ಕಮಲ್ ಹಾಸನ್ 'ವಿಕ್ರಂ' ಮೊದಲ ದಿನದ ಗಳಿಸಿದ್ದೆಷ್ಟು?

ಮೊದಲ ದಿನ 40 ಕೋಟಿ ಗಡಿದಾಟಿದ ವಿಕ್ರಂ!

ಇನ್ನು 'ವಿಕ್ರಂ' ಮೊದಲ ದಿನ ಉತ್ತಮ ರೆಸ್ಪಾನ್ಸ್ ಪಡೆದುಕೊಂಡಿದ್ದು. ಉತ್ತಮ ಗಳಿಕೆ ಕಂಡಿದೆ. ತಮಿಳುನಾಡಿನಲ್ಲಿ 20 ಕೋಟಿ ಗಳಿಕೆ ಕಂಡಿರುವ 'ವಿಕ್ರಂ' ವಿಶ್ವಾದ್ಯಂತ ಮೊದಲ ದಿನ 45 ಕೋಟಿ ಗಳಿಕೆ ಕಂಡಿದೆ. ವಿಕ್ರಂ ಮೊದಲ ದಿನ ಸುಮಾರು 30 ಕೋಟಿ ಗಳಿಕೆ ಮಾಡಬಹುದು ಎಂದು ಅಂದಾಜಿಸಲಾಗಿತ್ತು ಆದರೆ ಇದೀಗ 45 ಕೋಟಿ ಗಳಿಕೆ ಮಾಡಿ ದಾಖಲೆ ಬರೆದಿದೆ.

Vikram First Review : ಕಮಲ್ ಹಾಸನ್ 'ವಿಕ್ರಂ' ಸೂಪರ್ ಆ್ಯಕ್ಷನ್ ಥ್ರಿಲ್ಲರ್: ಇಲ್ಲಿದೆ ಮೊದಲ ವಿಮರ್ಶೆ!

ರಿಲೀಸ್‌ಗೂ ಮೊದಲೇ 200ಕೋಟಿ ಗಳಿಕೆ!

ಏನು ವಿಕ್ರಂ ಸಿನಿಮಾ ರಿಲೀಸ್ ಮುನ್ನವೇ 200 ಕೋಟಿ ಗಳಿಕೆ ಕಂಡಿದೆ. ವಿಕ್ರಂ ಸಿನಿಮಾದ ಪ್ರೀ ರಿಲೀಸ್ ಬ್ಯುಜಿನೆಸ್ ಇಷ್ಟು ದೊಡ್ಡ ಗಳಿಕೆ ಮೂಲಕ ದಾಖಲೆ ಬರೆದಿದೆ. ನಟ ಕಮಲ್ ಹಾಸನ್ ವೃತ್ತಿ ಜೀವನದಲ್ಲಿ ರಿಲೀಸ್‌ಗೂ ಮೊದಲೇ 200 ರೂ. ಕೋಟಿ ಗಳಿಕೆ ಕಂಡಿದೆ.

'ವಿಕ್ರಂ' ಚಿತ್ರದಲ್ಲಿ ಅದ್ಭುತ ಕಲಾವಿದರ ಬಳಗ!

ವಿಕ್ರಂ ಸಿನಿಮಾದ ನಾಯಕ ನಟ ಕಮಲ್ ಹಾಸನ್, ಆದರೆ ಇದರ ಯಶಸ್ಸಿನ ಕೀರ್ತಿ ಅವರಿಗೆ ಮಾತ್ರ ಸಲ್ಲುವುದಿಲ್ಲ. ಏಕೆಂದರೆ ಚಿತ್ರದಲ್ಲಿ, ವಿಜಯ್ ಸೇತುಪತಿ, ಫಹಾದ್ ಫಾಸಿಲ್, ಸೂರ್ಯ ಅಂತಹ ಘಟಾನುಘಟಿ ಕಲಾವಿದರು ಇದ್ದಾರೆ. ವಿಜಯ್ ಸೇತುಪತಿ ನಟ ಸೂರ್ಯ ವಿಲನ್ ಪಾತ್ರಗಳಲ್ಲಿ ಅಬ್ಬರಿಸಿ ಬೊಬ್ಬಿರಿದಿದ್ದಾರೆ. ಮಲಯಾಳಂ ನಟ ಪೃಥ್ವಿ ರಾಜ್ ಪಾತ್ರ ಜನರ ಮನಸ್ಸಲ್ಲಿ ಉಳಿದು ಬಿಡುತ್ತದೆ.

ಈ ಚಿತ್ರಕ್ಕೆ ಕೈದಿ ಚಿತ್ರದ ಲಿಂಕ್ ಇದೆ!

ಈ ಹಿಂದೆ ತಮಿಳಿನಲ್ಲಿ ಬಂದಿದ್ದ ಕೈದಿ ಸಿನಿಮಗೂ, ವಿಕ್ರಂ ಸಿನಿಮಾಗೂ ಸಣ್ಣ ನಂಟಿದೆ. ಇನ್ನು ಸಿನಿಮಾದ ಕ್ಲೈಮಾಕ್ಸ್ ನಲ್ಲಿ ನಟ ಸೂರ್ಯ ಕಾಣಿಸಿಕೊಳ್ಳುತ್ತಾರೆ. ಮತ್ತು ಕಾರ್ತಿ ಕೂಡ ಚಿತ್ರದಲ್ಲಿದ್ದಾರೆ. ನಟ ಸೂರ್ಯ ಇಡೀ ಸಿನಿಮಾದಲ್ಲಿ ಎಲ್ಲೂ ಕಾಣಿಸಿಕೊಳ್ಳುವುದಿಲ್ಲ. ಆದರೆ ಆತನ ಪಾತ್ರದ ಹೆಸರು ಮಾತ್ರ ಪ್ರತಿಧ್ವನಿಸುತ್ತಾ ಇರುತ್ತದೆ. ಕ್ಲೈಮಾಕ್ಸನಲ್ಲಿ ಬರುವ ಒಂದು ನಿಮಿಷದಲ್ಲಿ ಸೂರ್ಯ ಅಬ್ಬರಿಸಿ ಬಿಟ್ಟಿದ್ದಾರೆ. ಸದ್ಯ ವಿಕ್ರಂ ಸಿನಿಮಾ ನೋಡಿದವರಿಗೆ ಮುಂದಿನ ಭಾಗದ ಮೇಲೆ ನಿರೀಕ್ಷೆ ಹೆಚ್ಚಾಗಿದೆ.