ಮಗಳ ಹಿಂದೆ ಹಿಂದೆ ಓಡಿದ ಅಲ್ಲು ಅರ್ಜುನ್ : ಪತ್ನಿ ಶೇರ್ ಮಾಡಿದ ವಿಡಿಯೋ ವೈರಲ್

ಜಾಲಿ ಮೂಡಿಗೆ ಜಾರಿದ ಅಲ್ಲು ಅರ್ಜುನ್

ಅಲ್ಲು ಅರ್ಜುನ್ ಜಾಲಿ ಮೂಡ್‌ನಲ್ಲಿ ಇದ್ದಾರೆ. ಪುಷ್ಪ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಚಿಂದಿ ಉಡಾಯಿಸಿದೆ. ಈಗ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿದ್ದಾರೆ. ಇಷ್ಟು ದಿನ ಇದೊಂದು ಯಶಸ್ಸಿಗಾಗಿ ಕಷ್ಟ ಪಟ್ಟಿದ್ದ ಅಲ್ಲು ಅರ್ಜುನ್ ಈಗ ಕೊಂಚ ರಿಲ್ಯಾಕ್ಸ್ ಮೂಡಿಗೆ ಜಾರಿದ್ದಾರೆ. ಹೀಗಿ ಬಿಡುವಿನ ವೇಳೆಯನ್ನು ಕುಟುಂಬದೊಂದಿಗೆ ಹೆಚ್ಚಾಗಿ ಕಳೆಯುತ್ತಿದ್ದಾರೆ. ಅದರಲ್ಲು ಪುತ್ರಿ ಅರ್ಹ ಜೊತೆ ಆಟ-ಮಸ್ತಿ ಮಾಡುತ್ತಾ ಯಶಸ್ಸನ್ನು ಎಂಜಾಯ್ ಮಾಡುತ್ತಿದ್ದಾರೆ. ಪುತ್ರಿ ಅರ್ಹ ಜೊತೆ ಅಲ್ಲು ಅರ್ಜುನ್ ಸಮಯ ಕಳೆಯುತ್ತಿರುವ ವಿಡಿಯೋವನ್ನು ಪತ್ನಿ ಇನ್‌ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದಾರೆ.

ಮಗಳೊಂದಿಗೆ ಹೆಜ್ಜೆ ಹಾಕಿದ ಅಲ್ಲು ಅರ್ಜುನ್

ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಪುತ್ರಿ ಅರ್ಹ ಹಿಂದೆ ಹಿಂದೆ ಪುಟ್ಟ ಪುಟ್ಟ ಹೆಜ್ಜೆ ಹಾಕಿದೆ ವಿಡಿಯೋವನ್ನು ಪತ್ನಿ ಶೇರ್ ಮಾಡಿದ್ದಾರೆ. ಇದೇ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಅಲ್ಲು ಅರ್ಜುನ್ ಪತ್ನಿ ಸ್ನೇಹ ರೆಡ್ಡಿ ಇನ್‌ಸ್ಟಾಗ್ರಾಂ ಶೇರ್ ಮಾಡುತ್ತಿದ್ದಂತೆ ನೆಟ್ಟಿಗರು ಕಮೆಂಟ್ ಆಡಲು ಆರಂಭಿಸಿದ್ದಾರೆ. ಅಪ್ಪ-ಮಗಳು ಬಾಂಧವ್ಯಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ. ಇಬ್ಬರಿಗೂ ಒಳ್ಳೆಯದಾಗಲಿ ಅಂತ ಹರಸುತ್ತಿದ್ದಾರೆ.

ಏಪ್ರಿಲ್ ತಿಂಗಳಿಂದ 'ಪುಷ್ಪ 2' ಶೂಟಿಂಗ್

'ಪುಷ್ಪ' ಪಾರ್ಟ್ 1 ಗೆದ್ದಿದೆ. ಫ್ಯಾನ್ ಇಂಡಿಯಾ ಸಿನಿಮಾ ಟ್ರೀಟ್ಮೆಂಟ್ ಕೊಟ್ಟು ರಿಲೀಸ್ ಮಾಡಿದ್ದ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಧೂಳೆಬ್ಬಿಸಿದೆ. ಇದೇ ಜೋಷ್‌ನಲ್ಲಿರುವ ಚಿತ್ರತಂಡ 'ಪುಷ್ಪ 2' ಶೂಟಿಂಗ್ ಆರಂಭ ಮಾಡಲು ಸಿದ್ಧತೆಗಳನ್ನು ಮಾಡಿಕೊಳ್ಳುತ್ತಿದೆ. ಟಾಲಿವುಡ್ ಮೂಲಗಳ ಪ್ರಕಾರ, 'ಪುಷ್ಪ 2' ಶೂಟಿಂಗ್ ಏಪ್ರಿಲ್ ತಿಂಗಳಿಂದ ಆರಂಭ ಆಗಲಿದೆ. ಅಲ್ಲು ಅರ್ಜುನ್ ಮ್ಯಾನರಿಸಂ ಅನ್ನು ಜನರು ಮೆಚ್ಚಿರುವುದರಿಂದ ಮತ್ತಷ್ಟು ಅದ್ದೂರಿಯಾಗಿ ಸಿನಿಮಾ ಶೂಟಿಂಗ್ ಮಾಡಲು ನಿರ್ಧರಿಸಲಾಗಿದೆ.

ಬಾಲಿವುಡ್ ಗಲ್ಲಾಪೆಟ್ಟಿಗೆಯಲ್ಲಿ 'ಪುಷ್ಪ' ಕಮಾಲ್

'ಪುಷ್ಪ' ಒಟ್ಟಾರೆ ಬಾಕ್ಸಾಫೀಸ್ ಕಲೆಕ್ಷನ್ 300 ಕೋಟಿ ಎಂದು ಹೇಳಲಾಗಿದೆ. ಆದರೆ, ಅಚ್ಚರಿ ಮೂಡಿಸಿದ್ದು ಬಾಲಿವುಡ್ ಬಾಕ್ಸಾಫೀಸ್. ಸುಮಾರು 100 ಕೋಟಿ ಗಳಿಸಿ ಲೆಕ್ಕಾಚಾರವನ್ನೆಲ್ಲಾ ತಲೆಕೆಳಗೆ ಮಾಡಿದೆ. ಬಾಹುಬಲಿ ಬಳಿಕ ಡಬ್ ಆದ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ 100 ಕೋಟಿ ಗಳಿಸಿದ್ದು ದೊಡ್ಡ ವಿಷಯವೇ. ಹೀಗಾಗಿ ಉತ್ತರದಲ್ಲೂ ಸಿಕ್ಕಿದೆ ಯಶಸ್ಸಿನ ಹಿನ್ನೆಲೆಯಲ್ಲಿ ಪಾರ್ಟಿ 2 ಶೂಟಿಂಗ್‌ಗೆ ಚಿತ್ರತಂಡ ಸಜ್ಜಾಗಿದೆ. ಈ ಬಾರಿಗೆ ಬಾಕ್ಸಾಫೀಸ್‌ನಲ್ಲಿ ದಾಖಲೆಗಳನ್ನೆಲ್ಲಾ ಉಡೀಸ್ ಮಾಡಲು ಅಲ್ಲು ಅರ್ಜುನ್ ತುದಿಗಾಲಲ್ಲಿ ನಿಂತಿದ್ದಾರೆ.