ನರೇಶ್-ಪವಿತ್ರಾ ಲೋಕೇಶ್ ಒಟ್ಟಿಗಿದ್ದಾರೆ: 'ನರೇಶ್ ಒಬ್ಬ ಹೆಣ್ಣುಬಾಕ' 3ನೇ ಪತ್ನಿ ರಮ್ಯಾ ಸ್ಟೋಟಕ ಹೇಳಿಕೆ!

'ನರೇಶ್ ಹೆಣ್ಣು ಬಾಕ' ಎಂದ ರಮ್ಯಾ

ಪವಿತ್ರ ಲೋಕೇಶ್ ಹಾಗೂ ತೆಲುಗು ನಟ ನರೇಶ್ ಮದುವೆ ಮ್ಯಾಟರ್ ಕಿಚ್ಚು ಹಚ್ಚುತ್ತಿದ್ದಂತೆ ಮೂರನೇ ಪತ್ನಿ ರೆಬೆಲ್ ಆಗಿದ್ದಾರೆ. ತನ್ನ ಪತಿ ನರೇಶ್ ಬಗ್ಗೆ ಸ್ಟೋಟಕ ಮಾಹಿತಿಯನ್ನು ಹೊರಹಾಕಿದ್ದಾರೆ. " ನರೇಶ್ ಒಬ್ಬ ಹೆಣ್ಣುಬಾಕ. ಆತ ಹೆಣ್ಣುಬಾಕ ಅನ್ನುವುದು ಮದುವೆಯಾದ ಮೂರು ವರ್ಷಕ್ಕೆ ತಿಳಿದಿತ್ತು. ಒಳ್ಳೆ ಮಾತಿನಲ್ಲಿ ಹೇಳಿದ್ದು ಆಯ್ತು. ಅತ್ತು ಹೇಳಿದ್ದಾಯ್ತು. ನಮ್ಮ ಅತ್ತೆಯವರದ್ದು ತುಂಬು ಕುಟುಂಬ. ಎಲ್ಲರೂ ಒಟ್ಟಿಗೆ ಇರುತ್ತೇವೆ. ಪ್ರತಿಯೊಂದು ಕ್ಷಣವನ್ನು ಅನುಭವಿಸೋಣ ಅವರು ಹೇಳಿದ್ದರು. ಬಳಿಕ ಅದೆಲ್ಲಾ ಹೊರಟು ಹೋಯ್ತು." ಎಂದು ಸಂದರ್ಶನದಲ್ಲಿ ಹೇಳಿದ್ದಾರೆ.

ನರೇಶ್ ಅಫೇರ್‌ಗಳ ಬಗ್ಗೆ ಪತ್ನಿ ಬೇಸರ

ತೆಲುಗು ನಟ ನರೇಶ್ ಅವರನ್ನು ರಮ್ಯಾ ರಘುಪತಿ ಪ್ರೀತಿಸಿ ಮದುವೆಯಾಗಿದ್ದರು. ಮನೆಯವರ ವಿರೋಧ ನಡುವೆಯೂ ವಿವಾಹವಾಗಿದ್ದರು. ಆದರೂ, ನರೇಶ್ ತನಗೆ ಮೋಸ ಮಾಡಿದ್ದಾನೆ ಎಂದು ಆರೋಪ ಮಾಡಿದ್ದಾರೆ. ಇದೇ ಸಂದರ್ಶನದಲ್ಲಿ ಮಹಿಳೆಯೊಂದಿಗಿನ ಅಫೇರ್‌ನಿಂದ ಬೇಸತ್ತು ಹೋಗಿದ್ದೇನೆ ಎಂದು ಹೇಳಿದ್ದಾರೆ. " ನನಗೆ ಬೇಜಾರು ಆಗಿತ್ತು. ಸೆಂಚುರಿ ಆಯ್ತಾ ಅಂತ ಕೇಳಿದ್ದೆ. " ಎಂದು ಪತಿಯ ಹೆಣುಬಾಕ ತನವನ್ನು ಬಿಚ್ಚಿಟ್ಟಿದ್ದಾರೆ.

