ಉತ್ತರ ಅಮೆರಿಕದಲ್ಲಿ ಚಿರಂಜೀವಿ, ಬಾಲಕೃಷ್ಣ, ದಳಪತಿ ವಿಜಯ್ ಸಿನಿಮಾಗಳಿಗೆ ಬುಕಿಂಗ್ ಓಪನ್!

ತೆಲುಗಿನ ಮೂರು ಸಿನಿಮಾಗಳಿಗೆ ಬುಕಿಂಗ್ ಓಪನ್

ಉತ್ತರ ಅಮೆರಿಕದಲ್ಲಿ ಮೆಗಾಸ್ಟಾರ್ ಚಿರಂಜೀವಿ ಅಭಿನಯದ 'ವಾಲ್ಟೈರ್ ವೀರಯ್ಯ', ಲೆಜೆಂಡ್ ಬಾಲಕೃಷ್ಣ ನಟನೆಯ ವೀರ ಸಿಂಹ ರೆಡ್ಡಿ ಹಾಗೂ ದಳಪತಿ ವಿಜಯ್ ಅಭಿನಯದ 'ವಾರಸುಡು' ಸಿನಿಮಾಗೆ ಬುಕಿಂಗ್ ಓಪನ್ ಆಗಿದೆ. ಶ್ಲೋಕ ಎಂಟರ್‌ಟೈನ್ಮೆಂಟ್ ಈಗಾಗಲೇ ಬುಕಿಂಗ್ ಓಪನ್ ಮಾಡಿದ್ದು, ಅನಿವಾಸಿ ಭಾರತೀಯರಿಂದ ಭರ್ಜರಿ ರೆಸ್ಪಾನ್ಸ್ ಸಿಗುತ್ತಿದೆ ಎದು ವರದಿಯಾಗಿದೆ.

ಅಮೆರಿಕದ ಇತಿಹಾಸದಲ್ಲೇ ಬಿಗ್ ರಿಲೀಸ್

ಮೂವರು ಸೂಪರ್‌ಸ್ಟಾರ್ ಸಿನಿಮಾಗಳು ಸಂಕ್ರಾಂತಿಗೆ ರಿಲೀಸ್ ಆಗುತ್ತಿರೋದ್ರಿಂದ ದೊಡ್ಡ ಬ್ಯುಸಿನೆಸ್ ಅನ್ನು ನಿರೀಕ್ಷೆ ಮಾಡಲಾಗಿದೆ. ಉತ್ತರ ಅಮೆರಿಕದ ಅತೀ ದೊಡ್ಡ ಥಿಯೇಟರ್ ಚೈನ್ ಸಿನಿಮಾರ್ಕ್‌ನಲ್ಲಿ ಬುಕಿಂಗ್ ಓಪನ್ ಆಗಿದೆ. ಮುಂದಿನ ದಿನಗಳಲ್ಲಿ ಥಿಯೇಟರ್‌ಗಳ ಸಂಖ್ಯೆ ಇನ್ನೂ ಹೆಚ್ಚಾಗುವ ಸಾಧ್ಯತೆ ಇದೆ. ಆದರೆ, ಉತ್ತರ ಅಮೆರಿಕದ ಇತಿಹಾಸದಲ್ಲಿಯೇ ಈ ಮೂರು ಸಿನಿಮಾಗಳದ್ದು ಬಿಗ್ಗೆಸ್ಟ್ ರಿಲೀಸ್ ಎನ್ನಲಾಗುತ್ತಿದೆ.

ಸಿನಿಮಾಗಳ ಪ್ರೀಮಿಯರ್ ಡೇಟ್ ಏನು?

ಮೆಗಾಸ್ಟಾರ್ ಚಿರಂಜೀವಿಯ ಮಾಸ್ ಮೂವಿ 'ವಾಲ್ಟೈರ್ ವೀರಯ್ಯ' ಜನವರಿ 13, 2023ಯಲ್ಲಿ ರಿಲೀಸ್ ಆಗುತ್ತಿದೆ. ಹೀಗಾಗಿ ಉತ್ತರ ಅಮೆರಿಕದಲ್ಲಿ ಒಂದು ದಿನ ಮುನ್ನ ಅಂದ್ರೆ, ಜನವರಿ 12ರಂದು ದೊಡ್ಡ ಮಟ್ಟದಲ್ಲಿ ಪ್ರೀಮಿಯರ್ ನಡೆಯಲಿದೆ. ಇನ್ನು ಬಾಲಕೃಷ್ಣ ಅಭಿನಯದ 'ವೀರ ಸಿಂಹ ರೆಡ್ಡಿ' ಜನವರಿ 12 ರಂದು ರಿಲೀಸ್ ಆಗುತ್ತಿದೆ. ಈ ಸಿನಿಮಾದ ಪ್ರೀಮಿಯರ್ ಜನವರಿ 11ಕ್ಕೆ ಆಗಲಿದೆ. ದಳಪತಿ ವಿಜಯ್ ಸಿನಿಮಾ 'ವಾರಸುಡು' ಕೂಡ ಜನವರಿ 12ಕ್ಕೆ ರಿಲೀಸ್ ಆಗುತ್ತಿದ್ದು, ಒಂದು ಮುನ್ನ ಪ್ರೀಮಿಯರ್ ಆಗುತ್ತೆ ಎನ್ನಲಾಗಿದೆ.

'ವಾರಸುಡು' ಪ್ರೀಮಿಯರ್

ದಿಲ್ ರಾಜು ನಿರ್ಮಾಣದ 'ವಾರಸುಡು' ಸಿನಿಮಾವನ್ನು ಅತೀ ಹೆಚ್ಚು ಚಿತ್ರಮಂದಿರಗಳಲ್ಲಿ ಪ್ರೀಮಿಯರ್ ಮಾಡಲು ನಿರ್ಧರಿಸಲಾಗಿದೆ. ಸುಮಾರು 600 ಕ್ಕೂ ಅಧಿಕ ಸ್ಥಳಗಳಲ್ಲಿ 1000ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ಸಿನಿಮಾವನ್ನು ಪ್ರೀಮಿಯರ್ ಮಾಡಲಾಗುತ್ತೆ. ತೆಲುಗು ಹಾಗೂ ತಮಿಳು ಎರಡೂ ಭಾಷೆಯಲ್ಲೂ ಈ ಸಿನಿಮಾದ ಪ್ರೀಮಿಯರ್ ನಡೆಯಲಿದೆ. ದಳಪತಿ ವಿಜಯ್ ಹಾಗೂ ರಶ್ಮಿಕಾ ಮಂದಣ್ಣ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.