ರಶ್ಮಿಕಾ ಹೆಜ್ಜೆ ಹಾಕಿದ 'ಸಾಮಿ ಸಾಮಿ' ಹಾಡಿಗೆ ಸೊಂಟ ಬಳುಕಿಸಿದ ವಿದೇಶಿ ಮೂಲದ ಗರ್ಭಿಣಿ: ವಿಡಿಯೋ ವೈರಲ್

'ಸಾಮಿ ಸಾಮಿ' ಹಾಡಿದೆ ವಿದೇಶಿ ಮಹಿಳೆ ಸ್ಟೆಪ್ಸ್

'ಪುಷ್ಪ' ಸಿನಿಮಾದ ಹಾಡುಗಳು ಸೂಪರ್‌ಡೂಪರ್ ಹಿಟ್ ಆಗಿವೆ. ಎಲ್ಲಾ ಹಾಡುಗಳಲ್ಲೂ ಒಂದೊಂದು ಸಿಗ್ನೇಚರ್ ಸ್ಟೆಪ್ಸ್ ಇದೆ. ರಶ್ಮಿಕಾ ಹೆಜ್ಜೆ ಹಾಕಿದ ಸಾಮಿ ಸಾಮಿ ಹಾಡಿನಲ್ಲೂ ಸೊಂಟ ಬಳುಕಿಸುವ ಸ್ಟೆಪ್ ಇದೆ. ಈ ಸ್ಟೆಪ್ ವಿದೇಶಿಗರನ್ನೂ ಸೆಳೆಯುತ್ತಿದೆ. ನ್ಯೂಜಿಲ್ಯಾಂಡಿನ ಆಕ್‌ಲ್ಯಾಂಡ್‌ನಲ್ಲಿ ನೆಲೆಸಿರುವ ಮಹಿಳೆಯೊಬ್ಬರು ಸಾಮಿ ಸಾಮಿ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ವಿಶೇಷ ಅಂದರೆ, ಆಕೆ ಗರ್ಭಿಣಿಯಾಗಿದ್ದು, ಸಾಮಿ ಸಾಮಿ ಹಾಡಿಗೆ ಫಿದಾ ಆಗಿದ್ದಾರೆ. ಇದೇ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ಬೇಜಾನ್ ವೈರಲ್ ಆಗುತ್ತಿದೆ.

ಈ ಗರ್ಭಿಣಿ ಯಾರು?

ಸಾಮಿ ಸಾಮಿ ಹಾಡಿಗೆ ಹೆಜ್ಜೆ ಹಾಕಿದ ಗರ್ಭಿಣಿ ಹೆಸರು ಅಬ್ಬೇ ಸಿಂಗ್. ಇವರು ನ್ಯೂಜಿಲ್ಯಾಂಡ್ ಮೂಲದ ಆಕ್‌ಲ್ಯಾಂಡ್ ನಗರದ ನಿವಾಸಿ. ಈಕೆ ಭಾರತೀಯ ಮೂಲದ ಮನಿ ಸಿಂಗ್ ಎಂಬುವವರನ್ನು ವಿವಾಹವಾಗಿ ಆಕ್‌ಲ್ಯಾಂಡ್‌ನಲ್ಲಿ ನೆಲೆಸಿದ್ದಾರೆ. ಎರಡನೇ ಮಗುವಿನ ನಿರೀಕ್ಷೆಯಲ್ಲಿರುವ ಅಬ್ಬೆ ಸಿಂಗ್ 'ಪುಷ್ಪ' ಸಿನಿಮಾದ ಪೆಪ್ಪೆ ಸಾಂಗ್‌ಗೆ ಹೆಜ್ಜೆ ಹಾಕಿದ್ದು, ತನ್ನ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್‌ ಮಾಡಿದ್ದಾರೆ. ಈ ವಿಡಿಯೋಗೆ ಸೋಶಿಯಲ್ ಮೀಡಿಯಾದಲ್ಲಿ ಅಪಾರ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಈ ಹಾಡನ್ನು ತಲೆಯಿಂದ ಹೊರಹಾಕಲು ಆಗುತ್ತಿಲ್ಲ

ಸಾಮಿ ಸಾಮಿ ಹಾಡನ್ನು ಪೋಸ್ಟ್ ಮಾಡಿದ ಬಳಿಕ ಅಬ್ಬೆ ಸಿಂಗ್ ಈ ಹಾಡಿನ ಬಗ್ಗೆ ಇನ್‌ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ. " ಈ ಹಾಡನ್ನು ನನ್ನ ತಲೆಯಿಂದ ಹೊರ ಹಾಕಲು ಆಗುತ್ತಿಲ್ಲ. ಈ ಟ್ರೆಂಡ್‌ನಲ್ಲಿ ನಾನು ತುಂಬಾನೇ ತಡವಾಗಿದ್ದೇನೆ ಎಂದು ನನಗೆ ಗೊತ್ತಿದೆ. ಆದರೆ, ನಾನು ಇದು ಟ್ರೈ ಮಾಡಲೇ ಬೇಕಿತ್ತು. ನಾನು ಮತ್ತು ಮನಿ (ಪತಿ) ಇದೂವರೆಗೂ ಈ ಸಿನಿಮಾವನ್ನು ನೋಡಿಲ್ಲ. ಈ ವಾರ ನಾವು ನೋಡುವ ಸಿನಿಮಾ ಪಟ್ಟಿಯಲ್ಲಿ ಈ ಸಿನಿಮಾ ಕೂಡ ಇದೆ." ಎಂದು ಹೇಳಿಕೊಂಡಿದ್ದಾರೆ.

ವಿಶ್ವದ ಮೂಲೆಯಿಂದ ಸಿಗುತ್ತಿದೆ ಶುಭಾಶಯ

ಗರ್ಭಿಣಿ ಅಬ್ಬೆ ಸಿಂಗ್ ಹಾಕಿದ ಹೆಜ್ಜೆಗೆ ವಿಶ್ವದ ಮೂಲೆ ಮೂಲೆಯಿಂದ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದೆ. ಈಕೆಯ ಡ್ಯಾನ್ಸ್‌ ಕಂಡು ಮೆಚ್ಚುಗೆ ಸೂಚಿಸುತ್ತಿದ್ದಾರೆ. "ಇದುವರೆಗೂ ನಾನು ನೋಡಿರುವ ಅತ್ಯುತ್ತಮ ವಿಡಿಯೋ, ನೀವು ತುಂಬಾನೇ ಸುಂದರವಾಗಿ ಕಾಣಿಸುತ್ತಿದ್ದೀರಾ, ನಿಮ್ಮ ಎನರ್ಜಿ ನೋಡಿ ಆಶ್ಚರ್ಯ ಆಗುತ್ತಿದೆ." ಅಂತೆಲ್ಲಾ ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋಗೆ ಕಮೆಂಟ್ ಮಾಡುತ್ತಿದ್ದಾರೆ. 'ಪುಷ್ಪ' ಸಿನಿಮಾದ ಯಶಸ್ಸಿನ ಬಳಿಕ 'ಪುಷ್ಪ 2' ಅತೀ ಶೀಘ್ರದಲ್ಲಿಯೇ ಶೂಟಿಂಗ್ ಆರಂಭಿಸುವ ಸಾಧ್ಯತೆಯಿದೆ.