Beast Day 1 Box Office Collection: 'KGF 2' ಎದುರು ನಿಂತ 'ಬೀಸ್ಟ್' ಕಲೆಕ್ಷನ್ ಎಷ್ಟು? ಕರ್ನಾಟಕದಲ್ಲಿ ಗಳಿಸಿದ್ದೆಷ್ಟು?

'ಬೀಸ್ಟ್' ಫಸ್ಟ್ ಡೇ ಕಲೆಕ್ಷನ್ ಎಷ್ಟು?

'ಬೀಸ್ಟ್' ಸಿನಿಮಾಗೆ ಮೊದಲ ದಿನ ಬಾಕ್ಸಾಫೀಸ್‌ನಲ್ಲಿ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ದಳಪತಿ ವಿಜಯ್ ಸಿನಿಮಾ ಅದಷ್ಟೇ ಕೆಟ್ಟ ರೆಸ್ಪಾನ್ಸ್ ಸಿಕ್ಕರೂ, ಗಳಿಕೆಗಂತೂ ಮೋಸ ಆಗಲ್ಲ. ಹೀಗಾಗಿ ಭಾರತದಾದ್ಯಂತ ಮೊದಲ ದಿನ ಸುಮಾರು 40 ಕೋಟಿ ಗಳಿಕೆ ಕಂಡಿದೆ ಎನ್ನಲಾಗಿದೆ. ಈ 40 ಕೋಟಿಯಲ್ಲಿ ನಿರ್ಮಾಪಕರಿಗೆ ಪ್ರಾಫಿಟ್ ಅಂತ ಸಿಕ್ಕಿದ್ದು, 27 ಕೋಟಿ. ಇದು ಕೋವಿಡ್ ಬಳಿಕ ಮೊದಲ ದಿನ ಅತಿ ಹೆಚ್ಚು ಗಳಿಕೆ ಕಂಡ ಸಿನಿಮಾ ಎನ್ನಲಾಗಿದೆ.

'ಬೀಸ್ಟ್' ಸಿನಿಮಾ ಕಮಾಲ್

'ಬೀಸ್ಟ್' ಸಿನಿಮಾ ಚೆನ್ನೈನಲ್ಲಿ ಹೆಚ್ಚು ಗಳಿಕೆ ಕಂಡಿದೆ. ಕೊರೊನಾ ಬಳಿಕ ಮೊದಲ ಚೆನ್ನೈ ನಗರದಲ್ಲಿ ಹೆಚ್ಚು ಗಳಿಕೆ ಕಂಡ ವಿಜಯ್ ಎರಡನೇ ಸಿನಿಮಾ ಎಂಬ ಹೆಗ್ಗಳಿಕೆ ಕಂಡಿದೆ. 2018ರಲ್ಲಿ ತೆರೆಕಂಡಿದ್ದ 'ಸರ್ಕಾರ್' ಸಿನಿಮಾ ಹೆಚ್ಚು ಗಳಿಕೆ ಕಂಡಿತ್ತು. ಆ ಸಿನಿಮಾ ನಂತ್ರ ಚೆನ್ನೈನಲ್ಲಿ ಸುಮಾರು 1.96 ಕೋಟಿ ಗಳಿಕೆ ಕಂಡು 'ಬೀಸ್ಟ್' ಸಿನಿಮಾ ಎರಡನೇ ಸ್ಥಾನದಲ್ಲಿದೆ.

ಕರ್ನಾಟಕದಲ್ಲಿ 'ಬೀಸ್ಟ್' ಗಳಿಸಿದ್ದೆಷ್ಟು?

'ಬೀಸ್ಟ್' ಸಿನಿಮಾ ಕರ್ನಾಟಕದಲ್ಲಿ ಹೆಚ್ಚು ಗಳಿಕೆ ಮಾಡುವುದಿಲ್ಲ ಎಂದು ಊಹಿಸಲಾಗಿತ್ತು. 'ಕೆಜಿಎಫ್ 2' ಹೆಚ್ಚು ಥಿಯೇಟರ್‌ಗಳನ್ನು ನೀಡುತ್ತಿರುವುದರಿಂದ 'ಬೀಸ್ಟ್' ಕರ್ನಾಟಕದಲ್ಲಿ ಹೆಚ್ಚು ಗಳಿಕೆ ಮಾಡುವುದಿಲ್ಲವೆಂದು ನಿರೀಕ್ಷೆ ಮಾಡಲಾಗಿತ್ತು. ಆದರೂ, ಕರ್ನಾಟಕದ ಗಲ್ಲಾಪೆಟ್ಟಿಗೆಯಲ್ಲಿ ಸುಮಾರು 3 ಕೋಟಿ 80 ಲಕ್ಷದಷ್ಟು ಹಣ ಗಳಿಕೆಯಾಗಿದೆ ಎನ್ನುತ್ತಿದ್ದಾರೆ ವಿತರಕರು.

'ವಲಿಮೈ' ಹಿಂದಿಕ್ಕಿದ 'ಬೀಸ್ಟ್'

ದಳಪತಿ ವಿಜಯ್ ಹಾಗೂ ಅಜಿತ್ ಅಭಿಮಾನಿಗಳ ನಡುವೆ ಕಲೆಕ್ಷನ್ ವಿಚಾರದಿಂದ ಹಿಡಿದು ಪ್ರತಿಯೊಂದು ವಿಷಯಕ್ಕೂ ತಿಕ್ಕಾಟ ನಡೆಯುತ್ತಲೇ ಇರುತ್ತೆ. ಹೀಗಾಗಿ 'ಬೀಸ್ಟ್' ಕಲೆಕ್ಷನ್ ವಿಜಯ್ ಫ್ಯಾನ್ಸ್‌ಗೆ ತುಂಬಾನೇ ಮುಖ್ಯ. ಮೂಲಗಳ ಪ್ರಕಾರ ವಿಜಯ್ 'ಬೀಸ್ಟ್' ಮೊದಲ ದಿನವೇ ಅಜಿತ್ ಅಭಿನಯದ 'ವಲಿಮೈ' ಚಿತ್ರವನ್ನು ಹಿಂದಿಕ್ಕಿದೆ. ಮೊದಲ ದಿನದ ಗಳಿಕೆ ನಿರೀಕ್ಷೆಯನ್ನೂ ಮೀರಿದೆ. ಆದರೆ, 'ಕೆಜಿಎಫ್ 2' ರಿಲೀಸ್ ಆದ ಬಳಿಕ 'ಬೀಸ್ಟ್' ಕಲೆಕ್ಷನ್ ಹೇಗಿರುತ್ತೆ? ಅನ್ನುವುದು ಮತ್ತಷ್ಟು ಕುತೂಹಲ ಕೆರಳಿಸಿದೆ.