ಪವಿತ್ರ ಲೋಕೇಶ್ ಹಾಗೂ ನರೇಶ್ ಲಿವ್ ಇನ್‌ನಲಿದ್ದಾರೆ

ಇದೇ ವೇಳೆ ರಮ್ಯಾ ರಘುಪತಿ ಕನ್ನಡದ ನಟಿ ಪವಿತ್ರಾ ಲೋಕೇಶ್ ಹಾಗೂ ಪತಿ ನರೇಶ್ ಬಗ್ಗೆನೂ ಸ್ಟೋಟಕ ಹೇಳಿಕೆ ಕೊಟ್ಟಿದ್ದಾರೆ. " ಪವಿತ್ರಾ ಲೋಕೇಶ್ ಹಾಗೂ ನರೇಶ್ ಕಳೆದ 6 ವರ್ಷಗಳಿಂದ ಲಿವ್ ಇನ್ ರಿಲೇಷನ್‌ಶಿಫ್‌ನಲ್ಲಿದ್ದಾರೆ. ಈಗ ಅವರು ಮದುವೆ ಆಗಲು ಹೊರಟಿದ್ದಾರೆ. ನನಗೆ ಜನವರಿಯಲ್ಲಿ ನೋಟಿಸ್‌ ಕಳುಹಿಸಿದ್ದರು. ಮಗುವನ್ನು ತನ್ನ ಕಸ್ಟಗೆ ಕೇಳಿದ್ದಾರೆ. ನರೇಶ್ ಮದುವೆ ಆದಲ್ಲಿಂದ ನನ್ನನ್ನು ನಾನು ಕಳೆದುಕೊಂಡಿದ್ದೇನೆ. ಸ್ನೇಹಿತರು, ಉದ್ಯಮ, ಪತ್ನಿ ಅನ್ನುವ ಪಟ್ಟ, ಈಗ ಮಗನನ್ನು ಕಿತ್ತುಕೊಳ್ಳಲು ಹೊರಟಿದ್ದಾರೆ." ಎಂದು ರಮ್ಯಾ ಆರೋಪ ಮಾಡಿದ್ದಾರೆ.

ಮೂರು ರಾಜ್ಯಗಳಲ್ಲೂ ಮದುವೆ

ಟಾಲಿವುಡ್ ಖ್ಯಾತ ನಟ ನರೇಶ್ ಈಗಾಗಲೇ ಮೂರು ಮದುವೆಯಾಗಿದ್ದು, ನಾಲ್ಕನೇ ಮದುವೆ ತಯಾರಿ ನಡೆಸಿದ್ದಾರೆ ಎಂಬುದು ಮೂರನೇ ಪತ್ನಿ ರಮ್ಯಾ ಆರೋಪ. ಅಂದ್ಹಾಗೆ ಮೊದಲ ಪತ್ನಿ ಆಂಧ್ರ ಮೂಲದವರು. ಇವರಿಗೆ ಒಬ್ಬ ಮಗನಿದ್ದಾನೆ. ಎರಡನೇ ಪತ್ನಿಯ ಮೂಲ ತಮಿಳುನಾಡು. ಇವರಿಗೂ ಒಬ್ಬ ಪುತ್ರನಿದ್ದಾನೆ. ಮೂರನೇ ಪತ್ನಿ ರಮ್ಯಾ ರಘುಪತಿ. ಇವರು ಕರ್ನಾಟಕ ಮೂಲದವರು. ಇವರಿಗೂ ಒಬ್ಬ 8 ವರ್ಷ ಒಬ್ಬ ಪುತ್ರನಿದ್ದಾನೆ. ಈಗ ಪವಿತ್ರಾ ಲೋಕೇಶ್ ಅವರನ್ನು ನಾಲ್ಕನೇ ಮದುವೆ ಆಗಲಿದ್ದಾರೆ ಎಂದು ರಮ್ಯಾ ಆರೋಪ ಬಹಿರಂಗ ಆರೋಪ ಮಾಡಿದ್ದಾರೆ.