯ ಕ್ರೂರ ಮುಖವನ್ನು ಇಲ್ಲಿ ಬಿಂಬಿಸಲಾಗಿದೆ. ಇಂತಹ ಸಂದರ್ಭವೊಂದರಲ್ಲಿ ತೆಗೆದ ಫೋಟೊಗಳೇ ಈಗ ವೈರಲ್ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.

ಸಿನಿಮಾಗೆ ಸೂಪರ್‌ ರೆಸ್ಪಾನ್ಸ್

ಅಮೆಜಾನ್ ಪ್ರೈಂನಲ್ಲಿ 'ಸಾನಿ ಕಾಯಿಧಮ್' ಸಿನಿಮಾ ರಿಲೀಸ್ ಆಗಿದೆ. ಸಿನಿಮಾ ನೋಡಿದ ಬಳಿಕ ನೆಟ್ಟಿಗರು ಮೆಚ್ಚುಗೆ ಮಾತುಗಳನ್ನಾಡುತ್ತಿದ್ದಾರೆ. ಕೀರ್ತಿ ಸುರೇಶ್ ಪರ್ಫಾಮೆನ್ಸ್ ನೋಡಿ ಮೆಚ್ಚಿಕೊಂಡಿದ್ದಾರೆ. ಸಿನಿಮಾದ ಭಾವನಾತ್ಮಕ ಸನ್ನಿವೇಶಗಳಿಗೆ ಮರುಳಾಗಿದ್ದಾರೆ. ವಿಶೇಷ ಅಂದರೆ, ನಿರ್ದೇಶಕ ಸೆಲ್ವರಾಘವನ್ ಪಾತ್ರಕ್ಕೂ ಪ್ರೇಕ್ಷಕರು ಭೇಷ್ ಅನ್ನುತ್ತಿದ್ದಾರೆ.