ವಿಚ್ಛೇದನದ ಬಳಿಕ 2022 ಸ್ವಾಗತಿಸಲು ಗೋವಾಗೆ ತೆರಳಿದ ಸಮಂತಾ: ಬಿಕಿನಿ ಫೋಟೊ ವೈರಲ್

ಗೋವಾದಲ್ಲಿ ಬಿಕಿನಿ ತೊಟ್ಟ ಸಮಂತಾ

ಸಮಂತಾ ಮೋಜು-ಮಸ್ತಿ ಮಾಡುವ ಮೂಡಿನಲ್ಲಿ ಇದ್ದಾರೆ. ಅದಕ್ಕಾಗಿ ಗೋವಾಗೆ ತೆರಳಿರುವ ಸಮಂತಾ ಸ್ನೇಹಿತೆಯರೊಂದಿಗೆ ಎಂಜಾಯ್ ಮಾಡುತ್ತಿದ್ದಾರೆ. ಗೋವಾದಲ್ಲಿ ಕಳೆದ ಕೆಲವು ದಿನಗಳನ್ನು ಸೆರೆ ಹಿಡಿದ ಪೋಟೊವನ್ನು ಇನ್‌ಸ್ಟಾಗ್ರಾಂನಲ್ಲಿ ಸಮಂತಾ ಪೋಸ್ಟ್ ಮಾಡಿದ್ದಾರೆ. ವಿಚ್ಛೇದನದ ಬಳಿಕ ಸಮಂತಾ ಬಿಕಿನಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೇ ಫೋಟೊ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಸಮಂತಾ ಗಟ್ಟಿ ನಿರ್ಧಾರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಸ್ನೇಹಿತರೊಂದಿಗೆ ಗೋವಾಗೆ ತೆರಳಿದ ಸಮಂತಾ

ಗೋವಾದಲ್ಲಿ ಸಮಂತಾ ಸ್ನೇಹಿತರೊಂದಿಗೆ ತೆರಳಿದ್ದಾರೆ. ಹೀಗಾಗಿ ದಿನಕ್ಕೊಂದು ಫೋಟೊವನ್ನು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡುತ್ತಿದ್ದಾರೆ. ಇನ್‌ಸ್ಟ್ರಾಗಂ ಸ್ಟೋರಿಯಲ್ಲಿ ಫೋಟೊಗಳನ್ನು ವಿಡಿಯೋವನ್ನು ಶೇರ್ ಮಾಡುತ್ತಿದ್ದಾರೆ. ಸಮಂತಾ ಜೊತೆ ಇನ್ನಿಬ್ಬರು ಸ್ನೇಹಿತೆಯರು ಕೂಡ ತೆರಳಿದ್ದಾರೆ. ಮಾಡಲ್ ಕಮ್ ಲಾಯರ್ ವಾಸುಕಿ ಸುಂಕವಲ್ಲಿ ಹಾಗೂ ಫ್ಯಾಷನ್ ಡಿಸೈನರ್-ಉದ್ಯಮಿ ಶಿಲ್ಪ ರೆಡ್ಡಿ ಕೂಡ ಸಮಂತಾಗೆ ಸಾಥ್ ನೀಡಿದ್ದಾರೆ.

ಸಮಂತಾ 'ಹೀರೋಯಿನ್ ಆಫ್ ದಿ ಇಯರ್'

ಸಮಂತಾ 2021ರ 'ಹೀರೋಯಿನ್ ಆಫ್ ದಿ ಇಯರ್'. ಈ ವರ್ಷದ ಆರಂಭದಿಂದಲೇ ಸಮಂತಾ ಬೇಜಾನ್ ಸುದ್ದಿಯಲ್ಲಿದ್ದಾರೆ. 'ಫ್ಯಾಮಿಲಿ ಮ್ಯಾನ್ 2' ವೆಬ್ ಸಿರೀಸ್ ಮೂಲಕ ಸಮಂತಾ ಸುದ್ದಿಯಲ್ಲಿದ್ದರು. ರಾಜಿ ಪಾತ್ರದಲ್ಲಿ ಬೋಲ್ಡ್ ಆಗಿ ನಟಿಸಿದ್ದ ಸಮಂತಾ ಬಾಲಿವುಡ್ ಮಂದಿಯ ಗಮನ ಸೆಳೆದಿದ್ದರು. ಬಳಿಕ ವಿಚ್ಛೇದನದ ಮೂಲಕ ಸುದ್ದಿಯಾದರು. 'ಪುಷ್ಪ' ಐಟಂ ಸಾಂಗ್ ಸದ್ದು ಮಾಡಿತ್ತು. ಬಳಿಕ ಪ್ಯಾನ್ ಇಂಡಿಯಾ ಸಿನಿಮಾ ಹಾಗೂ ಹಾಲಿವುಡ್ ಸಿನಿಮಾವನ್ನು ಒಪ್ಪಿಕೊಂಡಿದ್ದಾರೆ.

ಹಕ್ಕಿಯಂತೆ ಹಾರುತ್ತಿದ್ದಾರೆ ಸಮಂತಾ

'ಪುಷ್ಪ' ಚಿತ್ರಕ್ಕಾಗಿ ಹಾಟ್ ಅವತಾರವೆತ್ತಿದ್ದ ಸಮಂತಾ ಕಳೆದ ಕೆಲವು ದಿನಗಳಿಂದ ಸುದ್ದಿಯಲ್ಲಿದ್ದರು. 'ಹುಂ ಅಂಟಾವ ಮಾವ' ಅಂತ ವೈಯ್ಯಾರದ ನೋಟ ಬೀರಿದ ಮಾದಕ ನಟಿ ಪ್ರೇಕ್ಷಕರಿಂದ ಮೆಚ್ಚುಗೆಗೆ ಪಾತ್ರವಾಗಿದ್ದರು. ಸಮಂತಾ ಹಾಡಿಗೆ ಥಿಯೇಟರ್‌ನಲ್ಲಿಯೇ ಒನ್ಸ್ ಮೋರ್ ಅಂತ ಪ್ರೇಕ್ಷಕರು ಕೂಗು ಹಾಕುವಷ್ಟು ಸದ್ದು ಮಾಡಿದ್ದು ಸಮಂತಾ. ವಿಚ್ಛೇದನದ ಬಳಿಕ ಬಂಧನದ ಎಲ್ಲಾ ಗಡಿಗಳನ್ನು ದಾಟಿ ತನ್ನಿಷ್ಟದಂತೆ ಬದುಕುತ್ತಿದ್ದಾರೆ.