'ಮತ್ತೆ ತಿರುಗೇಟು ನೀಡುತ್ತೇವೆ' ಎಂದ ಚಾರ್ಮಿ: 'ಲೈಗರ್' ಸೋಲಿನ ಬಳಿಕ ಸೋಶಿಯಲ್ ಮೀಡಿಯಾಗೆ ಬ್ರೇಕ್!

ಸೋಶಿಯಲ್ ಮೀಡಿಯಾಗೆ ಬ್ರೇಕ್

ಚಾರ್ಮಿ ಹಾಗೂ ಪುರಿ ಜಗನ್ನಾಥ್ ಇಬ್ಬರಿಗ ಈ ಸಿನಿಮಾ ಗೆಲ್ಲಲೇ ಬೇಕಿತ್ತು. ಪುರಿ ಜಗನ್ನಾಥ್ ಹಾಗೂ ಚಾರ್ಮಿ ಇಬ್ಬರೂ ಈ ಹಿಂದೆ ನಿರ್ಮಿಸಿದ್ದ ಸಿನಿಮಾಗಳು ಸೋಲುಂಡಿದ್ದರು. ಆದರೆ, 2019ರಲ್ಲಿ ತೆರೆಕಂಡಿದ್ದ 'ಇಸ್ಮಾರ್ಟ್ ಶಂಕರ್' ಸೂಪರ್‌ ಡೂಪರ್ ಹಿಟ್ ಆಗಿತ್ತು. ಆ ಬಳಿಕ ನಿರ್ಮಿಸಿದ ಸಿನಿಮಾವೇ 'ಲೈಗರ್'. ಆದರೆ ಈ ಸಿನಿಮಾ ಹೀನಾಯವಾಗಿ ಸೋಲುಂಡಿದೆ. ಸಿನಿಮಾ ಬಿಡುಗಡೆ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್ ಆಗಿತ್ತು. ಹೀಗಾಗಿ ಸದ್ಯ ಸೋಶಿಯ್ ಮೀಡಿಯಾದಿಂದ ಚಾರ್ಮಿ ಬ್ರೇಕ್ ತೆಗೆದುಕೊಳ್ಳಲು ನಿರ್ಧರಿಸಿದ್ದಾರೆ.

ಮತ್ತೆ ಎದ್ದು ಬರುತ್ತೇವೆ

'ಲೈಗರ್' ಸೋಲಿನ ಬಳಿಕ ಚಾರ್ಮಿ ಕೌರ್ ಕೆಲವು ದಿನಗಳು ಸೋಶಿಯಲ್ ಮೀಡಿಯಾದಿಂದ ಹೊರಗುಳಿಯಲು ನಿರ್ಧರಿಸಿದ್ದಾರೆ. ಟ್ವಿಟರ್‌ನಲ್ಲಿ ಈ ಬಗ್ಗೆ ಮಾಹಿತಿ ನೀಡಿದ್ದು, " ಸೋಶಿಯಲ್ ಮೀಡಿಯಾದಿಂದ ಬ್ರೇಕ್ ತೆಗೆದುಕೊಳ್ಳುತ್ತಿದ್ದೇನೆ. ಪುರಿ ಕನೆಕ್ಟ್ಸ್ ಮತ್ತೆ ಇದಕ್ಕಿಂತಲೂ ದೊಡ್ಡದಾಗಿ ಉತ್ತಮವಾಗಿ ಎದ್ದು ನಿಲ್ಲುತ್ತೆ. ಬದುಕಿ ಬದುಕಲು ಬಿಡಿ. ಎಂದು ಚಾರ್ಮಿ ಕೌರ್ ಟ್ವೀಟ್ ಮಾಡಿದ್ದಾರೆ. ಈ ಟ್ವೀಟ್ ಟಾಲಿವುಡ್‌ನಲ್ಲಿ ದೊಡ್ಡ ಸಂಚಲವನ್ನೇ ಸೃಷ್ಟಿಸಿದೆ.

ಬ್ರೇಕ್ ಕೊಟ್ಟಿದ್ದು ಇದೇ ಮೊದಲಲ್ಲ!

ಚಾರ್ಮಿ ಕೌರ್ ಸೋಶಿಯಲ್ ಮೀಡಿಯಾಗೆ ಬ್ರೇಕ್ ಕೊಟ್ಟಿದ್ದು ಇದೇ ಮೊದಲಲ್ಲ. 'ಲೈಗರ್' ಸಿನಿಮಾ ಶೂಟಿಂಗ್ ವೇಳೆನೂ ಚಾರ್ಮಿ ಕೌರ್ ಹೀಗೆ ಬ್ರೇಕ್ ತೆಗೆದುಕೊಂಡಿದ್ದರು. 'ಲೈಗರ್' ಸಿನಿಮಾ ಶೂಟಿಂಗ್ ವೇಳೆನೂ ಒಮ್ಮೆ ಚಾರ್ಮಿ ಕೌರ್ ಸೋಶಿಯಲ್ ಮೀಡಿಯಾದಿಂದ ಬ್ರೇಕ್ ತೆಗೆದುಕೊಂಡಿದ್ದರು." ಸೋಶಿಯಲ್ ಮೀಡಿಯಾದಿಂದ ಬ್ರೇಕ್ ತೆಗೆದು ಕೊಳ್ಲುತ್ತಿದ್ದೇನೆ. ಬೇಗ ಸಿಗುತ್ತೇನೆ." ಎಂದು ಟ್ವೀಟ್ ಮಾಡಿದ್ದರು. ಆಗ 'ಲೈಗರ್' ಸಿನಿಮಾ ಶೂಟಿಂಗ್ ನಡೆಯುತ್ತಿತ್ತು.

'ಲೈಗರ್'ಗೆ ಭಾರಿ ನಷ್ಟ

ಈ ವರ್ಷ ಟಾಲಿವುಡ್‌ನಲ್ಲಿ ಅತಿ ದೊಡ್ಡ ಸೋಲು ಕಂಡ ಸಿನಿಮಾ 'ಲೈಗರ್' ಎಂದು ಸಾಬೀತಾಗಿದೆ. 'ಲೈಗರ್' ಸಿನಿಮಾದಿಂದ ಸುಮಾರು 60 ರಿಂದ 70 ಕೋಟಿ ರೂ. ನಷ್ಟ ಆಗಿದೆ ಎನ್ನಲಾಗಿದೆ. ಆದರೆ, ಈ ಸೋಲನ್ನು ಸವಾಲಾಗಿ ಸ್ವೀಕರಿಸಿರೋ ಪುರಿ ಜಗನ್ನಾಥ್ ಹಾಗೂ ಚಾರ್ಮಿ ಕೌರ್ ಆಡಿಕೊಂಡವರಿಗೆ ಟಕ್ಕರ್ ಕೊಡುವುದಕ್ಕೆ ನಿರ್ಧರಿಸಿದ್ದಾರೆ.